ಸಮುದ್ರ ಮಟ್ಟ ಏರಿಕೆಯಿಂದ ದೇಶಗಳ ಸಾಲ ಸಾಮರ್ಥ್ಯಕ್ಕೆ ಪೆಟ್ಟು: ಮೂಡೀಸ್ ಸಂಸ್ಥೆ
ಸಿಂಗಾಪುರ, ಜ. 16: ಹೆಚ್ಚುತ್ತಿರುವ ಸಮುದ್ರ ಮಟ್ಟಗಳಿಂದಾಗಿ ಉದ್ಭವಿಸುವ ಆರ್ಥಿಕ ಆಘಾತಗಳು ಡಝನ್ಗಟ್ಟಳೆ ದೇಶಗಳ ಸಾರ್ವಭೌಮ ಕ್ರೆಡಿಟ್ ರೇಟಿಂಗ್ಗಳ ಮೇಲೆ ದೂರಗಾಮಿ ವ್ಯತಿರಿಕ್ತ ಪರಿಣಾಮಗಳನ್ನು ಬೀರಲಿವೆ ಎಂದು ಜಾಗತಿಕ ಆರ್ಥಿಕ ವಿಶ್ಲೇಷಕ ಸಂಸ್ಥೆ ಮೂಡೀಸ್ ಗುರುವಾರ ಹೇಳಿದೆ. ವಿಯೆಟ್ನಾಮ್, ಈಜಿಪ್ಟ್, ಸುರಿನಾಮ್ ಮತ್ತು ಬಹಾಮಸ್ ಮುಂತಾದ ಈ ದೇಶಗಳು ಸಮುದ್ರದ ನೀರಿನಲ್ಲಿ ಮುಳುಗುವ ಅಪಾಯವನ್ನೂ ಹೊಂದಿವೆ ಎಂದು ಅದು ಅಭಿಪ್ರಾಯಪಟ್ಟಿದೆ.
ಸಮುದ್ರ ಮಟ್ಟವು ಮುಂದಿನ ಹಲವು ದಶಕಗಳ ಕಾಲ ಏರುತ್ತಾ ಸಾಗಲಿವೆ ಎಂದಿರುವ ಪರಿಸರ ವಿಜ್ಞಾನಿಗಳು, ಇದು ಚಂಡಮಾರುತ, ಬಿರುಗಾಳಿ ಮತ್ತು ಪ್ರವಾಹ ಮುಂತಾದ ವಿಪತ್ತುಗಳನ್ನು ಸೃಷ್ಟಿಸುತ್ತದೆ ಎಂದಿದ್ದಾರೆ.
Next Story