ಮಹಿಳೆಯ ಚಿನ್ನದ ಸರ ಅಪಹರಣ

ಉಡುಪಿ, ಅ.11: ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಯ ಕುತ್ತಿಗೆಯಲ್ಲಿದ್ದ ಚಿನ್ನದ ಸರವನ್ನು ಅಪರಿಚಿತ ವ್ಯಕ್ತಿಯೊಬ್ಬ ಅಪಹರಿಸಿ ಪರಾರಿ ಯಾಗಿರುವ ಘಟನೆ ಅ.10ರಂದು ಸಂಜೆ 5.30ರ ಸುಮಾರಿಗೆ ಬುಡ್ನಾರು ಎಂಬಲ್ಲಿ ನಡೆದಿದೆ.

ಬುಡ್ನಾರು ನಿವಾಸಿ ಬೋಗ್ರ ಪೂಜಾರಿ ಎಂಬವರ ಮಗಳು ಸುಜಾತ ಎಂಬವರು ಎಂಜಿಎಂ ಕಾಲೇಜು ಸಮೀಪದ ಸಂಗಮ್ ಪ್ಯಾಕೇಜ್ನಲ್ಲಿ ಕೆಲಸ ಮುಗಿಸಿ ಮನೆಗೆ ನಡೆದುಕೊಂಡು ಹೋಗುತ್ತಿದ್ದಾಗ ಹಿಂದಿನಿಂದ ಬಂದ ಅಪರಿಚಿತ ವ್ಯಕ್ತಿಯು ಕುತ್ತಿಗೆಯಲ್ಲಿದ್ದ ಚಿನ್ನದ ಸರ ಎಳೆದು ನಿಲ್ಲಿಸಿದ್ದ ಸ್ಕೂಟರ್ ನಲ್ಲಿ ಪರಾರಿಯಾಗಿದ್ದಾನೆ. ಕಳವಾದ 16 ಗ್ರಾಂ ತೂಕದ ಸರದ ಮೌಲ್ಯ 55 ಸಾವಿರ ರೂ. ಎಂದು ಅಂದಾಜಿಸಲಾಗಿದೆ. ಈ ಬಗ್ಗೆ ಉಡುಪಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.