ಉಸಿರಾಡಲು ಸಾಧ್ಯವಾಗದೆ ತಾಯಿಯ ಎದುರಲ್ಲೇ ಕೊನೆಯುಸಿರೆಳೆದ ಯುವಕ

ತೆಲಂಗಾಣ: ಉಸಿರಾಡಲು ಸಾಧ್ಯವಾಗದೆ ಯುವಕನೊಬ್ಬ ತಾಯಿಯ ಮುಂದೆಯೇ ಕೊನೆಯುಸಿರೆಳೆದ ಘಟನೆ ತೆಲಂಗಾಣದಲ್ಲಿ ನಡೆದಿದ್ದು, ಭಾರೀ ಆಕ್ರೋಶ ಸೃಷ್ಟಿಸಿದೆ. ಇಲ್ಲಿನ ನಲ್ಗೊಂಡಾ ಜಿಲ್ಲೆಯಲ್ಲಿ ಈ ಘಟನೆ ನಡೆದಿದೆ.

ಯುವಕನಿಗೆ ವೈದ್ಯರು ಸರಿಯಾದ ಚಿಕಿತ್ಸೆ ನೀಡಿಲ್ಲ ಮತ್ತು ಆಕ್ಸಿಜನ್ ವ್ಯವಸ್ಥೆ ಇರಲಿಲ್ಲ ಎಂದು ಯುವಕನ ಕುಟುಂಬಸ್ಥರು ಆರೋಪಿಸಿದ್ದಾರೆ.

ನಲ್ಗೊಂಡಾ ಜಿಲ್ಲೆಯ ಮದುಗುಳಪಳ್ಳಿ ಗ್ರಾಮದವನಾದ ಯುವಕನಿಗೆ ಕೊರೋನ ಸೋಂಕಿನ ಲಕ್ಷಣಗಳು ಕಾಣಿಸಿಕೊಂಡ ನಂತರ ಆತನನ್ನು ಶನಿವಾರ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆತನ ಸ್ಯಾಂಪಲ್ ಪಡೆದುಕೊಂಡ ನಂತರ ಹಾಸಿಗೆಯನ್ನು ನೀಡಲಾಗಿತ್ತು. ಆದರೆ ಹಲವು ಗಂಟೆಗಳ ಕಾಲ ಯಾವ ವೈದ್ಯರೂ ಆತನನ್ನು ಪರೀಕ್ಷಿಸಲಿಲ್ಲ ಎಂದು ಕುಟುಂಬಸ್ಥರು ಆರೋಪಿಸಿದ್ದಾರೆ.

ಯುವಕ ಆಸ್ಪತ್ರೆಯ ಬೆಡ್ ನಲ್ಲಿ ಚಲನೆಯಿಲ್ಲದೆ ಮಲಗಿರುವುದು ಮತ್ತು ಆತನ ತಾಯಿ ಆತನನ್ನು ಎಬ್ಬಿಸಲು, ಆಕ್ಸಿಜನ್ ನೀಡಲು ಪ್ರಯತ್ನಿಸುತ್ತಿರುವ ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

PAINFUL! While we are looking at numbers in the health bulletin &thinking all is fine, this happened at Nalgonda #COVID19 hospital in #Telangana today. Here is a mother desperately trying to help her son breathe.The mother’s agony &love couldn’t save her son #TelanganaCovidTruth pic.twitter.com/gZ6PMEa4ov

— Revathi (@revathitweets) July 18, 2020