ಬನ್ನಂಜೆ ಫ್ಲಾಟ್‌ಗೆ ನುಗ್ಗಿ ಚಿನ್ನಾಭರಣ ಕಳವು

ಉಡುಪಿ, ಫೆ.4: ನಗರದ ಬನ್ನಂಜೆಯ ಫ್ಲಾಟ್‌ಗೆ ನುಗ್ಗಿದ ಕಳ್ಳರು ಲಕ್ಷಾಂತರ ರೂ. ಮೌಲ್ಯದ ಚಿನ್ನಾಭರಣ ಕಳವುಗೈದ ಬಗ್ಗೆ ವರದಿಯಾಗಿದೆ.

ವೋಡಾಪೋನ್ ಕಂಪೆನಿಯಲ್ಲಿ ನೆಟ್‌ವರ್ಕ್ ಇಂಜಿನಿಯರ್ ಆಗಿ ಕೇರಳ ಕಣ್ಣೂರಿನ ಸನೂಪ್ ಪಿ.ಎಂ. ಎಂಬವರು ಜ.31ರಂದು ತನ್ನ ಬನ್ನಂಜೆಯಲ್ಲಿರುವ ಫ್ಲಾಟ್‌ಗೆ ಬೀಗ ಹಾಕಿ ಗೋವಾಕ್ಕೆ ತೆರಳಿದ್ದು, ಫೆ.3ರಂದು ಮರಳಿ ಬಂದು ನೋಡಿದಾಗ ಈ ಕಳವು ಪ್ರಕರಣ ಬೆಳಕಿಗೆ ಬಂತೆನ್ನಲಾಗಿದೆ.

ಪ್ಲಾಟ್‌ನ ಮುಖ್ಯದ್ವಾರವನ್ನು ಮುರಿದು ಒಳನುಗ್ಗಿದ ಕಳ್ಳರು, ಕಾಪಾಟಿನಲ್ಲಿದ್ದ ಒಟ್ಟು 212.5 ಗ್ರಾಂ ತೂಕದ ಏಳು ಜೊತೆ ಚಿನ್ನದ ಕೈಬಳೆಗಳು, ಚಿನ್ನದ ನೆಕ್ಲೇಸ್, ಎರಡು ಚಿನ್ನದ ಹಾರ, ತಾಳಿ ಸರ, ಚಿನ್ನದ ಸರ, ಚಿನ್ನದ ಬ್ರಾಸ್ಲೈಟ್, ಒಂದು ಜೊತೆ ಚಿನ್ನದ ಕಿವಿಯೋಲೆಗಳನ್ನು ಕಳವುಗೈದಿದ್ದಾರೆ. ಇವುಗಳ ಒಟ್ಟು ಮೌಲ್ಯ 4,25,000 ರೂ ಎಂದು ಅಂದಾಜಿಸಲಾಗಿದೆ. ಈ ಬಗ್ಗೆ ಉಡುಪಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.