ಬೆಂಗಳೂರಿನಲ್ಲಿಂದು 3426 ಮಂದಿಗೆ ಕೊರೋನ ಪಾಸಿಟಿವ್; 6,116 ಮಂದಿ ಗುಣಮುಖ
![ಬೆಂಗಳೂರಿನಲ್ಲಿಂದು 3426 ಮಂದಿಗೆ ಕೊರೋನ ಪಾಸಿಟಿವ್; 6,116 ಮಂದಿ ಗುಣಮುಖ ಬೆಂಗಳೂರಿನಲ್ಲಿಂದು 3426 ಮಂದಿಗೆ ಕೊರೋನ ಪಾಸಿಟಿವ್; 6,116 ಮಂದಿ ಗುಣಮುಖ](/images/placeholder.jpg)
ಬೆಂಗಳೂರು, ಸೆ.11: ಸಿಲಿಕಾನ್ ಸಿಟಿಯಲ್ಲಿ ಶುಕ್ರವಾರದಂದು ದಾಖಲೆ ಸಂಖ್ಯೆಯಲ್ಲಿ ಕೊರೋನ ಸೋಂಕಿತರು ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದು, 3426 ಹೊಸ ಪ್ರಕರಣಗಳು ವರದಿಯಾಗಿವೆ.
ಶುಕ್ರವಾರ ನಗರದ ವಿವಿಧ ಆಸ್ಪತ್ರೆಗಳಿಂದ 6116 ಜನರು ಕೊರೋನ ಸೋಂಕಿನಿಂದ ಗುಣಮುಖರಾಗಿ ಬಿಡುಗಡೆಯಾಗಿದ್ದು, ಒಟ್ಟಾರೆ ಬಿಡುಗಡೆಯಾದವರ ಸಂಖ್ಯೆ 1,20,324 ಕ್ಕೆ ಏರಿಕೆಯಾಗಿದೆ. ಇಂದು 3426 ಹೊಸ ಪ್ರಕರಣಗಳು ವರದಿಯಾಗುವ ಮೂಲಕ ಸೋಂಕಿತರ ಸಂಖ್ಯೆ 1,63,631 ಕ್ಕೆ ಏರಿಕೆಯಾಗಿದೆ.
ನಗರದಲ್ಲಿ ಇನ್ನೂ 40,936 ಸಕ್ರಿಯ ಪ್ರಕರಣಗಳಿವೆ. ಶುಕ್ರವಾರ ರಾಜಧಾನಿಯಲ್ಲಿ ಕೊರೋನಗೆ 30 ಮಂದಿ ಬಲಿಯಾಗಿದ್ದು, ಇದುವರೆಗೂ ಮೃತಪಟ್ಟವರ ಸಂಖ್ಯೆ 2,370 ಕ್ಕೆ ಏರಿಕೆಯಾಗಿದೆ ಎಂದು ಬಿಬಿಎಂಪಿ ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ.
ಬಿಬಿಎಂಪಿ ಕೋವಿಡ್ ವರದಿಯಲ್ಲಿ ನಗರದಲ್ಲಿ ಒಟ್ಟು ಸಕ್ರಿಯ 15,537 ಕಂಟೈನ್ಮೆಂಟ್ ಝೋನ್ಗಳಿವೆ. ಇದುವರೆಗೂ 18,299 ಕಂಟೈನ್ಮೆಂಟ್ ಝೋನ್ಗಳನ್ನು ಗುರುತಿಸಲಾಗಿದೆ. ಬಿಬಿಎಂಪಿ ವ್ಯಾಪ್ತಿಯಲ್ಲಿರುವ 150 ಜ್ವರ ಚಿಕಿತ್ಸಾಲಯದಲ್ಲಿ ಶುಕ್ರವಾರ 3,133 ವ್ಯಕ್ತಿಗಳನ್ನು ಹಾಗೂ ಇದುವರೆಗೂ 21,22,102 ವ್ಯಕ್ತಿಗಳನ್ನು ತಪಾಸಣೆಗೊಳಪಡಿಸಲಾಗಿದೆ.