ಓ ಮೆಣಸೇ…
ಬಸವಣ್ಣ ಒಬ್ಬ ಅತಿದೊಡ್ಡ ಹಾಗೂ ಒಳ್ಳೆಯ ಹಿಂದೂ ಆಗಿದ್ದರು - ವಿಶ್ವೇಶ ತೀರ್ಥ ಸ್ವಾಮೀಜಿ,
ಪೇಜಾವರ ಮಠ ನಿಮ್ಮ ಮಠಗಳಲ್ಲಿ ಬಸವಣ್ಣನರ ವಚನಗಳನ್ನೇಕೆ ಪಠಿಸುವುದಿಲ್ಲ?
---------------------
ಜೆಡಿಎಸ್ ಬಿಜೆಪಿಯ ‘ಬಿ’ ಟೀಂ ಎಂಬ ಕಪ್ಪುಚುಕ್ಕೆಯನ್ನು ಅಳಿಸುತ್ತೇನೆ - ದೇವೇಗೌಡ, ಮಾಜಿ ಪ್ರಧಾನಿ
ಅದು ಕುಮಾರಸ್ವಾಮಿಯ ಹಣೆಯ ಮೇಲಿರುವ ಚುಕ್ಕೆಯಲ್ಲ, ಮಚ್ಚೆಯಂತೆ.
---------------------
ಮೋದಿಯನ್ನು ಪ್ರಧಾನಿ ಹುದ್ದೆಯಿಂದ ಕೆಳಗಿಳಿಸಲು ಕಾಂಗ್ರೆಸ್ ಪಾಕಿಸ್ತಾನದ ನೆರವು ಬೇಡಿದೆ
- ನಿರ್ಮಲಾ ಸೀತಾರಾಮನ್, ಕೇಂದ್ರ ಸಚಿವೆ
ನವಾಝ್ ಶರೀಫ್ನ್ನು ಗುಟ್ಟು ಗುಟ್ಟಾಗಿ ಮೋದಿಯವರು ಭೇಟಿಯಾಗಿದ್ದು ಯಾಕೆ?
---------------------
ಈ ಬಾರಿಯ ಲೋಕಸಭಾ ಚುನಾವಣೆ ಕುರುಕ್ಷೇತ್ರ ಇದ್ದಂತೆ - ಎ.ಕೆ.ಆ್ಯಂಟನಿ, ಮಾಜಿ ಕೇಂದ್ರ ಸಚಿವ
ದೇಶದ ಕಂಕುಳಲ್ಲಿ ಎದ್ದ ಕುರು ಇದು.
---------------------
ಮೊದಲ ಬಾರಿಗೆ ಮತ ಹಾಕುತ್ತಿರುವವರಿಗೆ ಬಿಜೆಪಿ ಆಶಾಕಿರಣ - ನರೇಂದ್ರ ಮೋದಿ, ಪ್ರಧಾನಿ
ಹಳಬರಿಗೆ ಸತ್ಯ ಗೊತ್ತಾಗಿ ಬಿಟ್ಟಿದೆ.
---------------------
ಗೋಮಾಂಸ ಸೇವನೆ ಆರೋಗ್ಯಕ್ಕೆ ಹಾನಿಕರ - ರಾಘವೇಶ್ವರ ಭಾರತಿ ಸ್ವಾಮೀಜಿ, ರಾಮಚಂದ್ರಾಪುರ ಮಠ
ಬಿಜೆಪಿ ನಾಯಕರೆಲ್ಲ ಅನಾರೋಗ್ಯಕ್ಕೀಡಾಗುತ್ತಿರುವುದು ಗೋಮಾಂಸ ಸೇವನೆಯಿಂದ ಎಂದು ಹೇಳುತ್ತೀರಾ?
---------------------
(ಐಟಿ ದಾಳಿಯಲ್ಲಿ ) ನನ್ನಿಂದ ಚಿಕ್ಕ ಅಳಿಲಿನಷ್ಟು ತಪ್ಪಾಗಿದೆ - ಸುದೀಪ್, ನಟ
ತಮ್ಮದು ಅಳಿಲು ಸೇವೆ ಎಂದು ಗುರುತಿಸೋಣವೇ?
---------------------
ನಮ್ಮದು ‘ತಾಯಿ ಹೃದಯದ’ ಸರಕಾರ -ಕುಮಾರಸ್ವಾಮಿ, ಮುಖ್ಯಮಂತ್ರಿ
ಸಿದ್ದರಾಮಯ್ಯ ಅವರು ಮಲತಾಯಿ ಇರಬೇಕು.
---------------------
ನಾರ್ಮಲ್ ಡೆಲಿವರಿ ಮಾಡಿ ಎಂದರೆ ಯಡಿಯೂರಪ್ಪ ಆಪರೇಶನ್ ಮಾಡಲು ಹೊರಟರು, ಆದರೆ ಈಗ ಗರ್ಭಪಾತವಾಗಿದೆ - ಸಿಎಂ.ಇಬ್ರಾಹೀಂ, ಕಾಂಗ್ರೆಸ್ ನಾಯಕ
ಮೊದಲು ತಮ್ಮ ಪಕ್ಷದೋರು ಪದೇ ಪದೇ ಗರ್ಭಿಣಿಯರಾಗುವುದನ್ನು ತಪ್ಪಿಸಿ.
---------------------
ಚುನಾವಣೆ ಎನ್ನುವುದು ಫಿಸಿಕ್ಸ್ ಅಲ್ಲ ಕೆಮೆಸ್ಟ್ರಿ - ಜೆ.ಪಿ.ನಡ್ಡಾ, ಬಿಜೆಪಿ ನಾಯಕ
ಆರೆಸ್ಸೆಸ್ ಪಾಲಿಗೆ ಚುನಾವಣೆ ಎನ್ನುವುದು ಹಿಸ್ಟರಿ ಅಂತೆ.
---------------------
ಬಿಜೆಪಿಯವರು ಟೆಸ್ಟ್ ಮ್ಯಾಚ್ ಆಡ್ತಾರೆ. ನಾವು ಒನ್ಡೇ ಮ್ಯಾಚ್ ಆಡಿ ಗೆಲ್ತೇವೆ - ಯು.ಟಿ.ಖಾದರ್, ಸಚಿವ
ಮ್ಯಾಚ್ ಆಡ್ತಾ ಕೂತರೆ, ಆಡಳಿತ ನಡೆಸುವವರು ಯಾರು?
---------------------
ಭಾರತವನ್ನು ಜಗದ್ಗುರುವಾಗಿಸುವುದು ಬಿಜೆಪಿ ಪರಿಕಲ್ಪನೆ - ನಳಿನ್ಕುಮಾರ್ ಕಟೀಲು, ಸಂಸದ
ಪಂಪ್ವೆಲ್ ಓವರ್ ಬ್ರಿಡ್ಜ್ನ್ನು ನೋಡಲು ಜಗದೆಡೆಗಳಿಂದ ಜನರು ಆಗಮಿಸುತ್ತಿದ್ದಾರೆ.
---------------------
ವಾಮ ಮಾರ್ಗದಿಂದ ಅಧಿಕಾರಕ್ಕೆ ಬರುವ ಆಸೆ ನಮಗಿಲ್ಲ - ಸದಾನಂದಗೌಡ, ಕೇಂದ್ರ ಸಚಿವ
ರಾಮ ಮಾರ್ಗವಂತೂ ಬಿಜೆಪಿ ಪಾಲಿಗೆ ಮುಚ್ಚಿಕೊಂಡಿದೆ.
---------------------
ಬಿಎಸ್ಪಿ-ಎಸ್ಪಿ ಮೈತ್ರಿ ಮುಂದಿನ ಪ್ರಧಾನಿ ಯಾರಾಗುತ್ತಾರೆ ಎಂಬುದನ್ನು ನಿರ್ಧರಿಸಲಿದೆ - ಮಾಯಾವತಿ, ಬಿಎಸ್ಪಿ ನಾಯಕಿ
ಸಾಮಾನ್ಯ ವರ್ಗಕ್ಕೆ 10 ಪರ್ಸೆಂಟ್ ಮೀಸಲಾತಿಯೇ ಎಲ್ಲವನ್ನು ನಿರ್ಧರಿಸುತ್ತದೆ ಎಂದು ಮೋದಿ ಹೇಳುತ್ತಿದ್ದಾರೆ.
---------------------
ಸಂಕ್ರಾತಿಯಾದರೂ ಸರಿ ಮುಂದಿನ ಯುಗಾದಿಯಾದರೂ ಸರಿ ಯಡಿಯೂರಪ್ಪ ಮುಖ್ಯಮಂತ್ರಿಯಾಗುವುದು ನಿಶ್ಚಿತ - ಪ್ರತಾಪಸಿಂಹ, ಸಂಸದ
ಶಿವರಾತ್ರಿಯನ್ನು ಯಾಕೆ ಬಿಟ್ಟಿರಿ?
---------------------
ಕಾಂಗ್ರೆಸ್ ನಾಯಕರು ತೊಟ್ಟಿಲನ್ನು ತೂಗುತ್ತಾ ಮಗುವನ್ನು ಚಿವುಟುವ ಕೆಲಸ ಮಾಡುತ್ತಿದ್ದಾರೆ - ಸಿ.ಟಿ.ರವಿ, ಶಾಸಕ
ಯಡಿಯೂರಪ್ಪರನ್ನು ನೀವು ಚಿವುಟುತ್ತಿರುವ ಹಾಗೆ.
---------------------
ನಮ್ಮದು ರಕ್ತಗತವಾಗಿ ಕಾಂಗ್ರೆಸ್ ವಂಶ - ಡಾ.ಅಜಯ್ಸಿಂಗ್, ಶಾಸಕ
ಜನರು ರಕ್ತಪಾತ ಎಂದು ಕೇಳಿಸಿಕೊಂಡಿದ್ದಾರೆ.
---------------------
ಮುಸ್ಲಿಮರು ಜೆಡಿಎಸ್ನಿಂದ ದೂರವಾಗಲು ಕಾಂಗ್ರೆಸ್ ಪಕ್ಷವೇ ಕಾರಣ - ದೇವೇಗೌಡ, ಮಾಜಿ ಪ್ರಧಾನಿ
ಕಾಂಗ್ರೆಸ್ಗೆ ಜೆಡಿಎಸ್ ಹತ್ತಿರವಾಗಲು?
---------------------
ಸಮಯ ಬಂದಾಗ ನನ್ನ ಮನಸ್ಸಿನಲ್ಲಿ ಏನಿದೆ ಎಂಬುದು ಎಲ್ಲರಿಗೂ ಗೊತ್ತಾಗುತ್ತದೆ - ಶತ್ರುಘ್ನ ಸಿನ್ಹಾ, ಬಿಜೆಪಿ ನಾಯಕ
ಬಿಜೆಪಿಯವರಿಗೆ ಅದು ಗೊತ್ತಾಗಿ ಬಿಟ್ಟಿದೆ.
---------------------
ಜ.19ರ ವಿರೋಧ ಪಕ್ಷಗಳ ರ್ಯಾಲಿ ಬಿಜೆಪಿ ಪಾಲಿಗೆ ಸಾವಿನ ಗಂಟೆಯಾಗಲಿದೆ - ಮಮತಾ ಬ್ಯಾನರ್ಜಿ, ಪ.ಬ.ಮುಖ್ಯಮಂತ್ರಿ
ಬಿಜೆಪಿ ದೇವಸ್ಥಾನದ ಗಂಟೆಯನ್ನು ನಂಬಿಕೊಂಡಿದೆ.
---------------------
ಪ್ರಧಾನಿ ಮೋದಿಯಂತಹ ಡೈನಾಮಿಕ್ ಲೀಡರ್ ಇದುವರೆಗೆ ಯಾರೂ ಬಂದಿಲ್ಲ - ಎಸ್.ಎಲ್.ಭೈರಪ್ಪ, ಸಾಹಿತಿ
ಶೇ.10 ಮೀಸಲಾತಿಯಿಂದ ರೋಮಾಂಚಿತರಾದಂತಿದೆ.
---------------------
ಆಪರೇಶನ್ ಕಮಲ ಫೇಲಾಗಿದ್ದರಿಂದ ಅಮಿತ್ ಶಾಗೆ ಹಂದಿಜ್ವರ - ಬಿ.ಕೆ.ಹರಿಪ್ರಸಾದ್, ಕಾಂಗ್ರೆಸ್ ನಾಯಕ
ಹಂದಿಗಳೆಲ್ಲ ಸಿಟ್ಟಾಗಿವೆ.
---------------------
ಮನುಷ್ಯ 75 ವರ್ಷ ಆದ ಮೇಲೆ ನಿವೃತ್ತಿಯಾಗಬೇಕು - ಸಿದ್ದರಾಮಯ್ಯ, ಮಾಜಿ ಮುಖ್ಯಮಂತ್ರಿ
75 ವರ್ಷ ತುಂಬಾ ದೀರ್ಘ ಆಯಿತು.
---------------------
ದನಕರುಗಳಿಗೆ ಇರುವಷ್ಟು ಮುಕ್ತ ಸ್ವಾತಂತ್ರ ರಾಜ್ಯದ ಶಾಸಕರಿಗಿಲ್ಲ - ವಾಟಾಳ್ ನಾಗರಾಜ್, ವಾಟಾಳ್ ಪಕ್ಷದ ಅಧ್ಯಕ್ಷ
ದನಕರುಗಳನ್ನು ಮುಂದಿಟ್ಟು ಪ್ರತಿಭಟನೆ ನಡೆಸಿ
