ಸುಲ್ತಾನ್ ಡೈಮಂಡ್ಸ್ ಆ್ಯಂಡ್ ಗೋಲ್ಡ್: 'ವಿಶ್ವವಜ್ರ' ಪ್ರದರ್ಶನ, ಮಾರಾಟಕ್ಕೆ ಚಾಲನೆ
ಮಂಗಳೂರು, ಡಿ. 7: ಸುಲ್ತಾನ್ ಡೈಮಂಡ್ಸ್ ಆ್ಯಂಡ್ ಗೋಲ್ಡ್ನ ಮಂಗಳೂರು ನಗರದ ಕಂಕನಾಡಿ ಬೈಪಾಸ್ ರಸ್ತೆಯ ಶೋರೂಂನಲ್ಲಿ 7ನೇ ಆವೃತ್ತಿಯ ‘ವಿಶ್ವವಜ್ರ’ ವಜ್ರಾಭರಣಗಳ ಪ್ರದರ್ಶನ ಮತ್ತು ಮಾರಾಟಕ್ಕೆ ಶನಿವಾರ ಚಾಲನೆ ನೀಡಲಾಯಿತು.
ನಿಟ್ಟೆ ವಿವಿ ಕುಲಾಧಿಪತಿ ಡಾ. ವಿನಯ್ ಹೆಗ್ಡೆ ಪ್ರದರ್ಶನ ಉದ್ಘಾಟಿಸಿ ಮಾತನಾಡಿ, ಅಪೂರ್ವ, ಅದ್ಭುತ ಮತ್ತು ಸುಂದರ ವಜ್ರಾಭರಣಗಳಿಗೆ ಸುಲ್ತಾನ್ ಖ್ಯಾತಿ ಪಡೆದಿದೆ. ಗುಣಮಟ್ಟ ವಜ್ರಾಭರಣಗಳಿಗೆ ಹೆಸರು ಪಡೆದ ಸಂಸ್ಥೆ ದೇಶಾದ್ಯಂತ ಶಾಖೆ ತೆರೆಯುವಂತಾಗಲಿ ಎಂದು ಶುಭ ಹಾರೈಸಿದರು. ಇದೇ ವೇಳೆ ಅವರು ಡೈಮಂಡ್ ಗ್ರೇಡಿಂಗ್ ಯಂತ್ರ ಅನಾವರಣಗೊಳಿಸಿದರು.
ದ.ಕ., ಉಡುಪಿ ಜಿಲ್ಲಾ ಮುಸ್ಲಿಂ ಸೆಂಟ್ರಲ್ ಕಮಿಟಿ ಅಧ್ಯಕ್ಷ ಕೆ.ಎಸ್. ಮುಹಮ್ಮದ್ ಮಸೂದ್ ಪೊಲ್ಕಿ ಕಲೆಕ್ಷನ್, ಮಿಸ್ಬಾ ಮಹಿಳಾ ಕಾಲೇಜು ಅಧ್ಯಕ್ಷ ಮುಮ್ತಾಝ್ ಅಲಿ ಬೆಲ್ಜಿಯಂ ಕಲೆಕ್ಷನ್, ವಿಶ್ವಾಸ್ ಬಾವ ಬಿಲ್ಡರ್ಸ್ನ ವ್ಯವಸ್ಥಾಪಕ ನಿರ್ದೇಶಕ ಅಬ್ದುಲ್ ರವೂಫ್ ಪುತ್ತಿಗೆ ಸಾಲಿಟೇರ್ ಕಲೆಕ್ಷನ್, ಶಾಲಿಮಾರ್ ಬಿಲ್ಡರ್ನ ವ್ಯವಸ್ಥಾಪಕ ನಿರ್ದೇಶಕ ಅಬ್ದುಲ್ ರಹೀಂ ಇಟಾಲಿಯನ್ ಕಲೆಕ್ಷನ್, ಫಾತಿಮಾ ಟ್ರೇಡರ್ಸ್ನ ಮ್ಯಾನೇಜಿಂಗ್ ಪಾರ್ಟ್ನರ್ ಅಹ್ಮದ್ ಶರೀಫ್ ತನ್ಮಾನಿಯಾ ಕಲೆಕ್ಷನ್, ಮುಕ್ಕ ಸೀ ಫುಡ್ ನಿರ್ದೇಶಕ ಹಾಶೀರ್ ಮಿಡಲ್ ಈಸ್ಟ್ ಕಲೆಕ್ಷನ್, ಇನ್ನರ್ವೀಲ್ ಜಿಲ್ಲಾ ಮಾಜಿ ಚೇರ್ಮನ್ ಶಮೀಮ್ ಕುನಿಲ್ ಯು.ಎಸ್. ಕಲೆಕ್ಷನ್, ಕಾಸರಗೋಡು ಎನ್.ಎ.ಮೋಡೆಲ್ ಸ್ಕೂಲ್ ನಿರ್ದೇಶಕಿ ಹಸೀನಾ ನೌಫಾಲ್ ಪಚ್ಚೆ ಕಲೆಕ್ಷನ್, ಬೃಂದಾವನ ನ್ಯಾಚುರೋಪತಿ ವೈದ್ಯೆ ಡಾ. ಶಾರದಾ ಬಂಗೇರ ಸಿಂಗಾಪುರ ಕಲೆಕ್ಷನ್, ಹಲೀಮಾ ಶಹೀನ್ ಫ್ರೆಂಚ್ ಕಲೆಕ್ಷನ್, ಶಿರೀನ್ ಫಾತಿಮಾ ಪ್ರಿನ್ಸೆಸ್ ಕಲೆಕ್ಷನ್, ರೊಮ್ಯಾಂಟಿಕ್ ಪ್ರೊಪ್ರೈಟರ್ ಫಿಲೋಮಿನಾ ರಾಯಲ್ ಅನ್ಕಟ್, ಸಾಮಾಜಿಕ ಕಾರ್ಯಕರ್ತೆ ಪೂರ್ಣಿಮಾ ಶೆಣೈ ಬ್ರೈಡಲ್ ರೂಬಿ ಕಲೆಕ್ಷನ್ ಉದ್ಘಾಟಿಸಿದರು.
ಸುಲ್ತಾನ್ ಗ್ರೂಪ್ ವ್ಯವಸ್ಥಾಪಕ ನಿರ್ದೇಶಕ ಡಾ. ಟಿ.ಎಂ. ಅಬ್ದುಲ್ ರವೂಫ್ ರ್ಯಾಡೋ ಸಂಸ್ಥೆಯ ನೂತನ ಕ್ಯಾಪ್ಟನ್ ಕುಕ್ ವಾಚ್ ಬಿಡುಗಡೆಗೊಳಿಸಿದರು. ನಂತರ ಮಾತನಾಡಿದ ಅವರು ಕಳೆದ ಏಳು ವರ್ಷಗಳಿಂದ ವಜ್ರಾಭರಣ ಪ್ರದರ್ಶನ ಏರ್ಪಡಿಸಲಾಗುತ್ತಿದೆ. ಮುಂಬೈಯ ತಜ್ಞರು ಈ ಸಂದರ್ಭ ವಜ್ರಾಭರಣಗಳ ಸಮಗ್ರ ಪ್ರಾತ್ಯಕ್ಷಿಕೆ ನೀಡಲಿದ್ದಾರೆ. ಗ್ರಾಹಕರು ವಜ್ರಗಳ ಗುಣಮಟ್ಟವನ್ನು ಡೈಮಂಡ್ ಗ್ರೇಡಿಂಗ್ ಯಂತ್ರದ ಮೂಲಕ ಉಚಿತವಾಗಿ ಪರೀಕ್ಷಿಸಬಹುದಾಗಿದೆ ಎಂದು ಹೇಳಿದರು.
ಸಂಸ್ಥೆಯ ಬ್ರಾಂಚ್ ಮ್ಯಾನೇಜರ್ ಅಬ್ದುಲ್ ಸತ್ತಾರ್ ಪ್ರಸ್ತಾವಿಸಿದರು. ಲವಿಟಾ ಮಿನೇಜಸ್ ಕಾರ್ಯಕ್ರಮ ನಿರೂಪಿಸಿದರು.
ಡಿ.22ರವರೆಗೆ ಪ್ರದರ್ಶನ
‘ವಿಶ್ವವಜ್ರ’ ವಜ್ರಾಭರಣ ಪ್ರದರ್ಶನ ಮತ್ತು ಮಾರಾಟವು ಶನಿವಾರ ಆರಂಭಗೊಂಡಿದ್ದು, ಡಿ.22ರವರೆಗೆ ಪ್ರದರ್ಶನ ನಡೆಯಲಿದೆ. ನಿತ್ಯ ಧರಿಸುವ ವಜ್ರದ ನೆಕ್ಲೆಸ್ ಬೆಲೆ 56 ಸಾವಿರದಿಂದ ಆರಂಭ, ಉಂಗುರಗಳು 6 ಸಾವಿರ ರೂ.ನಿಂದ, ಮೂಗುತ್ತಿ 2 ಸಾವಿರ ರೂ.ನಿಂದ ಆರಂಭವಾಗುತ್ತದೆ. ಐಷಾರಾಮಿ ವಿಭಾಗದ ಗ್ರಾಹಕರಿಗೆ ಬೆಂಗಳೂರು, ಮುಂಬೈ ಮೊದಲಾದ ಮೆಟ್ರೋ ಸಿಟಿಗಳಲ್ಲಿ ಮಾತ್ರ ದೊರೆಯುವ 10 ಲಕ್ಷ ರೂ.ನಿಂದ 1 ಕೋಟಿ ರೂ. ವರೆಗಿನ ಸೆಲೆಬ್ರಿಟಿ ಕಲೆಕ್ಷನ್ ವಿಶೇಷವಾಗಿದೆ. ಕಂಕನಾಡಿ ಬೈಪಾಸ್ ರಸ್ತೆಯ ಸುಲ್ತಾನ್ ಡೈಮಂಡ್ಸ್ ಆ್ಯಂಡ್ ಗೋಲ್ಡ್ ಮಳಿಗೆಗೆ ಭೇಟಿ ನೀಡಬಹುದು. ದೂ.ಸಂ.: 0824-2438916.
