‘ಬಲವಾದ ಕಪಾಳಮೋಕ್ಷ’: ಸೋಲನ್ನು ಪ್ರಕಾಶ್ ರೈ ಬಣ್ಣಿಸಿದ್ದು ಹೀಗೆ…

ಬೆಂಗಳೂರು, ಮೇ 23: ಬೆಂಗಳೂರು ಸೆಂಟ್ರಲ್ ಲೋಕಸಭಾ ಕ್ಷೇತ್ರದಿಂದ ಸ್ವತಂತ್ರ ಅಭ್ಯರ್ಥಿಯಾಗಿ ಸ್ಪರ್ಧಿಸಿ ಸೋಲುಂಡಿರುವ ನಟ ಪ್ರಕಾಶ್ ರೈ, ‘ನನಗೆ ಇದು ಬಲವಾದ ಕಪಾಳಮೋಕ್ಷ’ ಎಂದು ಬಣ್ಣಿಸಿದ್ದಾರೆ. ಕಾಂಗ್ರೆಸ್ ಪಕ್ಷದ ರಿಝ್ವಾನ್ ಅರ್ಷದ್ ಹಾಗೂ ಬಿಜೆಪಿಯ ಪಿ ಸಿ ಮೋಹನ್ ವಿರುದ್ಧ  ಪ್ರಕಾಶ್ ಸ್ಪರ್ಧಿಸಿದ್ದರು.

``ನನ್ನ ಹಾದಿಯಲ್ಲಿ ಇನ್ನಷ್ಟು ನಿಂದನೆ, ಟ್ರೋಲ್ ಮತ್ತು ಅವಮಾನ ಬರುತ್ತಿರುವಂತೆಯೇ ಇದು ನನಗೆ ಬಲವಾದ ಕಪಾಳಮೋಕ್ಷ.  ಆದರೆ ನಾನು ನನ್ನ ನಿಲುವಿಗೆ ಬದ್ಧನಾಗಿದ್ದೇನೆ. ಜಾತ್ಯತೀತ ಭಾರತಕ್ಕೆ ನನ್ನ ಹೋರಾಟ ಮುಂದುವರಿಯುವುದು.  ಮುಂದಿನ ಕಠಿಣ ಪಯಣ ಈಗಷ್ಟೇ ಆರಂಭಗೊಂಡಿದೆ. ನನ್ನ ಈ ಪಯಣದಲ್ಲಿ ನನ್ನ ಜತೆಗಿದ್ದ ಎಲ್ಲರಿಗೂ ಧನ್ಯವಾದಗಳು, ಜೈ ಹಿಂದ್,'' ಎಂದು ಪ್ರಕಾಶ್ ರೈ ಟ್ವೀಟ್ ಮಾಡಿದ್ದಾರೆ.

ಜನವರಿ 1ರಂದು ರಾಜಕೀಯ ಪ್ರವೇಶಿಸಿದ್ದ ಪ್ರಕಾಶ್ ನಾಮಪತ್ರ ಸಲ್ಲಿಸುವ ಮುಂಚೆಯೇ ಪ್ರಚಾರ ಆರಂಭಿಸಿದ್ದರು. ಮೋದಿ ಸರಕಾರದ ಕಟು ಟೀಕಾಕಾರರಾಗಿಯೂ ಅವರು ಗುರುತಿಸಲ್ಪಟ್ಟಿದ್ದಾರೆ.

a SOLID SLAP on my face ..as More ABUSE..TROLL..and HUMILIATION come my way..I WILL STAND MY GROUND ..My RESOLVE to FIGHT for SECULAR INDIA will continue..A TOUGH JOURNEY AHEAD HAS JUST BEGUN ..THANK YOU EVERYONE WHO WERE WITH ME IN THIS JOURNEY. .... JAI HIND

— Prakash Raj (@prakashraaj) May 23, 2019