ಕೆಎಂಸಿ ಮಣಿಪಾಲದಲ್ಲಿ ನಾಳೆಯಿಂದ ಹೊರರೋಗಿ ವಿಭಾಗ ಅಪರಾಹ್ನ 1ರವರೆಗೆ
ಉಡುಪಿ, ಜು.13: ಮಣಿಪಾಲದ ಕಸ್ತೂರ್ಬಾ ಆಸ್ಪತ್ರೆಯಲ್ಲಿ ನಾಳೆಯಿಂದ ಎಲ್ಲಾ ಹೊರರೋಗಿ ವಿಭಾಗ ಸೇವೆಯು ವಾರದಲ್ಲಿ ಸೋಮವಾರದಿಂದ ಶುಕ್ರವಾರದವರೆಗೆ ಐದು ದಿನ ಮಾತ್ರ ಅಪರಾಹ್ನ 1:00 ಗಂಟೆಯವರೆಗೆ ಲಭ್ಯ ವಿರುತ್ತದೆ ಎಂದು ಕೆಎಂಸಿ ಮಣಿಪಾಲದ ಪ್ರಕಟಣೆ ತಿಳಿಸಿದೆ.
ಜು.14ರಿಂದ ಜಾರಿಗೆ ಬರುವಂತೆ ಹೊರರೋಗಿ ವಿಭಾಗ ಸೇವೆಯು ಬೆಳಗ್ಗೆ 8:00ರಿಂದ ಅಪರಾಹ್ನ 1:00ರವರೆಗೆ ಲಭ್ಯವಾಗಲಿದೆ. ಎಲ್ಲಾ ಶನಿವಾರ ಮತ್ತು ರವಿವಾರದಂದು ಹೊರರೋಗಿ ಸೇವೆ ಲಭ್ಯವಿರುವುದಿಲ್ಲ. ಈ ಬದಲಾವಣೆ ಜು.31ರವರೆಗೆ ಮುಂದುವರಿಯಲಿದೆ ಎಂದು ಆಸ್ಪತ್ರೆಯ ವೈದ್ಯಕೀಯ ಅಧೀಕ್ಷಕ ಡಾ. ಅವಿನಾಶ ಶೆಟ್ಟಿ ತಿಳಿಸಿದ್ದಾರೆ.
ಆದರೆ ಆಸ್ಪತ್ರೆಯ ತುರ್ತುಚಿಕಿತ್ಸಾ ವಿಭಾಗ ಶನಿವಾರ, ರವಿವಾರ ಸೇರಿದಂತೆ ವಾರದ ಎಲ್ಲಾ ದಿನಗಳಲ್ಲಿ ಎಂದಿನಂತೆ ದಿನದ 24 ಗಂಟೆ ಕಾರ್ಯ ನಿರ್ವಹಿಸಲಿದೆ ಎಂದವರು ತಿಳಿಸಿದ್ದಾರೆ.
Next Story