ಲಾಕ್‍ ಡೌನ್ ವೇಳೆ ಯೋಗಾಭ್ಯಾಸ ಮಾಡಿ: ಪ್ರಧಾನಿ

ಹೊಸದಿಲ್ಲಿ: ಪ್ರಧಾನಿ ನರೇಂದ್ರ ಮೋದಿ ಇಂದು ತಮ್ಮ ಟ್ವಿಟರ್ ಹ್ಯಾಂಡಲ್‍ ನಲ್ಲಿ ತಮ್ಮ ಯೋಗ ವೀಡಿಯೋಗಳ ಲಿಂಕ್ ಶೇರ್ ಮಾಡಿದ್ದಾರಲ್ಲದೆ, ಮೂರು ವಾರಗಳ ಲಾಕ್ ಡೌನ್ ವೇಳೆ ಯೋಗಾಭ್ಯಾಸ ನಡೆಸುವಂತೆಯೂ ಸಾರ್ವಜನಿಕರಲ್ಲಿ ಮನವಿ ಮಾಡಿದ್ದಾರೆ.

"ರವಿವಾರದ ಮನ್ ಕಿ ಬಾತ್ ವೇಳೆ ನನ್ನ ಫಿಟ್ನೆಸ್ ಕ್ರಮಗಳ ಬಗ್ಗೆ ಯಾರೋ ಕೇಳಿದ್ದರು. ಅದಕ್ಕಾಗಿ ಈ ಯೋಗ ವೀಡಿಯೋಗಳನ್ನು ಶೇರ್ ಮಾಡುತ್ತಿದ್ದೇನೆ'' ಎಂದು ಪ್ರಧಾನಿ ಟ್ವೀಟ್ ಮಾಡಿದ್ದಾರೆ.

``ನಾನು ಫಿಟ್ನೆಸ್ ತಜ್ಞನೂ ಅಲ್ಲ, ವೈದ್ಯಕೀಯ ತಜ್ಞನೂ ಅಲ್ಲ. ಯೋಗಾಭ್ಯಾಸ ಹಲವಾರು ವರ್ಷಗಳಿಂದ ನನ್ನ ಜೀವನದ ಅವಿಭಾಜ್ಯ ಅಂಗವಾಗಿದೆ ಹಾಗೂ ಅದು ಪ್ರಯೋಜನಕಾರಿಯೆಂದು ಕಂಡುಕೊಂಡಿದ್ದೇನೆ'' ಎಂದು ಬರೆದಿರುವ ಪ್ರಧಾನಿ, ಲಾಕ್‍ ಡೌನ್ ವೇಳೆ ತಮ್ಮ  ಫಿಟ್ನೆಸ್  ವ್ಯಾಯಾಮಗಳ ಕುರಿತಂತೆ ವೀಡಿಯೋಗಳನ್ನು ಶೇರ್ ಮಾಡುವಂತೆಯೂ ಜನರನ್ನು ಕೋರಿಕೊಂಡಿದ್ದಾರೆ.

During yesterday’s #MannKiBaat, someone asked me about my fitness routine during this time. Hence, thought of sharing these Yoga videos. I hope you also begin practising Yoga regularly. https://t.co/Ptzxb7R8dN

— Narendra Modi (@narendramodi) March 30, 2020