ಲೋಗೋಸ್ ನಾಟಕೋತ್ಸವದಲ್ಲಿ ರಾಧಾ ನಾಟಕ ಪ್ರದರ್ಶನ

ಮಂಗಳೂರು, ನ. 25: ಪಾದುವ ಥಿಯೇಟರ್ ಹಬ್ ನಲ್ಲಿ 'ಲೋಗೋಸ್ ಥಿಯೇಟರ್ ಟ್ರೂಪ್' ಆಯೋಜಿಸಿದ 'ಲೋಗೋಸ್ ನಾಟಕೋತ್ಸವ ಶನಿವಾರ ಚಾಲನೆ‌ಗೊಂಡಿದೆ.

ಮೊದಲನೇ ದಿನ ನಾಟ್ಯರಂಗ ಪುತ್ತೂರು ಪ್ರಸ್ತುತಪಡಿಸಿದ,  ಮಂಜುಳಾ ಸುಬ್ರಹ್ಮಣ್ಯ ಅಭಿನಯಿಸಿದ ರಾಧಾ ನಾಟಕ ಪ್ರದರ್ಶನಗೊಂಡಿತು. ನಾಟಕದ ರಚನೆ ಸುಧಾ ಅಡುಕಳ ಮತ್ತು ಡಾ. ಶ್ರೀಪಾದ ಭಟ್ ನಿರ್ದೇಶಿಸಿದ್ದಾರೆ,  ಸುಮಾರು 60ನಿಮಿಷಗಳ ಕಾಲ ನಡೆದ ಏಕವ್ಯಕ್ತಿ ರಂಗಪ್ರಯೋಗ ನೆರೆದ ಪ್ರೇಕ್ಷಕರ ಮನಸೂರೆಗೊಂಡಿತು.  

ನಾಟಕದ ಸಂಗೀತ ನಿರ್ವಹಣೆ ಬಿನು ಬಾಲಕೃಷ್ಣ , ಆಹಾರ್ಯಂ ಸಂಸ್ಥೆ ತಾಂತ್ರಿಕತೆಯಲ್ಲಿ ಸಹಕಾರ ನೀಡಿತ್ತು.  ಅರೆಹೊಳೆ ಪ್ರತಿಷ್ಠಾನದ ಅರೆಹೊಳೆ ಸದಾಶಿವರಾವ್ ನಾಟಕೋತ್ಸವಕ್ಕೆ ಹಾಗೂ ಲೋಗೋಸ್ ನಾಟಕ ತಂಡಕ್ಕೆ ಶುಭಕೋರಿದರು. ಪಾದುವ ರಂಗ ಅಧ್ಯಯನ ಕೇಂದ್ರದ ಕ್ರಿಸ್ಟೋಫರ್ ಸ್ವಾಗತಿಸಿದರು.

ಮೂರು ದಿನಗಳ ಕಾಲ ನಡೆಯುವ ಈ ನಾಟಕೋತ್ಸವದಲ್ಲಿ ಎರಡು ಕೊಂಕಣಿ ನಾಟಕಗಳು ಪ್ರದರ್ಶನಗೊಳ್ಳಲಿವೆ‌ ಎಂದು ಪ್ರಕಟನೆ ತಿಳಿಸಿದೆ.