‘ಜಯೇಶ್ ಭಾಯ್’ಗೆ ಶಾಲಿನಿ ಪಾಂಡೆ ನಾಯಕಿ
ಬ್ಲಾಕ್ ಬಸ್ಟರ್ ‘ಅರ್ಜುನ್ ರೆಡ್ಡಿ’ ತೆಲುಗು ಚಿತ್ರದಲ್ಲಿ ಪ್ರೀತಿ ಪಾತ್ರ ನಿರ್ವಹಿಸಿದ್ದ ಶಾಲಿನಿ ಪಾಂಡೆ ಬಾಲಿವುಡ್ ಪ್ರವೇಶಿಸಿದ್ದಾರೆ. ಅವರು ಯಶ್ರಾಜ್ ಫಿಲ್ಸ್ಮ್ನ ಮುಂದಿನ ಚಿತ್ರ ‘ಜಯೇಶ್ಭಾ ಜೋರ್ದಾರ್’ನಲ್ಲಿ ಮೊದಲ ಬಾರಿಗೆ ರಣವೀರ್ ಸಿಂಗ್ ಜೊತೆ ನಟಿಸಲಿದ್ದಾರೆ.
ಮಹಿಳಾ ಸಬಲೀಕರಣದ ಕಥೆ ಯುಳ್ಳ ಈ ಚಿತ್ರದ ರಚನೆ ಹಾಗೂ ನಿರ್ದೇಶನವನ್ನು ದಿವ್ಯಾಂಗ ಠಕ್ಕರ್ ನಿರ್ವಹಿಸ ಲಿದ್ದಾರೆ. ಚಿತ್ರದ ಮೊದಲ ಪೋಸ್ಟರ್ ಬಿಡುಗಡೆ ಯಾಗಿದ್ದು, ಇದರಲ್ಲಿ ಮಹಿಳೆಯ ರಕ್ಷಣೆ ಹಾಗೂ ಸಮಾಜದಲ್ಲಿ ಅವರ ಉತ್ತಮ ಸ್ಥಾನಕ್ಕಾಗಿ ಹೋರಾಡುವ ಯುವಕ ಜಯೇಶ್ಬಾಯ್ ಆಗಿ ಅವರು ಕಾಣಿಸಿಕೊಂಡಿದ್ದಾರೆ.
ವೈಆರ್ಎಸ್ ಪ್ರೊಜೆಕ್ಟ್ನ ಚಿತ್ರದಲ್ಲಿ ನಟಿಸುತ್ತಿರುವುದಕ್ಕೆ ರಣವೀರ್ ಅವರೊಂದಿಗೆ ಬೆಳ್ಳಿ ತೆರೆ ಹಂಚಿಕೊಳ್ಳುತ್ತಿರುವುದು ರೋಮಾಂಚನಗೊಳಿಸಿದೆ ಎಂದು ಹೇಳಿರುವ ಶಾಲಿನಿ ಪಾಂಡೆ, ‘‘ಹಿಂದಿ ಚಿತ್ರೋದ್ಯಮದಲ್ಲಿ ನನ್ನ ಪ್ರತಿಭೆಯನ್ನು ಪ್ರದರ್ಶಿಸಲು ಈ ಅವಕಾಶವನ್ನು ದೇವರು ನೀಡಿದ್ದಾನೆ. ನಾನು ಅದಕ್ಕಾಗಿ ಅಭಾರಿಯಾಗಿದ್ದೇನೆ. ನಮ್ಮ ತಲೆಮಾರಿನ ಅತಿ ದೊಡ್ಡ ಸೂಪರ್ಸ್ಟಾರ್ಗಳಲ್ಲಿ ಓರ್ವರಾದ ರಣವೀರ್ ಸಿಂಗ್ ಜೊತೆ ಬೆಳ್ಳಿ ತೆರೆ ಹಂಚಿಕೊಳ್ಳುತ್ತಿರುವುದು ನನಗೆ ಸಿಕ್ಕಿದ ವರ’’ ಎಂದು ಅವರು ಹೇಳಿದ್ದಾರೆ. ಶಾಲಿನಿಗೆ ಅವಕಾಶ ನೀಡಿದ ‘ಜಯೇಶ್ಬಾಯಿ ಜೋರ್ದಾರ್’ ಚಿತ್ರದ ನಿರ್ಮಾಪಕ ಮನೀಷ್ ಶರ್ಮಾ, ನಮ್ಮ ಚಿತ್ರದ ಸ್ಕ್ರಿಪ್ಗೆ ಹೊಸ ಮುಖದ ಅಗತ್ಯ ಇತ್ತು. ಶಾಲಿನ ಅವರ ಆಡಿಷನ್ ನಡಿಸಿದಾಗ ನಮ್ಮ ಚಿತ್ರದ ಪಾತ್ರಕ್ಕೆ ಇವರೇ ಸರಿಯಾದ ನಟಿ ಎಂದು ಕೂಡಲೇ ತಿಳಿದುಕೊಂಡೆವು. ಆಯ್ಕೆ ಮಾಡಿದೆವು. ನಮಗೆ ಅವರು ಪ್ರತಿಭೆ ಬಗ್ಗೆ ನಂಬಿಕೆ ಇದೆ. ‘ಜಯೇಶ್ಬಾಯಿ ಜೋರ್ದಾರ್’ ಅವರು ನಿಮ್ಮನ್ನು ನಿಜ ವಾಗಿಯೂ ನಿಮ್ಮನ್ನು ಆಕರ್ಷಿಸಲಿದ್ದಾರೆ ಎಂದು ಅವರು ಹೇಳಿದ್ದಾರೆ. ‘ಜಯೇಶ್ಬಾಯಿ ಜೋರ್ದಾರ್’ ಬಿಡುಗಡೆಯ ದಿನಾಂಕವನ್ನು ಇನ್ನಷ್ಟೇ ಪ್ರಕಟಿಸ ಬೇಕಾಗಿದೆ.
