ಮಂಗಳೂರು: ಟಾಟಾ ಹ್ಯಾರಿಯರ್ ಕಾರು ಮಾರುಕಟ್ಟೆಗೆ ಬಿಡುಗಡೆ

ಮಂಗಳೂರು, ಫೆ. 6: ನಗರದ ಬಜೈಯಲ್ಲಿರುವ ಆಟೋಮಾಟ್ರಿಕ್ಸ್ ಸಂಸ್ಥೆಯ ಮೂಲಕ ಟಾಟಾ ಮೋಟಾರ್ಸ್‌ ಸಂಸ್ಥೆಯ ಟಾಟಾ ಹ್ಯಾರಿಯರ್ ಕಾರನ್ನು ನಗರದ ಶ್ರೀ ರಾಮಕೃಷ್ಣ ಮಠದ ಮುಖ್ಯಸ್ಥರಾದ ಶ್ರೀ ಸ್ವಾಮಿ ಜಿತಕಾಮಾನಂದಜಿ ಮಾರುಕಟ್ಟೆಗೆ ಬಿಡುಗಡೆ ಮಾಡಿ ಶುಭ ಹಾರೈಸಿದರು.

ಸಮಾರಂಭವನ್ನುದ್ದೇಶಿಸಿ ಮಾತನಾಡಿದ ಅವರು ಸ್ವಾಮಿ ವಿವೇಕಾನಂದರು ಬೆಂಗಳೂರಿನಲ್ಲಿ ಸ್ವಾತಂತ್ರ ಪೂರ್ವದಲ್ಲಿ ಟಾಟಾ ಸಂಶೋಧನಾ ಸಂಸ್ಥೆಯನ್ನು ಆರಂಭಿಸಲು ಜಿ.ಎಂ. ಟಾಟಾರಿಗೆ ಪ್ರೇರಣೆ ನೀಡಿದ ವ್ಯಕ್ತಿ. ಅಂತಹ ಟಾಟಾ ಸಂಸ್ಥೆ ಇಂದು ಅಂತಾರಾಷ್ಟ್ರೀಯ ಮಟ್ಟದ ಸಂಸ್ಥೆಯಾಗಿ ಬೆಳೆದು ನಿಂತಿದೆ. ಭಾರತದಲ್ಲಿನ ತಂತ್ರಜ್ಞಾನವನ್ನು ಬಳಸಿಕೊಂಡು ಸ್ವದೇಶದಲ್ಲಿಯೇ ಮೋಟಾರು ಕಾರುಗಳನ್ನು ಉತ್ಪಾದಿಸುತ್ತಿರುವುದು ಮಹತ್ವದ ಸಾಧನೆಯಾಗಿದೆ ಎಂದರು.

ಸಮಾರಂಭದಲ್ಲಿ ಆಟೋಮ್ಯಾಟ್ರಿಕ್ ಸಮೂಹ ಸಂಸ್ಥೆಗಳ ಆಡಳಿತ ನಿರ್ದೇಶಕ ಡಿ. ರಾಜೇಂದ್ರ ಕುಮಾರ್ ಸಂಸ್ಥೆಯನ್ನು ಬೆಂಬಲಿಸುತ್ತಿರುವ ಗ್ರಾಹಕರಿಗೆ ಶುಭ ಹಾರೈಸಿದರು.

ಟಾಟಾ ಹ್ಯಾರಿಯರ್ ಕಾರಿನ ಮೊದಲ ಗ್ರಾಹಕರಾದ ಮುಹಮ್ಮದ್ ಕುಂಞಿ ಹಾಗೂ ಉಪಸ್ಥಿತರಿದ್ದ ಕಾರಿನ ಗ್ರಾಹಕರಾದ ಶಿವಪ್ರಸಾದ್ ಅತ್ತಾವರ, ಗೌತಮ್ ಮೊದಲಾದವರು ಅತಿಥಿಗಳು ಗೌರವಿಸಿದರು.

ಆಟೋಮ್ಯಾಟ್ರಿಕ್ಸ್‌ನ ಮುಖ್ಯಕಾರ್ಯನಿರ್ವಹಣಾಧಿಕಾರಿ ಪ್ರದೀಪ್ ಮಯ್ಯ ನೂತನ ಕಾರಿನ ಬಿಡುಗಡೆಯ ಬಗ್ಗೆ ಹಾಗೂ ಆಟೋಮ್ಯಾಟ್ರಿಕ್ ಸಂಸ್ಥೆ , ಟಾಟಾ ಮೋಟಾರ್ಸ್‌ ನೊಂದಿಗಿನ ಸಾಧನೆಗಳ ಬಗ್ಗೆ ವಿವರಿಸಿದರು.

ಟಾಟಾ ಹ್ಯಾರಿಯರ್ ವಾಹನ 2.0 ವಿನ್ಯಾಸವನ್ನು ಹೊಂದಿದ್ದು, ಕ್ರೆಯೋಟೆಕ್ 2.0 ಟರ್ಬೋ ಚಾರ್ಜ್‌ಡ್ ಡೀಸೆಲ್ ಇಂಜಿನನ್ನು ಹೊಂದಿದೆ. ಪ್ರಯಾಣಿಕರ ಸುರಕ್ಷತೆಗೆ 14 ಸುರಕ್ಷಾತಾ ಸೌಲಭ್ಯಗಳನ್ನು ಹೊಂದಿದೆ. ಸುಂದರವಾದ ಕಾರಿನ ಒಳ ವಿನ್ಯಾಸವನ್ನು ಹೊಂದಿದೆ. ಜೆಬಿಎಲ್ ಆಕಾಸ್ಟಿಕ್ ವ್ಯವಸ್ಥೆಯೊಂದಿಗೆ 4 ಸ್ಪೀಕರ್‌ಗಳು 4ಟೀಟ್ವರ್‌ಗಳು ಹಾಗೂ ಸಬ್‌ವೂಫರ್, 88 ಇಂಚಿನ ಟಚ್ ಸ್ಕ್ರೀನ್ ಒಳಗೊಂಡಿರುತ್ತದೆ. ಧ್ವನಿ ಎಲರ್ಟ್, ಮೆಸೇಜ್, ವಾಟ್ಸ್ಆ್ಯಪ್ ಮೆಸೇಜ್ ಓದುವ ವ್ಯವಸ್ಥೆ ಇನ್ಫೋಟೈನ್ ಮೆಂಟ್ ವಿಶಿಷ್ಟ ಲಕ್ಷಣವಾಗಿದೆ. ಡಿಜಿಟಲ್ ಟಾಕೊಮೀಟರ್‌ನಲ್ಲಿ ಟಾರ್ಕ್, ಕಾರಿನ ಡ್ರೈವ್ ಮೋಡ್, ಪವರ್, ಡ್ರೈವರ್ ಇನ್ಫರ್ ಮೇಶನ್ ಡಿಸ್‌ಪ್ಲೇ ಹೊಂದಿದೆ. 205 ಎಂ.ಎಂ. ಗ್ರೌಂಡ್ ಕ್ಲೀಯರೆನ್ಸ್ ಹೊಂದಿದ್ದು ಎಲ್ಲಾ ತರಹದ ರಸ್ತೆಗಳಲ್ಲೂ ಚಾಲನೆಗೆ ಸೂಕ್ತವಾಗಿದೆ. 5 ಆಕರ್ಷಕ ಬಣ್ಣಗಳಲ್ಲಿ ದೊರಕುವ ಟಾಟಾ ಹ್ಯಾರಿಯರ್ ಎಕ್ಸ್ ರೂಂ ಬೆಲೆ 12.69 ಲಕ್ಷದಿಂದ 16.25 ಲಕ್ಷ ರೂ.ಗಳ ಸ್ಪರ್ಧಾತ್ಮಕ ದರದಲ್ಲಿ ಗ್ರಾಹಕರಿಗೆ ಲಭ್ಯವಿದೆ ಎಂದು ಪ್ರದೀಪ್ ಮಯ್ಯ ತಿಳಿಸಿದರು.

ಟಾಟಾ ಮೋಟಾರ್ಸ್‌ ಸಂಸ್ಥೆಯ ಟೆರಿಟರಿ ಮ್ಯಾನೇಜರ್ ಸಮಿತ್ ಗೌಡ ಬಿಡುಗಡೆಯಾ ಕಾರಿನ ವಿಶೇಷತೆಗಳ ಬಗ್ಗೆ ವಿವರಿಸುತ್ತಾ, ಟಾಟಾ ಮೋಟಾರ್ಸ್‌ ಸಂಸ್ಥೆ ಟಿಯಾಗೋ, ಟಗೋರ್, ಹೆಕ್ಸಾ, ನೆಕ್ಸಾನ್ ಮೊದಲಾದ ಆಕರ್ಷಕ ವಾಹನಗಳನ್ನು ಜನರಿಗೆ ನೀಡಿದೆ ಮತ್ತು ಗ್ರಾಹಕರ ಮೆಚ್ಚುಗೆಯನ್ನು ಗಳಿಸಿದೆ. ನೂತನ ಟಾಟಾ ಹ್ಯಾರಿಯರ್ ಟಾಟಾ ಮೊಟಾರ್ಸ್‌ ಮತ್ತು ಜಾಗ್ವಾರ್ ಲ್ಯಾಂಡ್ ರೋವರ್‌ಗಳ ತಂತ್ರಜ್ಞಾನದೊಂದಿಗೆ ನಿರ್ಮಾಣಗೊಂಡಿದೆ. ಆಧುನಿಕ ಸುರಕ್ಷತಾ ಸೌಲಭ್ಯಗಳನ್ನು ಹೊಂದಿವೆ. ಟಾಟಾ ನೆಕ್ಸಾನ್ ವಾಹನ ಭಾರತದ ಏಕೈಕ ಇಂಟರ್ ನ್ಯಾಶನಲ್ 5 ಸ್ಟಾರ್ ಸೇಫ್ಟಿ ರೇಟಿಂಗ್ ಪಡೆದಿರುವ ವಾಹನವಾಗಿರುತ್ತದೆ ಎಂದು ಅವರು ತಿಳಿಸಿದ್ದಾರೆ.

ಆಟೋಮ್ಯಾಟ್ರಿಕ್ಸ್ ಸಂಸ್ಥೆಯ ಜನರಲ್ ಮ್ಯಾನೇಜರ್ ಪ್ರಶಾಂತ್ ಮಲ್ಯ ವಂದಿಸಿದರು.