ಜನರಲ್ ಮುಕುಂದ್ ನಾರವಾನೆ ಭೂ ಸೇನೆಯ ನೂತನ ಮುಖ್ಯಸ್ಥರಾಗಿ ಅಧಿಕಾರ ಸ್ವೀಕಾರ

ಹೊಸದಿಲ್ಲಿ, ಡಿ.31:  ಜನರಲ್ ಮನೋಜ್ ಮುಕುಂದ್ ನಾರವಾನೆ ಮಂಗಳವಾರ ಭೂ ಸೇನಾ ಮುಖ್ಯಸ್ಥರಾಗಿ ಅಧಿಕಾರ ವಹಿಸಿಕೊಂಡರು.

ಭೂಸೇನಾ ಮುಖ್ಯಸ್ಥರಾಗಿದ್ದ ಜನರಲ್ ಬಿಪಿನ್ ರಾವತ್   ಸಿಡಿಎಸ್‌( ಚೀಫ್‌ ಆಫ್‌ ಡಿಫೆನ್ಸ್‌ ಸ್ಟಾಫ್‌)  ಮುಖ್ಯಸ್ಥರನ್ನಾಗಿ ಸರಕಾರ  ಸೋಮವಾರ ನೇಮಕ ಮಾಡಿರುವ ಹಿನ್ನೆಲೆಯಲ್ಲಿ  ತೆರವಾಗಿದ್ದ  ಸ್ಥಾನಕ್ಕೆ ಮನೋಜ್‌ ಮುಕುಂದ್‌ ನರವಾನೆ ನೇಮಕವಾಗಿದ್ದಾರೆ.

ಈ  ಮೊದಲು ಜನರಲ್ ಮನೋಜ್ ಮುಕುಂದ್ ಸೇನೆಯ ಉಪ ಮುಖ್ಯಸ್ಥರಾಗಿ  ಸೇವೆ ಸಲ್ಲಿಸಿದರು.

 ಅವರು ಸೇನೆಯಲ್ಲಿ ಅವರು ವಿವಿಧ ಹುದ್ದೆಗಳಲ್ಲಿ  37 ವರ್ಷಗಳ ಸೇವೆ ಸಲ್ಲಿಸಿದ್ದಾರೆ.  ಈಸ್ಟರ್ನ್‌ ಕಮಾಂಡ್‌ನ ಮುಖ್ಯಸ್ಥರಾಗಿದ್ದರು. ಜಮ್ಮು ಮತ್ತು ಕಾಶ್ಮೀರದಲ್ಲಿ ಉಗ್ರ ನಿಗ್ರಹ ಕಾರ್ಯಾಚರಣೆಯಲ್ಲಿ ನಿರತವಾಗಿರುವ ರಾಷ್ಟ್ರೀಯ ರೈಫಲ್ಸ್‌ ಬೆಟಾಲಿಯನ್‌ನಲ್ಲಿ ಕಮಾಂಡರ್‌ ಆಗಿಯೂ ಮುಕುಂದ್‌ ಕಾರ್ಯನಿರ್ವಹಿಸಿದ್ದಾರೆ.