ಯುಎಇ: ತುಂಬೆ ಗ್ರೂಪ್ಗೆ 23ರ ಸಂಭ್ರಮ
ದುಬೈ, ಅ.27: ಡಾ.ತುಂಬೆ ಮೊಯ್ದಿನ್ ಸ್ಥಾಪಕಾಧ್ಯಕ್ಷರಾಗಿರುವ ತುಂಬೆ ಗ್ರೂಪ್ಗೆ 23 ವರ್ಷಗಳ ಸಂಭ್ರಮ. 1998ರಲ್ಲಿ ಡಾ.ತುಂಬೆ ಮೊಯ್ದಿನ್ ಸ್ಥಾಪಿಸಿದ ತುಂಬೆ ಗ್ರೂಪ್ ಕೇವಲ 23 ವರ್ಷಗಳಲ್ಲಿ ಜಾಗತಿಕವಾಗಿ ತನ್ನದೇ ಆದ ಸ್ಥಾನವನ್ನು ಸೃಷ್ಟಿಸಿಕೊಂಡಿದೆ ಎಂದು ಸಂಸ್ಥೆಯ ಪ್ರಕಟನೆ ತಿಳಿಸಿದೆ.
ವೈದ್ಯಕೀಯ ಶಿಕ್ಷಣ, ಆರೋಗ್ಯ ರಕ್ಷಣೆ ಮತ್ತು ಸಂಶೋಧನಾ ಕ್ಷೇತ್ರದ ಅಭಿವೃದ್ಧಿಯಲ್ಲಿ ತನ್ನದೇ ಕೊಡುಗೆಗಳನ್ನು ನೀಡುತ್ತಿರುವ ಯುಎಇಯ ಅಜ್ಮಾನ್ನಲ್ಲಿರುವ ತುಂಬೆ ಮೆಡಿಸಿಟಿ ಪ್ರಮುಖ ಪಾತ್ರವನ್ನು ಹೊಂದಿದೆ. ಈ ಸಂದರ್ಭದಲ್ಲಿ ಈ ಎಲ್ಲ ವರ್ಷಗಳ ಸಾಧನೆಯತ್ತ ಹಿನ್ನೋಟ ಬೀರಿರುವ ಡಾ.ತುಂಬೆ ಮೊಯ್ದಿನ್ ಭವಿಷ್ಯದಲ್ಲಿ ಇನ್ನಷ್ಟು ಗುರಿಗಳನ್ನು ಸಾಧಿಸುವ ದೃಢ ಸಂಕಲ್ಪ ಹೊಂದಿರುವುದಾಗಿ ತಿಳಿಸಿದ್ದಾರೆ.
‘ಹೊಸ ಉಪಕ್ರಮಗಳನ್ನು ಕೈಗೊಳ್ಳುವ ತುಂಬೆ ಗ್ರೂಪ್ ಉತ್ಸಾಹವು ಸದಾ ಯುಎಇಯ ನಾಯಕತ್ವದ ವ್ಯೂಹಾತ್ಮಕ ಮುನ್ನೋಟದೊಂದಿಗೆ ಮೇಳೈಸಿರುವುದು ನಮ್ಮ ಯಶಸ್ಸಿಗೆ ಕಾರಣ ಎಂದವರು ಹೇಳಿದ್ದಾರೆ.
ತುಂಬೆ ಗ್ರೂಪ್ನ ವಿಶಿಷ್ಟ ಸಾಧನೆ ಮತ್ತು ಯುಎಇಯ ಕಾರ್ಪೊರೇಟ್ ಕ್ಷೇತ್ರದಲ್ಲಿ ಅದರ ಪ್ರತಿಷ್ಠೆ ಮಹತ್ತರ ಸಾಧನೆಯನ್ನು ಬೊಟ್ಟು ಮಾಡುತ್ತಿವೆ. ಮೊದಲ ಖಾಸಗಿ ಮೆಡಿಕಲ್ ವಿವಿ, ಮೊದಲ ಖಾಸಗಿ ಶೈಕ್ಷಣಿಕ ಆಸ್ಪತ್ರೆ, ಮೊದಲ ಮತ್ತು ಏಕೈಕ ಶೈಕ್ಷಣಿಕ ಆರೋಗ್ಯ ವ್ಯವಸ್ಥೆ ಹೀಗೆ ಪ್ರದೇಶದ ಖಾಸಗಿ ಕ್ಷೇತ್ರದಲ್ಲಿ ಹಲವು ಪ್ರಥಮಗಳ ಹೆಗ್ಗಳಿಕೆಯನ್ನು ತುಂಬೆ ಗ್ರೂಪ್ ಹೊಂದಿದೆ ಎಂದವರು ತಿಳಿಸಿದ್ದಾರೆ.
ಬೋಧನೆ ಮತ್ತು ತರಬೇತಿ, ವೈದ್ಯಕೀಯ ಸೇವೆ, ಸಂಶೋಧನೆ/ಹೊಸತನಗಳಲ್ಲಿ ಅತ್ಯಾಧುನಿಕ ತಂತ್ರಜ್ಞಾನ ಮತ್ತು ಜಾಗತಿಕ ನೈಪುಣ್ಯತೆಯ ಮೇಳೈಸುವಿಕೆಯೊಂದಿಗೆ ತುಂಬೆ ಮೆಡಿಸಿಟಿ ಭವಿಷ್ಯದ ಶಿಕ್ಷಣ, ಆರೋಗ್ಯ ರಕ್ಷಣೆ ಮತ್ತು ಸಂಶೋಧನೆಯತ್ತ ಅತ್ಯುತ್ತಮ ವಿದ್ಯಾರ್ಥಿಗಳು ಮತ್ತು ವೃತ್ತಿಪರ ಪ್ರತಿಭೆಗಳನ್ನು ಆಕರ್ಷಿಸುತ್ತಿದೆ. 86ಕ್ಕೂ ಹೆಚ್ಚಿನ ದೇಶಗಳ ವಿದ್ಯಾರ್ಥಿಗಳು ಗಲ್ಫ್ ಮೆಡಿಕಲ್ ವಿವಿ (ಜಿಎಂಯು)ಯಲ್ಲಿ ವ್ಯಾಸಂಗ ಮಾಡುತ್ತಿದ್ದು, 30ಕ್ಕೂ ಹೆಚ್ಚಿನ ದೇಶಗಳ ಬೋಧಕರು ಮತ್ತು ಸಿಬ್ಬಂದಿ ಸೇವೆ ಸಲ್ಲಿಸುತ್ತಿದ್ದಾರೆ. ಆರು ಕಾಲೇಜುಗಳು, ಮಾನ್ಯತೆ ಹೊಂದಿರುವ 26 ಕೋರ್ಸ್ಗಳು, 2,000ಕ್ಕೂ ಅಧಿಕ ಪೂರ್ಣಕಾಲಿಕ ವಿದ್ಯಾರ್ಥಿಗಳು ಮತ್ತು ಸುಮಾರು 2,000 ಅರೆಕಾಲಿಕ ವಿದ್ಯಾರ್ಥಿಗಳೊಂದಿಗೆ ಇದು ಪ್ರದೇಶದಲ್ಲೇ ಅತ್ಯಂತ ದೊಡ್ಡ ಖಾಸಗಿ ಮೆಡಿಕಲ್ ವಿವಿ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಜಿಎಂಯು ವಿಶ್ವಾದ್ಯಂತ ಸುಮಾರು 70 ಪ್ರತಿಷ್ಠಿತ ವಿವಿಗಳು ಮತ್ತು ಸಂಶೋಧನಾ ಸಂಸ್ಥೆಗಳೊಂದಿಗೆ ಸಹಭಾಗಿತ್ವವನ್ನು ಹೊಂದಿದೆ ಎಂದು ತುಂಬೆ ಗ್ರೂಪ್ ಪ್ರಕಟನೆ ತಿಳಿಸಿದೆ.
ಪ್ರದೇಶದಲ್ಲಿ ಅತ್ಯಂತ ದೊಡ್ಡ ಖಾಸಗಿ ಶೈಕ್ಷಣಿಕ ಆಸ್ಪತ್ರೆಗಳ ಸರಣಿ ಎಂದು ಹೆಸರಾಗಿರುವ ತುಂಬೆ ಹಾಸ್ಪಿಟಲ್ ನೆಟ್ವರ್ಕ್ 175ಕ್ಕೂ ಹೆಚ್ಚಿನ ರಾಷ್ಟ್ರಗಳ ರೋಗಿಗಳಿಗೆ ಚಿಕಿತ್ಸೆಯನ್ನು ನೀಡುತ್ತಿದೆ. ತುಂಬೆ ಗ್ರೂಪ್ನ ಆರೋಗ್ಯ ರಕ್ಷಣೆ ವಿಭಾಗವು ಎಂಟು ಶೈಕ್ಷಣಿಕ ಆಸ್ಪತ್ರೆಗಳು, 10 ಫ್ಯಾಮಿಲಿ ಕ್ಲಿನಿಕ್ಗಳು, ಐದು ಡಯಾಗ್ನಸ್ಟಿಕ್ ಲ್ಯಾಬ್ಗಳು ಮತ್ತು 46 ಚಿಲ್ಲರೆ ಮಾರಾಟದ ಔಷಧಿ ಮಳಿಗೆಗಳನ್ನು ಹೊಂದಿದೆ. ದೇಶದ ಸುಮಾರು ಶೇ.20ರಷ್ಟು ವೈದ್ಯರು ಮತ್ತು ಸುಮಾರು ಶೇ.60ರಷ್ಟು ಆರೋಗ್ಯ ರಕ್ಷಣೆ ಸಿಬ್ಬಂದಿ ಗಲ್ಫ್ ಮೆಡಿಸಿಟಿಯಲ್ಲಿ ತರಬೇತಾಗುತ್ತಿದ್ದಾರೆ. ತುಂಬೆ ಗ್ರೂಪ್ 400 ವೈದ್ಯರು ಸೇರಿದಂತೆ 3,500ಕ್ಕೂ ಅಧಿಕ ಸಿಬ್ಬಂದಿಯನ್ನು ಹೊಂದಿದೆ ಎಂದು ಪ್ರಕಟನೆ ತಿಳಿಸಿದೆ.
