ರಾಜ್ಯದಲ್ಲಿ 1,185 ಹೊಸ ಕೋವಿಡ್ ಪ್ರಕರಣಗಳು ದೃಢ: 11 ಮಂದಿ ಸೋಂಕಿಗೆ ಬಲಿ

ಬೆಂಗಳೂರು, ಡಿ.15: ರಾಜ್ಯಾದ್ಯಂತ ಕೋವಿಡ್‍ನ ಸಂಖ್ಯೆ ಇಳಿಕೆಗೊಂಡಿದ್ದು, ಮಂಗಳವಾರ 11 ಜನರು ಸೋಂಕಿಗೆ ಬಲಿಯಾಗಿದ್ದು, 1185 ಹೊಸ ಪ್ರಕರಣಗಳು ವರದಿಯಾಗಿವೆ.

ರಾಜ್ಯದಲ್ಲಿ 1,594 ಜನರು ಸೋಂಕಿನಿಂದ ಗುಣಮುಖರಾಗಿದ್ದು, ಇದುವರೆಗೂ 8,75,796 ಜನರು ವಿವಿಧ ಆಸ್ಪತ್ರೆಗಳಿಂದ ಸೋಂಕಿನಿಂದ ಗುಣಮುಖರಾಗಿದ್ದಾರೆ. ಇದುವರೆಗೂ 9,03,425 ಕೊರೋನ ಪ್ರಕರಣಗಳು ವರದಿಯಾಗಿದ್ದರೆ, ಅದರಲ್ಲಿ ಪ್ರಸ್ತುತ 15,645 ಸಕ್ರಿಯ ಪ್ರಕರಣಗಳಿವೆ. ಒಟ್ಟಾರೆ 11,965 ಜನರು ಸೋಂಕಿನಿಂದ ಮೃತಪಟ್ಟಿದ್ದಾರೆ ಎಂದು ಆರೋಗ್ಯ ಇಲಾಖೆಯು ತಿಳಿಸಿದೆ.

ಜಿಲ್ಲಾವಾರು ಸೋಂಕಿತರು: ಬಾಗಲಕೋಟೆ 6, ಬಳ್ಳಾರಿ 17, ಬೆಳಗಾವಿ 25, ಬೆಂಗಳೂರು ಗ್ರಾಮಾಂತರ 17, ಬೆಂಗಳೂರು ನಗರ 673, ಬೀದರ್ 11, ಚಾಮರಾಜನಗರ 8, ಚಿಕ್ಕಬಳ್ಳಾಪುರ 56, ಚಿಕ್ಕಮಗಳೂರು 18, ಚಿತ್ರದುರ್ಗ 10, ದಕ್ಷಿಣ ಕನ್ನಡ 38, ದಾವಣಗೆರೆ 7, ಧಾರವಾಡ 7, ಗದಗ 8, ಹಾಸನ 27, ಹಾವೇರಿ 9, ಕಲಬುರಗಿ 20, ಕೊಡಗು 7, ಕೋಲಾರ 26, ಕೊಪ್ಪಳ 20, ಮಂಡ್ಯ 19, ಮೈಸೂರು 35, ರಾಯಚೂರು 15, ರಾಮನಗರ 11, ಶಿವಮೊಗ್ಗ 11, ತುಮಕೂರು 44, ಉಡುಪಿ 6, ಉತ್ತರ ಕನ್ನಡ 16, ವಿಜಯಪುರ 17, ಯಾದಗಿರಿ 1 ಹೊಸ ಪ್ರಕರಣಗಳಿವೆ.

ಮೃತಪಟ್ಟವರ ವಿವರ: ಬೆಂಗಳೂರು ನಗರ 3, ಬೆಂಗಳೂರು ಗ್ರಾಮಾಂತರ 1, ಚಿಕ್ಕಬಳ್ಳಾಪುರ 1, ಚಿತ್ರದುರ್ಗ 1, ಹಾಸನ 1, ಹಾವೇರಿ 1, ಕೊಡಗು 1, ತುಮಕೂರು 1, ಉತ್ತರ ಕನ್ನಡ 1 ಹೊಸ ಮರಣ ಪ್ರಕರಣಗಳು ವರದಿಯಾಗಿವೆ.

ರಾಜ್ಯದಲ್ಲಿ ಮರಣದ ಪ್ರಮಾಣ ಶೇ.0.92 ಇದೆ. ಸೋಂಕಿನ ಖಚಿತ ಪ್ರಕರಣ ಸಂಖ್ಯೆಯ ಪ್ರಮಾಣ ಶೇ.1.32 ಇದೆ. ರಾಜ್ಯಾದ್ಯಂತ ವಿವಿಧ ಆಸ್ಪತ್ರೆಗಳಲ್ಲಿ 253 ಜನರು ತೀವ್ರ ನಿಗಾ ಘಟಕದಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ.