ಅಲ್ಜೀರಿಯ: ಅಧ್ಯಕ್ಷರಾಗಿ ಮೇಲ್ಮನೆ ಸ್ಪೀಕರ್ ನೇಮಕ

ಅಲ್ಜೀರ್ಸ್ (ಅಲ್ಜೀರಿಯ), ಎ. 9: ಅಲ್ಜೀರಿಯ ಸಂಸತ್ತಿನ ಮೇಲ್ಮನೆ ಸ್ಪೀಕರ್ ಅಬ್ದುಲ್ ಕಾದರ್ ಬೆನ್ಸಾಲಾಹ್‌ರನ್ನು ದೇಶದ ಸಂಸತ್ತು ಮಂಗಳವಾರ ಮುಂದಿನ 90 ದಿನಗಳವರೆಗೆ ಮಧ್ಯಂತರ ಅಧ್ಯಕ್ಷರಾಗಿ ನೇಮಿಸಿದೆ.

ಅಧ್ಯಕ್ಷ ಅಬ್ದುಲಝೀಝ್‌ರ ರಾಜೀನಾಮೆಯ ಹಿನ್ನೆಲೆಯಲ್ಲಿ ಈ ಬೆಳವಣಿಗೆ ಸಂಭವಿಸಿದೆ.

ಸಂವಿಧಾನದ ಪ್ರಕಾರ, ದೇಶದ ಸಂಸತ್ತು ಮುಂದಿನ 90 ದಿನಗಳ ಕಾಲ ದೇಶದ ಆಡಳಿತವನ್ನು ನೋಡಿಕೊಳ್ಳಲು ಮೇಲ್ಮನೆ ಸ್ಪೀಕರ್‌ರನ್ನು ನೇಮಿಸಬೇಕಾಗಿದೆ.

ಆದರೆ, ರಾಜಕೀಯ ವ್ಯವಸ್ಥೆಯಲ್ಲಿ ವ್ಯಾಪಕ ಬದಲಾವಣೆ ತರಬೇಕೆಂದು ಒತ್ತಾಯಿಸಿ ಪ್ರತಿಭಟನೆಗಳು ನಡೆಯುತ್ತಿರುವ ಹಿನ್ನೆಲೆಯಲ್ಲಿ, ಅವರ ನೇಮಕಾತಿಯನ್ನು ಖಚಿತವೆಂದು ಭಾವಿಸುವಂತಿಲ್ಲ.