2020ರಲ್ಲಿ ಮೂರನೇ ಚಂದ್ರಯಾನ: ಜಿತೇಂದ್ರ ಸಿಂಗ್

ಹೊಸದಿಲ್ಲಿ, ಡಿ.31: ದೇಶದ ಮೂರನೇ ಚಂದ್ರಯಾನಕ್ಕೆ 2020ರಲ್ಲಿ ಚಾಲನೆ ದೊರಕಲಿದೆ ಎಂದು ಬಾಹ್ಯಾಕಾಶ ಇಲಾಖೆಯ ಸಹಾಯಕ ಸಚಿವ ಜಿತೇಂದ್ರ ಸಿಂಗ್ ಹೇಳಿದ್ದಾರೆ.

ಕೇವಲ ಲ್ಯಾಂಡರ್ ಮತ್ತು ರೋವರ್ ಮಾತ್ರ ಹೊಂದಿರುವ ಚಂದ್ರಯಾನ-3ರಲ್ಲಿ ಚಂದ್ರನ ಮೇಲೆ ಇಳಿಯುವ ಪ್ರಯತ್ನವನ್ನು ಮತ್ತೊಮ್ಮೆ ಮಾಡಲಾಗುವುದು ಎಂದವರು ಹೇಳಿದ್ದಾರೆ.

ಚಂದ್ರಯಾನ-2ನ್ನು ವೈಫಲ್ಯ ಎಂದು ಪರಿಗಣಿಸುವುದಿಲ್ಲ, ಯಾಕೆಂದರೆ ಈ ಯೋಜನೆಯಲ್ಲಿ ನಮಗೆ ಸಾಕಷ್ಟು ಕಲಿಯುವ ಅವಕಾಶ ಲಭಿಸಿದೆ. ಯಾವುದೇ ದೇಶವು ಪ್ರಥಮ ಪ್ರಯತ್ನದಲ್ಲೇ ಚಂದ್ರನ ಮೇಲಿಳಿದ ಉದಾಹರಣೆಯಿಲ್ಲ. ಅಮೆರಿಕ ಕೂಡಾ ಹಲವು ಬಾರಿ ಪ್ರಯತ್ನಿಸಿದ ಬಳಿಕ ಸಫಲವಾಗಿದೆ. ಆದರೆ ನಮಗೆ ಹಲವು ಬಾರಿ ಪ್ರಯತ್ನಿಸುವ ಅಗತ್ಯ ಬರುವುದಿಲ್ಲ ಎಂದವರು ವಿಶ್ವಾಸ ವ್ಯಕ್ತಪಡಿಸಿದರು.