‘ತಾರತಮ್ಯ’ದ ಜಾಹೀರಾತು: ಆಕ್ರೋಶದ ನಂತರ ಕ್ಷಮೆ ಯಾಚಿಸಿದ ‘ಕೆಂಟ್’
ಹೊಸದಿಲ್ಲಿ: ‘ವರ್ಗೀಯ ವ್ಯವಸ್ಥೆಯ ಜಾಹೀರಾತಿ'ಗಾಗಿ ಆರೋಗ್ಯ ಉತ್ಪನ್ನಗಳ ಕಂಪೆನಿ ‘ಕೆಂಟ್’ ಕೊನೆಗೂ ಕ್ಷಮೆ ಯಾಚಿಸಿದೆ. ಈ ಬಗ್ಗೆ ಭಾರೀ ಆಕ್ರೋಶ ವ್ಯಕ್ತವಾದ ನಂತರ ಕಂಪೆನಿ ಕ್ಷಮೆ ಕೇಳಿದೆ.
“ನಿಮ್ಮ ಮನೆಕೆಲಸದಾಕೆ ಕೈಗಳಲ್ಲೇ ಗೋಧಿ ಹಿಟ್ಟನ್ನು ಕೈಯಿಂದ ಬೆರೆಸುತ್ತಿದ್ದಾರೆಯೇ? ಆಕೆಯ ಕೈಗಳಲ್ಲಿ ಸೋಂಕು ಇರಬಹುದು” ಎಂದು ಕೆಂಟ್ ನ ಬ್ರೆಡ್ ಮೇಕರ್ ಜಾಹೀರಾತಿನಲ್ಲಿ ಬರೆಯಲಾಗಿತ್ತು.
ಈ ಬಗ್ಗೆ ಭಾರೀ ಆಕ್ರೋಶ ವ್ಯಕ್ತವಾದ ನಂತರ ಕ್ಷಮೆ ಕೇಳಿರುವ ಕೆಂಟ್, “ನಮ್ಮ ಕ್ಷಮಾಪಣೆಯನ್ನು ದಯವಿಟ್ಟು ಸ್ವೀಕರಿಸಿ. ಇದು ಉದ್ದೇಶಪೂರ್ವಕವಲ್ಲ ಮತ್ತು ತಪ್ಪಾಗಿ ಸಂವಹನಗೊಂಡಿದೆ. ಅದನ್ನು ಹಿಂಪಡೆಯಲಾಗಿದೆ” ಎಂದಿದೆ.
ಸಮಾಜದ ಎಲ್ಲಾ ಸಮುದಾಯಗಳನ್ನು ಗೌರವಿಸುತ್ತೇವೆ ಎಂದು ಅದು ತಿಳಿಸಿದೆ.
@ascionline This ad by Kent for its Atta Maker is in rank bad taste. Would like to complain on grounds it is discriminatory to house helps and objectionable . @ambimgp @rameshnarayan @skswamy @beastoftraal @bhatnaturally pic.twitter.com/hvdy2xPAYH
— Chitra Narayanan (@ndcnn) May 26, 2020