'ಹಿಂದಿಯಲ್ಲಿ ಮಾತನಾಡಿ' ಎಂದು ಬಲವಂತಪಡಿಸಿದವನ ಬಾಯಿ ಮುಚ್ಚಿಸಿದ ತಾಪ್ಸಿ ಪನ್ನು: ವಿಡಿಯೋ ವೈರಲ್

ಕಾರ್ಯಕ್ರಮವೊಂದರಲ್ಲಿ ಹಿಂದಿ ಭಾಷೆಯಲ್ಲಿ ಮಾತನಾಡುವಂತೆ ಬಲವಂತಪಡಿಸಿದ ಟ್ರೋಲಿಗನಿಗೆ ಬಹುಭಾಷಾ ನಟಿ ತಾಪ್ಸಿ ಪನ್ನು ತಿರುಗೇಟು ನೀಡಿದ ವಿಡಿಯೋವೊಂದ ವೈರಲ್ ಆಗಿದೆ.

50ನೆ ಅಂತಾರಾಷ್ಟ್ರೀಯ ಸಿನಿಮೋತ್ಸವದಲ್ಲಿ ತಾಪ್ಸಿ ಭಾಗವಹಿಸಿದ್ದರು. ಈ ಸಂದರ್ಭ "ನೀವು ಹಿಂದಿ ನಟಿಯಾಗಿರುವ ಕಾರಣ ಹಿಂದಿ ಮಾತನಾಡಬೇಕು" ಎಂದು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ವ್ಯಕ್ತಿಯೊಬ್ಬ ನಟಿಯನ್ನು ಬಲವಂತಪಡಿಸಿದ. ಈ ಬಗ್ಗೆ ಪ್ರತಿಕ್ರಿಯಿಸಿದ ತಾಪ್ಸಿ ಎಲ್ಲಾ ಸಭಿಕರಿಗೂ ಹಿಂದಿ ಅರ್ಥವಾಗುವುದಿಲ್ಲ ಎಂದು ಹೇಳಲು ಯತ್ನಿಸಿದರು.

ಆದರೆ ಆತ ಸತತವಾಗಿ ಹಿಂದಿ ಮಾತನಾಡಬೇಕು ಎಂದು ಒತ್ತಾಯಪಡಿಸಿದಾಗ ತಾಪ್ಸಿ, "ನಾನು ದಕ್ಷಿಣ ಭಾರತದ ನಟಿಯೂ ಹೌದು. ನಾನು ತಮಿಳು ಮತ್ತು ತೆಲುಗು ಕೂಡ ಮಾತನಾಡಬಲ್ಲೆ" ಎಂದು ಸೂಕ್ತ ಉತ್ತರ ನೀಡಿದರು. ತಾಪ್ಸಿ ಹೀಗೆ ಉತ್ತರಿಸುತ್ತಿದ್ದಂತೆ ಸಭಿಕರು ಚಪ್ಪಾಳೆ ತಟ್ಟಿದರು. ಘಟನೆಯ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

Watch Tapsee Pannu shuts down a dumbass Hindi chauvinist during a discussion at the 50th IFFI.

Priceless!! pic.twitter.com/I5Ro2W8yop

— Sankar Das (@mallucomrade) November 24, 2019