ಕೊಂಕಣ ರೈಲು ಮಾರ್ಗದಲ್ಲಿ ಜಬಲ್ಪುರ-ಕೊಯಮತ್ತೂರು ರೈಲು

ಉಡುಪಿ, ಅ.22: ಪಶ್ಚಿಮ ಮಧ್ಯ ರೈಲ್ವೆಯ ಸಹಯೋಗದೊಂದಿಗೆ ಕೊಂಕಣ ರೈಲು ಮಾರ್ಗದಲ್ಲಿ ಜಬಲ್ಪುರ ಜಂಕ್ಷನ್-ಕೊಯಮತ್ತೂರು- ಜಬಲ್ಪುರ ಜಂಕ್ಷನ್ ನಡುವೆ ಹಬ್ಬದ ವಿಶೇಷ ಸಾಪ್ತಾಹಿಕ ಸೂಪರ್‌ಫಾಸ್ಟ್ ರೈಲನ್ನು ಓಡಿಸ ಲಾಗುವುದು ಎಂದು ಕೊಂಕಣ ರೈಲ್ವೆ ನಿಗಮದ ಪ್ರಕಟಣೆ ತಿಳಿಸಿದೆ.

ಈ ರೈಲು ಅ.31ರವರೆಗೆ ಮಾನ್ಸೂನ್ ವೇಳಾಪಟ್ಟಿಯಂತೆ ಹಾಗೂ ನ.1ರಿಂದ ಸಾಮಾನ್ಯ ವೇಳಾಪಟ್ಟಿಯಂತೆ ಓಡಲಿದೆ. ಈ ರೈಲಿಗೆ ನರಸಿಂಗಪುರ, ಗದರ್ವಾರ್, ಪಿಪಾರಿಯಾ, ಹಾರ್ದಾ, ಖಾಂಡ್ವಾ, ನಾಸಿಕ್ ರೋಡ್, ಪನ್ವೇಲ್, ರೋಹಾ, ಖೇಡ್, ಚಿಪ್ಳುಣ್, ರತ್ನಗಿರಿ, ಕನಕವಲ್ಲಿ, ಕುಡಾಲ್, ತಿವಿಂ, ಮಡಗಾಂವ್, ಕಾರವಾರ, ಕುಮಟ, ಮೂಕಾಂಬಿಕಾ ಕೋಡ್ ಬೈಂದೂರು, ಕುಂದಾಪುರ, ಉಡುಪಿ, ಮುಲ್ಕಿ, ಮಂಗಳೂರು ಜಂಕ್ಷನ್, ಕಾಸರಗೋಡು, ಕಾಂಞಗಾಡ್, ಪಯ್ಯನೂರು, ಕಣ್ಣೂರು, ತೆಲ್ಲಿಚೇರಿ, ವಡಾಕರ, ಕೋಝಿಕೋಡ್, ತಿರೂರು, ಶೋರಾನೂರ್ ಜಂಕ್ಷನ್ ಹಾಗೂ ಪಾಲ್ಘಾಟ್ ನಿಲ್ದಾಣಗಳಲ್ಲಿ ನಿಲುಗಡೆ ಇರುತ್ತದೆ. ರೈಲು ನಂ.02198 ಜಬಲ್ಪುರ ಜಂಕ್ಷನ್- ಕೊಯಮತ್ತೂರು ಜಂಕ್ಷನ್ ಸಾಪ್ತಾಹಿಕ ಸೂಪರ್‌ಫಾಸ್ಟ್ ಹಬ್ಬದ ವಿಶೇಷ ರೈಲು ಅ.24ರಿಂದ 31ರವರೆಗೆ ಶನಿವಾರ ಬೆಳಗ್ಗೆ 11ಗಂಟೆಗೆ ಜಬಲ್ಪುರದಿಂದ ಹೊರಡಲಿದ್ದು, ಮೂರನೇ ದಿನ ಬೆಳಗಿನ ಜಾವ 4:40ಕ್ಕೆ ಕೊಯಮತ್ತೂರನ್ನು ತಲುಪಲಿದೆ.ನ.7ರಿಂದ 28ರವರೆಗೆ ಶನಿವಾರ 11ಕ್ಕೆ ಜಬಲ್ಪುರದಿಂದ ನಿರ್ಗಮಿಸಲಿದ್ದು, ಮೂರನೇ ರಾತ್ರಿ 2:50ಕ್ಕೆ ಕೊಯಮತ್ತೂರು ತಲುಪಲಿದೆ.ಅದೇ ರೀತಿ ರೈಲು ನಂ.02197 ಕೊಯಮತ್ತೂರು ಜಂಕ್ಷನ್-ಜಬಲ್ಪಬುರ ಜಂಕ್ಷನ್ ರೈಲು ಅ.26ರಿಂದ 31ರವರೆಗೆ ಸೋಮವಾರ ಅಪರಾಹ್ನ 3:30ಕ್ಕೆ ಕೊಯಮತ್ತೂರಿನಿಂದ ಹೊರಡಲಿದ್ದು, ಮೂರನೇ ದಿನ ಬೆಳಗ್ಗೆ 8:00ಕ್ಕೆ ಜಬಲ್ಪುರ ತಲುಪಲಿದೆ. ಹಾಗೆಯೆ ನ.2ರಿಂದ 30ರವರೆಗೆ ಪ್ರತಿ ಸೋಮವಾರ ಸಂಜೆ 6:00ಕ್ಕೆ ಕೊಯಮತ್ತೂರಿನಿಂದ ಹೊರಟು ಮೂರನೇ ದಿನದ ಬೆಳಗ್ಗೆ 8 ಕ್ಕೆ ಜಬಲ್ಪುರ ತಲುಪಲಿದೆ.ಸೀಟು ಮೊದಲೇ ಕಾದಿರಿಸಿದವರಿಗೆ ಮಾತ್ರ ಇದರಲ್ಲಿ ಪ್ರಯಾಣಿಸಲು ಅವಕಾಶವಿದೆ. ರೈಲು ಒಟ್ಟು 17 ಕೋಚ್‌ಗಳನ್ನು ಹೊಂದಿದೆ. ಇವುಗಳಲ್ಲಿ ಒಂದು ಟೂಟಯರ್ ಎಸಿ ಕೋಚ್, 5 3ಟಯರ್ ಎಸಿ ಕೋಚ್, 9 ಸ್ಲೀಪರ್ ಕೋಚ್ ಹಾಗೂ 2 ಎಸ್‌ಎಲ್‌ಆರ್ ಕೋಚ್ ಇರಲಿದೆ ಎಂದು ಕೊಂಕಣ ರೈಲ್ವೆ ಪ್ರಕಟಣೆ ತಿಳಿಸಿದೆ.