ಮತ್ತೊಮ್ಮೆ ಟ್ವಿಟರಿಗರ ಪ್ರಶಂಸೆಗೆ ಪಾತ್ರವಾದರು ಸುಶ್ಮಾ ಸ್ವರಾಜ್

ಹೊಸದಿಲ್ಲಿ, ಜೂ.29: ನೂತನ ಸರಕಾರ ಅಧಿಕಾರ ಸ್ವೀಕರಿಸಿದ ಒಂದು ತಿಂಗಳ ಒಳಗೆ ತಮ್ಮ ಅಧಿಕೃತ ಸರಕಾರಿ ನಿವಾಸವನ್ನು ತೊರೆದಿರುವ ಮಾಜಿ ವಿದೇಶಾಂಗ ವ್ಯವಹಾರಗಳ ಸಚಿವೆ ಸುಶ್ಮಾ ಸ್ವರಾಜ್ ಅವರ ನಡೆಗೆ ಸಾಮಾಜಿಕ ಮಾಧ್ಯಮಗಳಲ್ಲಿ ವ್ಯಾಪಕ ಪ್ರಶಂಸೆ ವ್ಯಕ್ತವಾಗಿದೆ.

 ಸುಶ್ಮಾ ಸ್ವರಾಜ್ ಇತ್ತೀಚೆಗೆ ನಡೆದ ಲೋಕಸಭಾ ಚುನಾವಣೆಯಲ್ಲಿ ಸ್ಪರ್ಧಿಸಿರಲಿಲ್ಲ ಮತ್ತು ಎನ್‌ಡಿಎಯ ಎರಡನೇ ಅವಧಿಯ ಸರಕಾರದಲ್ಲಿ ಅವರು ಸಚಿವರಲ್ಲ. ಈ ಕುರಿತು ಶನಿವಾರ ಟ್ವೀಟ್ ಮಾಡಿದ ಸ್ವರಾಜ್, ನಾನಿನ್ನು ನನ್ನ ಅಧಿಕೃತ ನಿವಾಸದಲ್ಲಿ ಸಂಪರ್ಕಕ್ಕೆ ಲಭ್ಯವಿರುವುದಿಲ್ಲ, ಅಲ್ಲಿಂದ ನಾನು ಹೊರಬಂದಿದ್ದೇನೆ ಎಂದು ತಿಳಿಸಿದ್ದರು. ಸ್ವರಾಜ್ ಅವರ ಈ ನಡೆಗೆ ಟ್ವಿಟರ್‌ನಲ್ಲಿ ವ್ಯಾಪಕ ಶ್ಲಾಘನೆ ವ್ಯಕ್ತವಾಗಿದ್ದು ಅವಧಿ ಮುಗಿದರೂ ಸರಕಾರಿ ಬಂಗಲೆಗಳನ್ನು ಬಿಡದ ಮತ್ತು ಒತ್ತಾಯಪೂರ್ವಕವಾಗಿ ಹೊರಗೆ ದೂರಬೇಕಾದ ಅನಿವಾರ್ಯ ಬರುವಂತಹ ರಾಜಕಾರಣಿಗಳಿಗೆ ಸ್ವರಾಜ್ ಅವರು ಮಾದರಿಯಾಗಿ ಒಂದು ಉತ್ತಮ ಉದಾಹರಣೆ ನೀಡಿದ್ದಾರೆ ಎಂದು ಟ್ವಿಟರ್‌ನಲ್ಲಿ ಹಲವರು ಅಭಿಪ್ರಾಯಿಸಿದ್ದಾರೆ.

Your ethics & probity in public life is role model for all of us , Sushma Ma’am !

— Lali (@LaliGanguli) June 29, 2019

It's sign of true leader, you are a legend and will be remembered for your work.

Wish you healthy life.

— Hemant Tripathi (@sirhemant) June 29, 2019