ಮೊಂಟೆ ಕಾರ್ಲೊ ಟೆನಿಸ್ ಟೂರ್ನಿ: ಪೆಲ್ಲಾಗೆ ಸೋಲುಣಿಸಿ ನಡಾಲ್ ಸೆಮಿಗೆ
ಮೊಂಟೆ ಕಾರ್ಲೊ (ಮೊನಾಕೊ), ಎ.20: ಹಾಲಿ ಚಾಂಪಿಯನ್, ದ್ವಿತೀಯ ಶ್ರೇಯಾಂಕದ ರಫೆಲ್ ನಡಾಲ್ ಶ್ರೇಯಾಂಕರಹಿತ ಆಟಗಾರ ಗೈಡೊ ಪೆಲ್ಲಾಗೆ ಸೋಲುಣಿಸಿಮೊಂಟೆ ಕಾರ್ಲೊ ಟೆನಿಸ್ ಟೂರ್ನಿಯ ಸೆಮಿಫೈನಲ್ಗೆ ಲಗ್ಗೆಯಿಟ್ಟಿದ್ದಾರೆ. ಆರಂಭದಲ್ಲಿ 1-4 ಗೋಲುಗಳ ಹಿನ್ನಡೆಯಲ್ಲಿದ್ದರೂ ಚೇತರಿಸಿಕೊಂಡು ಮುನ್ನುಗ್ಗಿದ ಸ್ಪೇನ್ನ ದೈತ್ಯಆಟಗಾರ ನಡಾಲ್ 7-6 (1), 6-3 ಸೆಟ್ಗಳಿಂದ ಜಯ ಸಾಧಿಸಿ ಟೂರ್ನಿಯ 12ನೇ ಪ್ರಶಸ್ತಿಯತ್ತ ದಾಪುಗಾಲಿಟ್ಟರು.
ಕಳೆದ ವರ್ಷ ಒಂದು ಸೆಟ್ನಲ್ಲಿ ನಾಲ್ಕಕ್ಕಿಂತ ಹೆಚ್ಚು ಗೇಮ್ಗಳನ್ನು ಎದುರಾಳಿಗೆ ಬಿಟ್ಟುಕೊಡದಂತೆ ಆಡಿದ್ದರು ನಡಾಲ್. ಆದರೆ ಈ ಪಂದ್ಯದ ಆರಂಭದಲ್ಲಿ ಎದುರಾಳಿಅರ್ಜೆಂಟೀನದ ಪೆಲ್ಲಾ ಡಬಲ್ ಫಾಲ್ಟ್ ಎಸಗುವ ಮುನ್ನ 5-1ರಿಂದ ಮುನ್ನಡೆ ಸಾಧಿಸಿದ್ದರು. ಮುಂದಿನ 4 ಗೇಮ್ಗಳನ್ನು ಗೆದ್ದುಕೊಂಡ ನಡಾಲ್ 5-5 ರ ಸಮಬಲ ಸಾಧಿಸಿದರು.ಈ ವೇಳೆ ನಡಾಲ್ ಸರ್ವ್ ಕಳೆದುಕೊಂಡಿದ್ದನ್ನು ಸದುಪಯೋಗಪಡಿಸಿಕೊಂಡು ಮುನ್ನುಗ್ಗುವ ಅವಕಾಶ ಪೆಲ್ಲಾಗೆ ಇತ್ತು. ಆದರೆ ಟೈಬ್ರೇಕರ್ವರೆಗೆ ಸಾಗಿದ ಸೆಟ್ನಲ್ಲಿ ಸ್ಪೇನ್ಆಟಗಾರ ಪಾರಮ್ಯ ಮೆರೆದು ಗೆದ್ದುಕೊಂಡರು. ಎರಡನೇ ಸೆಟ್ನ್ನೂ ಗೆಲ್ಲುವ ಮೂಲಕ ಸುಮಾರು 2 ತಾಸು 20 ನಿಮಿಷಗಳ ಕಾಲ ನಡೆದ ಪಂದ್ಯದಲ್ಲಿ ನಡಾಲ್ ಸೆಮಿಫೈನಲ್ಗೆರಹದಾರಿ ಪಡೆದರು. ನಡಾಲ್ ತಮ್ಮ ಮುಂದಿನ ಪಂದ್ಯದಲ್ಲಿ ಕ್ರೊಯೇಶ್ಯದ ವಿಶ್ವ ನಂ.9 ಆಟಗಾರ ಬಾರ್ನಾ ಕೊರಿಕ್ ಅಥವಾ ನಂ.13 ಇಟಲಿಯ ಫ್ಯಾಬಿಯೊ ಫಾಗ್ನಿನಿ ಅವರಸವಾಲಿಗೆ ಸಜ್ಜಾಗಲಿದ್ದಾರೆ.
