ಅಲೆಮಾರಿ ಒಕ್ಕೂಟದ ಮಹಿಳಾ ಘಟಕದ ಅಧ್ಯಕ್ಷರಾಗಿ ಹರ್ಷಿತಾ ಗಾಂಧಿ ನೇಮಕ

ಬೆಂಗಳೂರು, ಜ 10: ಕರ್ನಾಟಕ ಅಲೆಮಾರಿ, ಅರೆ ಅಲೆಮಾರಿ ಮತ್ತು ವಿಮುಕ್ತ ಬುಡಕಟ್ಟುಗಳ ಒಕ್ಕೂಟದ ಮಹಿಳಾ ಘಟಕದ ಅಧ್ಯಕ್ಷರಾಗಿ ಹರ್ಷಿತಾ ಗಾಂಧಿ ಅವರನ್ನು ನೇಮಕ ಮಾಡಲಾಗಿದೆ ಎಂದು ಸಂಘದ ಪ್ರಧಾನ ಕಾರ್ಯದರ್ಶಿ ಕೆ. ಚಾವಡೆ ಲೋಕೇಶ್ ತಿಳಿಸಿದ್ದಾರೆ.

ಅಲೆಮಾರಿ, ಅರೆ ಅಲೆಮಾರಿ ಮತ್ತು ವಿಮುಕ್ತ ಬುಡಕಟ್ಟುಗಳ ಸಮಸ್ಯೆಗಳ ಬಗ್ಗೆ ರಾಜ್ಯಾದ್ಯಂತ ಪ್ರವಾಸ ಕೈಗೊಂಡು ಅಧ್ಯಯನ ನಡೆಸುವ ಜತೆಗೆ ಶೀರ್ಘದಲ್ಲೆ ರಾಜ್ಯ ಮಟ್ಟದ ಮಹಿಳಾ ಸಮಾವೇಶ ನಡೆಸಲಾಗುವುದು ಎಂದು ನೂತನ ಅಧ್ಯಕ್ಷೆ ಹರ್ಷಿತಾ ಗಾಂಧಿ ಹೇಳಿದ್ದಾರೆ.

ಮೂವತ್ತು ವರ್ಷಗಳ ಪುರಾತನ ಸಂಘಟನೆಯ ಮಹಿಳಾ ಘಟಕದ ಅಧ್ಯಕ್ಷರಾಗಿ ನೇಮಕವಾಗಿರುವ ಹರ್ಷಿತಾ ಗಾಂಧಿ, ನಿರ್ಲಕ್ಷಿತ, ಶೋಷಿತ ಸಮುದಾಯದವರನ್ನು ಉತ್ತಮ ರೀತಿಯಲ್ಲಿ ಸಂಘಟನೆ ಮಾಡಿ ಅವರ ಸಮಸ್ಯೆಗಳನ್ನು ಬಗೆಹರಿಸಲು ಮುಂದಾಗಬೇಕೆಂದು ಅಧ್ಯಕ್ಷ ಕೆ.ಬಾಸ್ಕರ್ ದಾಸ್ ಎಕ್ಕಾರು ಸಲಹೆ ಮಾಡಿದ್ದಾರೆ.