ಇವಿಎಂ ತಿರುಚುವುದು ಅಸಾಧ್ಯ ಕೇಂದ್ರ ಸಚಿವ: ರವಿಶಂಕರ್

ಹೊಸದಿಲ್ಲಿ,ಜು.23: ಇಲೆಕ್ಟ್ರಾನಿಕ್ ಮತಯಂತ್ರಗಳನ್ನು ತಿರುಚಲು ಸಾಧ್ಯವೇ ಇಲ್ಲ ಎಂದು ಕೇಂದ್ರ ಕಾನೂನು ಸಚಿವ ರವಿಶಂಕರ್ ಬುಧವಾರ ತಿಳಿಸಿದ್ದಾರೆ.

ಲೋಕಸಭೆಯಲ್ಲಿ ಲಿಖಿತ ಉತ್ತರವೊಂದನ್ನು ನೀಡುತ್ತಿದ್ದ ಅವರು, ಇವಿಎಂಗಳ ತಯಾರಿಕೆಗೆ ಸಂಬಂಧಿಸಿ ಯಾವುದೇ ವಿದೇಶಿ ಸಂಸ್ಥೆಯ ಜೊತೆ ತಾಂತ್ರಿಕ ಸಹಯೋಗವನ್ನು ಭಾರತ ಹೊಂದಿಲ್ಲವೆಂದು ಅವರು ಸ್ಪಷ್ಟಪಡಿಸಿದ್ದಾರೆ. ಪ್ರಸಕ್ತ ಇವಿಎಂಗಳನ್ನು ಭಾರತದ ಎರಡು ಸಾರ್ವಜನಿಕ ರಂಗದ ಕಂಪೆನಿಗಳಾದ ಭಾರತ್ ಇಲೆಕ್ಟ್ರಾನಿಕ್ಸ್ ಲಿಮಿಟೆಡ್ ಹಾಗೂ ಇಲೆಕ್ಟ್ರಾನಿಕ್ಸ್ ಕಾರ್ಪೊರೇಶನ್ ಆಫ್ ಇಂಡಿಯಾ, ಚುನಾವಣಾ ಆಯೋಗದ ತಾಂತ್ರಿಕ ತಜ್ಞರ ಸಮಿತಿಯ ತಾಂತ್ರಿಕ ಮಾರ್ಗದರ್ಶನದಡಿ ನಿರ್ಮಿಸುತ್ತಿವೆ ಎಂದರು.

  ಇವಿಎಂಗಳು ಸಂಪೂರ್ಣವಾಗಿ ತಿರುಚಲು ಅಸಾಧ್ಯವಾಗಿರುವಂತಹದ್ದು ಎಂದು ಚುನಾವಣಾ ಆಯೋಗವು ತಿಳಿಸಿರುವುದಾಗಿ ಪ್ರಸಾದ್ ಹೇಳಿದರು. ಇವಿಎಂಗಳು ತಾಂತ್ರಿಕವಾಗಿ ಸದೃಢವಾಗಿವೆ ಹಾಗೂ ಅವುಗಳ ಮುಕ್ತ, ನ್ಯಾಯಸಮ್ಮತ ಹಾಗೂ ಪಾರದರ್ಶಕ ಬಳಕೆಗಾಗಿ ಆಯೋಗವು ಕಟ್ಟುನಿಟ್ಟಿನ ಆಡಳಿತಾತ್ಮಕ ಸುರಕ್ಷತಾ ಕ್ರಮಗಳನ್ನು ಕೈಗೊಂಡಿದೆಯೆಂದು ರವಿಶಂಕರ್ ಹೇಳಿದರು.

  ಇಲೆಕ್ಟ್ರಾನಿಕ್ ಮತದಾನ ಯಂತ್ರಗಳ ವಿಶ್ವಸನೀಯತೆಯ ಬಗ್ಗೆ ಕಾಂಗ್ರೆಸ್ ಸೇರಿದಂತೆ ಪ್ರತಿಪಕ್ಷಗಳು ಹಲವಾರು ಬಾರಿ ಸಂದೇಹಗಳನ್ನು ವ್ಯಕ್ತಪಡಿಸುತ್ತಾ ಬಂದಿವೆ. 2014ರ ಲೋಕಸಭಾ ಚುನಾಣೆಯಲ್ಲಿ ಬಳಕೆಯಾದ ಇವಿಎಂಗಳು ವಿವಿಪ್ಯಾಟ್ ಯಂತ್ರಗಳ ಜೊತೆ ಹೊಂದಿಕೆಯಾಗುವುದಿಲ್ಲ. ಈ ಹಿನ್ನೆಲೆಯಲ್ಲಿ ಆ ಇವಿಎಂಗಳನ್ನು ಸ್ಥಳೀಯಾಡಳಿತ ಸಂಸ್ಚತೆಗಳ ಚುನಾವಣೆಗಳಲ್ಲಿ ಬಳಸಸು ರಾಜ್ಯ ಚುನಾವಣಾ ಆಯೋಗಗಳಿಗೆ ನೀಡಲಾಗಿದೆ. ಈ ಉಪಕರಣಗಳು 15 ವರ್ಷಗಳ ಬಾಳಿಕೆಯನ್ನು ಹೊಂದಿವೆ ಎಂದು ರವಿಶಂಕರ್ ತಿಳಿಸಿದರು.