ಲಂಕಾ ಪ್ರೀಮಿಯರ್ ಲೀಗ್ನಲ್ಲಿ ಆಡಲು ಪಠಾಣ್ ಆಸಕ್ತಿ
ಹೊಸದಿಲ್ಲಿ: ಉದ್ಘಾಟನಾ ಲಂಕಾ ಪ್ರೀಮಿಯರ್ ಲೀಗ್ನಲ್ಲಿ (ಎಲ್ಪಿಎಲ್) ಆಡಲು ಭಾರತ ಕ್ರಿಕೆಟ್ ತಂಡದ ಮಾಜಿ ಆಲ್ರೌಂಡರ್ ಇರ್ಫಾನ್ ಪಠಾಣ್ ಆಸಕ್ತಿ ವಹಿಸಿದ್ದಾರೆ.
ಏಕೆಂದರೆ ಆಗಸ್ಟ್ 28ರಿಂದ ಪ್ರಾರಂಭ ವಾಗುವ ಈವೆಂಟ್ನಲ್ಲಿ ಸ್ಪರ್ಧಿಸಲು ಆಸಕ್ತಿ ವ್ಯಕ್ತಪಡಿಸಿದ 70 ವಿದೇಶಿ ಆಟಗಾರರಲ್ಲಿ ಪಠಾಣ್ ಸೇರಿದ್ದಾರೆ.
ಇಎಸ್ಪಿಎನ್ ಕ್ರಿಕ್ಇನ್ಫೊದಲ್ಲಿನ ವರದಿಯ ಪ್ರಕಾರ, ಈ ವರ್ಷದ ಜನವರಿಯಲ್ಲಿ ನಿವೃತ್ತಿ ಘೋಷಿಸಿದ ಪಠಾಣ್ ಅವರನ್ನು ಈಗ ಐದು ಫ್ರಾಂಚೈಸಿಗಳಲ್ಲಿ ಯಾವುದಾದರೂ ಒಂದು ಫ್ರಾಂಚೈಸಿ ಮರ್ಕ್ಯೂ ಪ್ಲೇಯರ್ ಆಗಿ ತನ್ನ ತೆಕ್ಕೆಗೆ ಸೇರಿಸುವ ಸಾಧ್ಯತೆ ಇದೆ.
ಫ್ರಾಂಚೈಸಿ ತಂಡದ ಮಾಲಕರು ಯಾರೆಂದು ಇನ್ನೂ ಅಂತಿಮಗೊಂಡಿಲ್ಲ ಮತ್ತು ಘೋಷಿಸಲ್ಪಟ್ಟಿಲ್ಲ. ಎಸ್ಎಲ್ಸಿ ಫ್ರಾಂಚೈಸಿ ಮಾಲಕರನ್ನು ನಿರ್ಧರಿಸಿದರೂ ಸಹ ಕೆಲವು ಸರಕಾರಿ ಅನುಮತಿಗಳ ಬಗ್ಗೆ ಕಾಯುತ್ತಿದೆ. ಐದು ಫ್ರಾಂಚೈಸಿಗಳು ಕೊಲಂಬೊ, ಕ್ಯಾಂಡಿ,ಗ್ಯಾಲೆ, ಡಂಬುಲ್ಲಾ ಮತ್ತು ಜಾಫ್ನಾವನ್ನು ಪ್ರತಿನಿಧಿಸುತ್ತವೆ.
ಸಕ್ರಿಯ ಭಾರತೀಯ ಆಟಗಾರರಿಗೆ ಸಾಗರೋತ್ತರ ಟ್ವೆಂಟಿ-20ಲೀಗ್ಗಳಲ್ಲಿ ಭಾಗವಹಿಸಲು ಬಿಸಿಸಿಐ ಅವಕಾಶ ನೀಡುವುದಿಲ್ಲ. ಆದರೆ ಪಠಾಣ್ ಅವರು ಈಗಾಗಲೇ ನಿವೃತ್ತರಾಗಿರುವುದರಿಂದ ಅವರನ್ನು ತೆರವುಗೊಳಿಸಲಾಗಿದೆ ಎಂದು ನಂಬಲಾಗಿದೆ ಎಂದು ವರದಿ ತಿಳಿಸಿದೆ.
23 ಪಂದ್ಯಗಳ ಲೀಗ್ ಆರ್. ಪ್ರೇಮದಾಸ ಅಂತರ್ರಾಷ್ಟ್ರೀಯ ಕ್ರಿಕೆಟ್ ಕ್ರೀಡಾಂಗಣ, ರಂಗಿರಿ ದಂಬುಲು ಅಂತರ್ರಾಷ್ಟ್ರೀಯ ಕ್ರಿಕೆಟ್ ಕ್ರೀಡಾಂಗಣ, ಪಲ್ಲಕೆಲೆ ಅಂತರ್ರಾಷ್ಟ್ರೀಯ ಕ್ರಿಕೆಟ್ ಕ್ರೀಡಾಂಗಣ ಮತ್ತು ಸೂರ್ಯವೇವಾ ಮಹಿಂದಾ ರಾಜಪಕ್ಸೆ ಅಂತರ್ರಾಷ್ಟ್ರೀಯ ಕ್ರಿಕೆಟ್ ಕ್ರೀಡಾಂಗಣದ ನಾಲ್ಕು ಅಂತರ್ರಾಷ್ಟ್ರೀಯ ಸ್ಥಳಗಳಲ್ಲಿ ನಡೆಯಲಿದೆ ಎಂದು ಎಸ್ಎಲ್ಸಿ ಪ್ರಕಟನೆಯಲ್ಲಿ ತಿಳಿಸಿದೆ.
ಕೊಲಂಬೊ, ಕ್ಯಾಂಡಿ, ಗ್ಯಾಲೆ, ಡಂಬುಲ್ಲಾ ಮತ್ತು ಜಾಫ್ನಾ ನಗರಗಳ ಹೆಸರಿನ ಐದು ತಂಡಗಳು ಲೀಗ್ನಲ್ಲಿ ಭಾಗವಹಿಸಲಿವೆ.
ವಿಶ್ವಕಪ್ ವಿಜೇತ ಭಾರತದ ಮಾಜಿ ಆಲ್ರೌಂಡರ್ ಯುವರಾಜ್ ಸಿಂಗ್ ಕಳೆದ ವರ್ಷ ಅಬುಧಾಬಿಯಲ್ಲಿ ನಡೆದ ಟ್ವೆಂಟಿ -19 ಲೀಗ್ನಲ್ಲಿ ಮರಾಠಾ ಅರೇಬಿಯನ್ಸ್ನ್ನು ಪ್ರತಿನಿಧಿಸಿದ್ದರು.
