ತನ್ನ ಜೀವದ ಹಂಗು ತೊರೆದು ನದಿಗೆ ಹಾರಿ ಯುವಕನನ್ನು ರಕ್ಷಿಸಿದ ಪೊಲೀಸ್ ಅಧಿಕಾರಿ: ವಿಡಿಯೋ ವೈರಲ್

ಹೊಸದಿಲ್ಲಿ, ಜು.22: ಗಂಗಾ ನದಿಯಲ್ಲಿ ಮುಳುಗುತ್ತಿದ್ದ ವ್ಯಕ್ತಿಯನ್ನು ತನ್ನ ಜೀವದ ಹಂಗು ತೊರೆದು ರಕ್ಷಿಸಿದ ಉತ್ತರಾಖಂಡ ಪೊಲೀಸ್ ಅಧಿಕಾರಿಯೊಬ್ಬರನ್ನು ಸಾಮಾಜಿಕ ಜಾಲತಾಣದ ಬಳಕೆದಾರರು ತುಂಬು ಹೃದಯದಿಂದ ಶ್ಲಾಘಿಸಿದ್ದಾರೆ. ಈ ಘಟನೆಯ ವೀಡಿಯೋ ಕೂಡ ವೈರಲ್ ಆಗಿದೆ. ಉತ್ತರಾಖಂಡ ಪೊಲೀಸರ ಅಧಿಕೃತ ಟ್ವಿಟರ್ ಹ್ಯಾಂಡಲ್ ಈ ಸಾಹಸಮಯ ವಿಡಿಯೋ ಶೇರ್ ಮಾಡಿದೆ.

ಹರ್ಯಾಣದ ನಿವಾಸಿ ವಿಶಾಲ್ ಎಂಬವರು ಹರಿದ್ವಾರದ ಕಂಗ್ರಾ ಘಾಟ್ ನಲ್ಲಿ ಸ್ನಾನ ಮಾಡಲೆಂದು ನದಿಗಿಳಿದಿದ್ದರು. ಆದರೆ ನೀರಿನ ರಭಸ ಕೂಡ ಜೋರಾಗಿದ್ದುದರಿಂದ ಇನ್ನೇನು ಅವರು ಕೊಚ್ಚಿ ಹೋಗುತ್ತಾರೆನ್ನುವಷ್ಟರಲ್ಲಿ ಮುಳುಗುತ್ತಿರುವ ಆತನನ್ನು ಗಮನಿಸಿದ ಪೊಲೀಸ್ ಅಧಿಕಾರಿ ಸನ್ನಿ ನೀರಿಗೆ ಧುಮುಕಿ ಆ ವ್ಯಕ್ತಿಯನ್ನು ದಡಕ್ಕೆ ತಂದಿದ್ದಾರೆ.

हरियाणा निवासी विशाल #haridwar स्थित कांगड़ा घाट पर नहाने गया था। तभी उसका पैर फिसला और वह गंगा के तेज बहाव में बहने लगा है। इसी दौरान वहां मौजूद #UttarakhandPolice के जवान #सन्नी की नजर उस पर पड़ी। सन्नी ने तत्काल गंगा में कूदकर युवक को कड़ी मशक्कत के बाद सकुशल बचा लिया। pic.twitter.com/g1qhBYKhlF

— Uttarakhand Police (@uttarakhandcops) July 20, 2019