ಗುಂಪುಗಳ ನಡುವೆ ಗಲಾಟೆ: ಯುವಕ ಸಾವು, ಮತ್ತೋರ್ವನಿಗೆ ತೀವ್ರ ಗಾಯ

ಹಾಸನ, ಜು.16: ನಗರದ ರಿಂಗ್ ರಸ್ತೆಯಲ್ಲಿ ಗುಂಪೊಂದು ಸ್ಲಂ ಬೋರ್ಡ್ ಭಾಗದ ಇಬ್ಬರು ಯುವಕರ ಮೇಲೆ ಹಲ್ಲೆ ನಡೆಸಿದ್ದು, ಓರ್ವ ಮೃತಪಟ್ಟು ಮತ್ತೋರ್ವ ತೀವ್ರ ಗಾಯಗೊಂಡು ಸಾವು-ಬದುಕಿನ ನಡುವೇ ಹೋರಾಡುತ್ತಿರುವ ಘಟನೆ ಗುರುವಾರ ಸಂಜೆ ನಡೆದಿದೆ.

ರಿಂಗ್ ರಸ್ತೆಯಲ್ಲಿರುವ ಶ್ರೀ ಚಾಮುಂಡೇಶ್ವರಿ ದೇವಸ್ತಾನದ ಬಳಿ ಇರುವ ಬಾರ್ ಬಳಿ ಯುವಕರು ಕಂಠಪೂರ್ತಿ ಕುಡಿದಿದ್ದು, ಈ ವೇಳೆ ಮತ್ತೊಂದು ಗುಂಪಿನ ಜೊತೆ ಮಾತಿಗೆ ಮಾತು ನಡೆದು ನಂತರ ಕೈಕೈ ಮಿಲಾಯಿಸುವಷ್ಟು ಬೆಳೆದಿದೆ. ಈ ವೇಳೆ ನಡೆಸಿದ ಮಾರಣಾಂತಿಕ ಹಲ್ಲೆಯಲ್ಲಿ ಪುನೀತ್ (23) ಎಂಬಾತ ಸ್ಥಳದಲ್ಲೇ ಸಾವನ್ನಪ್ಪಿದರೆ ಮತ್ತೋರ್ವ ಯುವಕ ಚಂದನ್ ತೀವ್ರ ಗಾಯಗಳೊಂದಿಗೆ ಆಸ್ಪತ್ರೆಗೆ ದಾಖಲಾಗಿದ್ದಾನೆ ಎನ್ನಲಾಗಿದೆ.

ಹಲ್ಲೆಗೆ ನಿಖರ ಕಾರಣ ತಿಳಿದು ಬಂದಿರುವುದಿಲ್ಲ. ಬಡಾವಣೆ ಪೊಲೀಸರು ಪ್ರಕರಣ ದಾಖಲಿಸಿ ಮುಂದಿನ ತನಿಖೆ ಕೈಗೊಂಡಿದ್ದಾರೆ.