ಇನ್ಲ್ಯಾಂಡ್ ಬಿಲ್ಡರ್ಸ್ನ ‘ಇನ್ಲ್ಯಾಂಡ್ ಸನ್ಲೈಟ್’ ಮಾದರಿ ಫ್ಲ್ಯಾಟ್ ಉದ್ಘಾಟನೆ
ಮಂಗಳೂರು, ಫೆ.7: ನಗರದ ಪ್ರತಿಷ್ಠಿತ ಗೃಹ ನಿರ್ಮಾಣ ಸಂಸ್ಥೆಯಾದ ‘ಇನ್ಲ್ಯಾಂಡ್ ಬಿಲ್ಡರ್ಸ್’ನ ‘ಇನ್ಲ್ಯಾಂಡ್ ಸನ್ಲೈಟ್’ ಮಾದರಿ ಫ್ಲ್ಯಾಟ್ ನ್ನು ದಾಯ್ಜಿವರ್ಲ್ಡ್ನ ಸ್ಥಾಪಕ ಹಾಗೂ ಆಡಳಿತ ನಿರ್ದೇಶಕ ವಾಲ್ಟರ್ ನಂದಳಿಕೆ ಗುರುವಾರ ಉದ್ಘಾಟಿಸಿದರು.
ಬಳಿಕ ಮಾತನಾಡಿದ ಅವರು ಇನ್ಲ್ಯಾಂಡ್ ಬಿಲ್ಡರ್ ಸಂಸ್ಥೆಯು ಗೃಹ ನಿರ್ಮಾಣ ರಂಗದಲ್ಲಿ ತನ್ನದೇ ಆದ ಯೋಜನೆಗಳ ಮೂಲಕ ಗ್ರಾಹಕರ ಸಂತೃಪ್ತಿಗೆ ಪಾತ್ರವಾಗುತ್ತಾ ಬಂದಿದೆ. ಹೆಚ್ಚಾಗಿ ಫ್ಲ್ಯಾಟ್ಗಳು ನಿರ್ಮಾಣಗೊಂಡ ಬಳಿಕ ಉದ್ಘಾಟನೆಗೊಳ್ಳುವುದು ಸಹಜ. ಆದರೆ, ಇಲ್ಲಿ ನೂತನ ಫ್ಲಾಟ್ ಹೇಗಿರುತ್ತದೆ ಮತ್ತು ಅದಕ್ಕೆ ಪೀಠೋಪಕರಣ ಅಳವಡಿಸಿದಾಗ ಹೇಗಾಗಿರುತ್ತದೆ ಎಂದು ತಿಳಿಯುವ ಅಪೂರ್ವವಾದ ಅವಕಾಶವೊಂದನ್ನು ಗ್ರಾಹಕರಿಗೆ ನೀಡಲಾಗಿದೆ. ಫ್ಲ್ಯಾಟ್ ಖರೀದಿಸಲು ಆಸಕ್ತಿ ಇರುವವರು ಇಲ್ಲಿಗೆ ಖುದ್ದು ಆಗಮಿಸಿ ಮಾದರಿ ಫ್ಲ್ಯಾಟ್ ನಿರ್ಮಾಣದ ನೋಟವನ್ನು ವೀಕ್ಷಿಸಬಹುದು. ಆ ಮೂಲಕ ತನ್ನ ಆಯ್ಕೆಯ ಫ್ಲ್ಯಾಟ್ ಖರೀದಿಸಬಹುದಾಗಿದೆ ಎಂದರು.
ಈ ಸಂದರ್ಭ ಮಾತನಾಡಿದ ಇನ್ಲ್ಯಾಂಡ್ ಬಿಲ್ಡರ್ಸ್ ಅಧ್ಯಕ್ಷ ಹಾಗೂ ಆಡಳಿತ ನಿರ್ದೇಶಕ ಸಿರಾಜ್ ಅಹ್ಮದ್ ಇದೊಂದು ವಿಶಿಷ್ಟ ಹಾಗೂ ವಿಭಿನ್ನ ಯೋಜನೆಯಾಗಿದ್ದು, ನನ್ನ ಬದುಕಿನಲ್ಲಿ ಇಂತಹ ಅನುಭವವನ್ನು ಮೊದಲ ಬಾರಿಗೆ ಪಡೆಯುತ್ತಿದ್ದೇನೆ. ಪೈಪೋಟಿ ಯುಗದ ಇಂದಿನ ಮಾರುಕಟ್ಟೆಯಲ್ಲಿ ಗ್ರಾಹಕರಲ್ಲಿ ವಿಶ್ವಾಸ ತುಂಬಲು ಕೂಡ ಇದು ಸಹಕಾರಿಯಾಗಬಲ್ಲದು. ಸಂಸ್ಥೆಯು ನಿರಂತರವಾಗಿ ಗ್ರಾಹಕರ ಅಗತ್ಯ ಹಾಗೂ ಅವಶ್ಯಕತೆಗಳಿಗೆ ಪೂರಕವಾಗಿ ವಸತಿಸಮುಚ್ಛಯಗಳ ನಿರ್ಮಾಣ ಮಾಡುತ್ತಾ ಬಂದಿದ್ದೇವೆ. ಗುಣಮಟ್ಟದಲ್ಲಿ ಯಾವತ್ತೂ ರಾಜಿ ಮಾಡಿಕೊಳ್ಳದೆ ಅತ್ಯಂತ ಕಡಿಮೆ ದರದಲ್ಲಿ ಫ್ಲ್ಯಾಟ್ ಗಳನ್ನು ಮಾರಾಟ ಮಾಡಲಾಗುತ್ತದೆ. ಅಂದರೆ ಮಾದರಿ ಫ್ಯಾಟ್ನ ಅನಾವರಣದ ಹಿನ್ನಲೆಯಲ್ಲಿ ಸಂಸ್ಥೆಯು ಫೆ.15ರವರೆಗೆ ರಿಯಾಯಿತಿ ಘೋಷಿಸಿದೆ. ಪ್ರತೀ ಫ್ಲ್ಯಾಟ್ ನ ಕನಿಷ್ಠ ದರ 35 ಲಕ್ಷ ರೂ.ನಿಂದ ಪ್ರಾರಂಭವಾಗುತ್ತದೆ ಎಂದರು.
ಸ್ಮಾರ್ಟ್ ಸಿಟಿ ಮಂಗಳೂರಿನ ಕೂಳೂರು-ಕಾವೂರು ಅತ್ಯಂತ ವೇಗವಾಗಿ ಪ್ರಗತಿ ಹೊಂದುತ್ತಿರುವ ವಸತಿ ಪ್ರದೇಶವಾಗಿದೆ. ಎಂಆರ್ಪಿಎಲ್, ಎಂಸಿಎಫ್, ಎಎಐ, ಎನ್ಎಂಪಿಟಿ, ಡಾ. ಎಂ.ವಿ. ಶೆಟ್ಟಿ ಕಾಲೇಜು ಮತ್ತು ಕರಾವಳಿ ಕಾಲೇಜು, ಪೊದಾರ್ ಇಂಟರ್ನ್ಯಾಷನಲ್ ಸ್ಕೂಲ್, ಬಿಜಿಎಸ್ ಶಿಕ್ಷಣ ಸಂಸ್ಥೆಗಳಿಂದ ಆವೃತ್ತವಾಗಿರುವ ಈ ಪ್ರದೇಶವು ನೇರವಾಗಿ ವಿಮಾನ ನಿಲ್ದಾಣವನ್ನು ಸಂಪರ್ಕಿಸುವ ದ್ವಿಪಥ ರಸ್ತೆಯೊಂದಿಗೆ ಬಸ್, ಟ್ಯಾಕ್ಸಿ ಮತ್ತು ಆಟೋ ಸಾರಿಗೆಯನ್ನು ಹೊಂದಿದೆ.
ಈ ವಸತಿ ಸಮುಚ್ಚಯದಲ್ಲಿ 2 ಬಿಎಚ್ಕೆ 1025, 1055, 1095 ಮತ್ತು 3 ಬಿಎಚ್ಕೆ 1415 ಚ.ಅ.ವಿಸ್ತೀರ್ಣ ಹೊಂದಿದ್ದು, ಪ್ರತಿಷ್ಠಿತ ಕಂಪೆನಿಗಳ ಅಧಿಕಾರಿ-ಉದ್ಯೋಗಿಗಳಲ್ಲದೆ ಗಲ್ಫ್ ಹೂಡಿಕೆದಾರರು ಕೂಡ ಫ್ಲಾಟ್ಗಳನ್ನು ಬುಕ್ ಮಾಡಿಕೊಂಡಿದ್ದಾರೆ. ಈಗಾಗಲೆ ಶೇ. 65ರಷ್ಟು ಫ್ಲ್ಯಾಟ್ ಗಳು ಮಾರಾಟವಾಗಿವೆ ಎಂದು ಸಿರಾಜ್ ಅಹ್ಮದ್ ತಿಳಿಸಿದ್ದಾರೆ.
ಕಾರ್ಯಕ್ರಮದಲ್ಲಿ ಇನ್ಲ್ಯಾಂಡ್ ಬಿಲ್ಡರ್ಸ್ನ ಮಿರಾಜ್ ಅಹ್ಮದ್, ಮಾರಾಟ ವಿಭಾಗದ ಅಧಿಕಾರಿ ಉಲ್ಲಾಸ್ ಕದ್ರಿ ಮತ್ತಿತರರು ಉಪಸ್ಥಿತರಿದ್ದರು.
ವೆಬ್ಸೈಟ್: www.inlandbuilders.net, ಈಮೇಲ್ mkt.mlr@inlandbuilders.net ಮೊಬೈಲ್ : 9880138015, 8197168444, 9972089099, 9972014055 ಸಂಪರ್ಕಿಸಬಹುದು.
