ಪ್ರೊ ಕಬಡ್ಡಿ ಲೀಗ್: ಸೋಲಿನ ಸುಳಿಯಿಂದ ಹೊರಬರದ ಪಾಟ್ನಾ

ಬೆಂಗಳೂರು, ಸೆ.6: ಮೂರು ಬಾರಿಯ ಚಾಂಪಿಯನ್ ಪಾಟ್ನಾ ಪೈರೇಟ್ಸ್ ಏಳನೇ ಆವೃತ್ತಿಯ ಪ್ರೊ ಕಬಡ್ಡಿ ಲೀಗ್‌ನಲ್ಲಿ 10ನೇ ಸೋಲು ಅನುಭವಿಸಿ ಕಳಪೆ ಪ್ರದರ್ಶನ ಮುಂದುವರಿಸಿದೆ.

ಇಲ್ಲಿನ ಶ್ರೀ ಕಂಠೀರವ ಸ್ಟೇಡಿಯಂನಲ್ಲಿ ಶುಕ್ರವಾರ ನಡೆದ 76ನೇ ಲೀಗ್ ಪಂದ್ಯದಲ್ಲಿ ಯು.ಪಿ. ಯೋಧಾ ತಂಡ ಪಾಟ್ನಾ ತಂಡವನ್ನು 41-29 ಅಂಕಗಳ ಅಂತರದಿಂದ ಮಣಿಸಿತು. ಯೋಧಾ ಪರ ಶ್ರೀಕಾಂತ್ ಜಾಧವ್ 10 ಅಂಕ ಕಲೆಹಾಕಿದರು. ಪಾಟ್ನಾ ಪರವಾಗಿ ನಾಯಕ ಪರ್ದೀಪ್ ನರ್ವಾಲ್ 14 ಅಂಕ ಗಳಿಸಿದರೂ ತಂಡವನ್ನು ಸೋಲಿನಿಂದ ಪಾರಾಗಿಸಲು ಸಾಧ್ಯವಾಗಲಿಲ್ಲ. ಯೋಧಾ ತಾನಾಡಿದ 13ನೇ ಪಂದ್ಯದಲ್ಲಿ 6ನೇ ಜಯ ದಾಖಲಿಸಿ ಅಂಕಪಟ್ಟಿಯಲ್ಲಿ 7ನೇ ಸ್ಥಾನದಲ್ಲಿದೆ. ಮತ್ತೊಂದೆಡೆ ಪಾಟ್ನಾ ತಂಡ 13ರಲ್ಲಿ 10ನೇ ಸೋಲು ಅನುಭವಿಸಿ ಅಂಕಪಟ್ಟಿಯಲ್ಲಿ 12ನೇ ಹಾಗೂ ಕೊನೆಯ ಸ್ಥಾನದಲ್ಲಿದೆ.