ಕೊರೋನ ಭೀತಿ: ಹೊಸ ವರ್ಷದ ರಜಾ ಅವಧಿ ವಿಸ್ತರಿಸಿದ ಚೀನಾ

ಬೀಜಿಂಗ್,ನ.27: ಮಾರಣಾಂತಿಕ ಕೊರೋನ ವೈರಸ್ ಸೋಂಕು ಹರಡುವುದನ್ನು ತಡೆಯಲು ಹರಸಾಹಸ ನಡೆಸುತ್ತಿರುವ ಚೀನಾವು ಜನರ ಪ್ರಯಾಣಿಸುವುದನ್ನು ನಿರುತ್ತೇಜಿಸಲು ಚೀನಿ ಚಂದ್ರಮಾನ ಹೊಸ ವರ್ಷದ ರಜೆಗಳನ್ನು ಇನ್ನೂ ಮೂರು ದಿನಗಳ ಅವಧಿಗೆ ವಿಸ್ತರಿಸಿದೆ.

  ರವಿವಾರ ಮಧ್ಯರಾತ್ರಿಯವರೆಗೆ ಚೀನಾದ್ಯಂತ ಒಟ್ಟು 2,744 ಕೊರೋನ ವೈರಸ್ ಸೋಂಕಿನ ಪ್ರಕರಣಗಳು ದೃಢಪಟ್ಟಿರುವುದಾಗಿ ರಾಷ್ಟ್ರೀಯ ಆರೋಗ್ಯ ಆಯೋಗ ಘೋಷಿಸಿದೆ.

  ಚೀನಿ ಚಂದ್ರಮಾನ ಹೊಸ ವರ್ಷದ ರಜಾದಿನಗಳ ಹಿನ್ನೆಲೆಯಲ್ಲಿ ತಮ್ಮ ಊರುಗಳಿಗೆ ಹಾಗೂ ಪ್ರವಾಸಿ ತಾಣಗಳಿಗೆ ಭೇಟಿ ನೀಡಿರುವ ಲಕ್ಷಾಂತರ ಚೀನಿಯರು ತಮ್ಮ ಉದ್ಯೋಗದ ಹಾಗೂ ಅಧ್ಯಯನದ ಸ್ಥಳಗಳಿಗೆ ವಾಪ ಸಾಗುತ್ತಿರುವುದರಿಂದ ಕೊರೋನ ವೈರಸ್ ಸೋಂಕು ಜನದಟ್ಟಣೆಯ ರೈಲುಗಳು ಹಾಗೂ ವಿಮಾನಗಳಲ್ಲಿ ಹರಡು ಅಪಾಯವಿದೆಯೆಂದು ಅವರು ಹೇಳಿದ್ದಾರೆ.

 ಚೀನಿ ಚಾಂದ್ರಮಾನ ಹೊಸ ವರ್ಷದ ರಜಾದಿನಗಳು ಅಧಿಕೃತವಾಗಿ ಶುಕ್ರವಾರ ಕೊನೆಗೊಳ್ಳುವುದರಲ್ಲಿತ್ತು. ಇದೀಗ ಅದನ್ನು ರವಿವಾರದವರೆಗೆ ವಿಸ್ತರಿಸ ಲಾಗಿದೆಯೆಂದು ಮೂಲಗಳು ತಿಳಿಸಿವೆ. ಜನಸಂದಣಿಯನ್ನು ಕಡಿಮೆಗೊಳಿಸಲು ಹಾಗೂ ಸೋಂಕುರೋಗ ಹರಡುವುದನ್ನು ನಿಯಂತ್ರಿಸಲು ಈ ಕ್ರಮವನ್ನು ಕೈಗೊಳ್ಳಲಾಗಿದೆಯೆಂದು ಚೀನಿ ಸಂಪುಟದ ಹೇಳಿಕೆಯೊಂದು ತಿಳಿಸಿದೆ.

ಆದರೆ ಮಂದಿನ ಸೂಚನೆಯನ್ನು ನೀಡುವವರೆಗೆ ಶಾಲೆಗಳು ಮುಚ್ಚುಗಡೆ ಯಾಗಿರುತ್ತವೆಯೆಂದು ಹೇಳಿಕೆ ತಿಳಿಸಿದೆ.

  ರವಿವಾರದಂದು ವೂಹಾನ್ ಸೇರಿದಂತೆ ಚೀನಾದ ವಿವಿಧೆಡೆ ಕೊರೋನ ವೈರಸ್‌ನ 769 ಹೊಸ ಪ್ರಕರಣಗಳು ಪತ್ತೆಯಾಗಿದ್ದು, ಈ ಸೋಂಕು ತಗಲಿರುವ ಸಾಧ್ಯತೆಯಿರುವ 30 ಸಾವಿರಕ್ಕೂ ಅಧಿಕ ಮಂದಿಯನ್ನು ವೈದ್ಯಕೀಯ ನಿಗಾ ದಲ್ಲಿರಿಸಲಾಗಿದೆ ಎಂದು ಚೀನಾದ ಆರೋಗ್ಯ ಆಯೋಗವು ವರದಿ ಮಾಡಿದೆ.

12ಕ್ಕೂ ಅಧಿಕ ದೇಶಗಳಲ್ಲಿ ಕೊರೋನ ವೈರಸ್ ಪತ್ತೆ

 ಕೊರೋನ ವೈರಸ್ ಪ್ರಕರಣಗಳು ಜಗತ್ತಿನಾದ್ಯಂತ ಸದ್ದಿಲ್ಲದೆ ಹರಡುತ್ತಿದ್ದು, ದಿನದಿಂದ ದಿನಕ್ಕೆ ಈ ರೋಗ ಪತ್ತೆಯಾಗಿರುವ ರಾಷ್ಟ್ರಗಳ ಸಂಖ್ಯೆ ಹೆಚ್ಚುತ್ತಿದೆ. ಹಾಂಕಾಂಗ್‌ನಲ್ಲಿ 5 ಮಂದಿಗೆ ಹಾಗೂ ಮಕಾವೊನಲ್ಲಿ ಇಬ್ಬರಿಗೆ ಈ ರೋಗತಗಲಿರುವುದಾಗಿ ವರದಿಯಾಗಿದೆ. ಥೈಲ್ಯಾಂಡ್, ತೈವಾನ್, ಜಪನ್, ದಕ್ಷಿಣ ಕೊರಿಯ, ಅಮೆರಿಕ, ವಿಯೆಟ್ನಾಮ್,ಸಿಂಗಾಪುರ, ಮಲೇಶ್ಯ, ನೇಪಾಳ, ಫ್ರಾನ್ಸ್, ಕೆನ ಹಾಗೂ ಆಸ್ಟ್ರೇಲಿಯಗಳಲ್ಲಿ ಈ ಮಾರಣಾಂತಿಕ ರೋಗದ ಸೋಂಕು ಹರಡಿರುವುದು ಪತ್ತೆಯಾಗಿದೆ.