ಎನ್-95 ಮಾಸ್ಕ್ ಬಳಕೆಯ ವಿರುದ್ಧ ರಾಜ್ಯಗಳಿಗೆ ಎಚ್ಚರಿಕೆ ನೀಡಿದ ಕೇಂದ್ರ ಸರಕಾರ

ಹೊಸದಿಲ್ಲಿ, ಜು.21: ಜನತೆ ಎನ್-95 ಮಾಸ್ಕ್ಗಳನ್ನು ಬಳಸುವುದರ ವಿರುದ್ಧ ಎಲ್ಲ ರಾಜ್ಯಗಳು ಹಾಗೂ ಕೇಂದ್ರಾಡಳಿತ ಪ್ರದೇಶಗಳಿಗೆ ಕೇಂದ್ರ ಸರಕಾರವು ಎಚ್ಚರಿಕೆಯ ಪತ್ರವನ್ನು ಬರೆದಿದೆ. ಇಂತಹ ಮಾಸ್ಕ್ಗಳು ವೈರಸ್ ಹರಡುವುದನ್ನು ತಡೆಯುವುದಿಲ್ಲ ಹಾಗೂ ವೈರಸ್ ನಿಯಂತ್ರಣಕ್ಕೆ ಕೈಗೊಂಡ ಕ್ರಮಗಳಿಗೆ 'ಹಾನಿಕಾರಕ' ಎಂದು ಹೇಳಿದೆ.
ಆರೋಗ್ಯ ಸಚಿವಾಲಯದ ಆರೋಗ್ಯ ಸೇವೆಗಳ ಮಹಾ ನಿರ್ದೇಶಕರು ರಾಜ್ಯಗಳ ಆರೋಗ್ಯ ಹಾಗೂ ವೈದ್ಯಕೀಯ ಶಿಕ್ಷಣದ ಪ್ರಧಾನ ಕಾರ್ಯದರ್ಶಿಗಳಿಗೆ ಬರೆದಿರುವ ಪತ್ರದಲ್ಲಿ,ಎನ್-95 ಮಾಸ್ಕ್ಗಳ ಅನುಚಿತ ಬಳಕೆ ಇದೆ ಎಂದು ಗಮನಿಸಲಾಗಿದೆ. ಗೊತ್ತುಪಡಿಸಿದ ಆರೋಗ್ಯ ಕಾರ್ಯಕರ್ತರನ್ನು ಹೊರತುಪಡಿಸಿ ಸಾರ್ವಜನಿಕರು ಎನ್-95 ಬಳಕೆ ಮಾಡಬಾರದು. ಮನೆಯಲ್ಲೇ ಮಾಡಿರುವ ಮಾಸ್ಕ್ಗಳನ್ನು ಬಳಸಬೇಕೆಂಬ ಕುರಿತು ಆರೋಗ್ಯ ಸಚಿವಾಲಯದ ವೆಬ್‍ಸೈಟ್‍ನಲ್ಲಿ ನೀಡಿರುವ ಸಲಹೆಯನ್ನು ಆರೋಗ್ಯ ಸಚಿವಾಲಯದ ಆರೋಗ್ಯ ಸೇವೆಗಳ ಮಹಾ ನಿರ್ದೇಶಕರು  ಉಲ್ಲೇಖಿಸಿದ್ದಾರೆ.