ಕಾಸರಗೋಡು : ಮಾ.17ರಿಂದ ಎಸೆಸೆಲ್ಸಿ, ಹೈಯರ್ ಸೆಕೆಂಡರಿ ಪರೀಕ್ಷೆ ಆರಂಭ

ಕಾಸರಗೋಡು : ಕೇರಳ ಎಸೆಸೆಲ್ಸಿ ಹಾಗೂ ಹೈಯರ್ ಸೆಕಂಡರಿ, ವೊಕೇಶನಲ್ ಹೈಯರ್ ಸೆಕಂಡರಿ ಪರೀಕ್ಷೆ ಮಾ.17ರಿಂದ ಆರಂಭಗೊಳ್ಳಲಿದೆ. ಕೋವಿಡ್ ಮಾನದಂಡದಂತೆ ಪರೀಕ್ಷೆ ನಡೆಯಲಿದ್ದು,  ಮಾ.30 ರ ತನಕ ನಡೆಯಲಿದೆ.

ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ರವರ ಅಧ್ಯಕ್ಷತೆಯಲ್ಲಿ  ಇಂದು ನಡೆದ ಕೇರಳ ಸಚಿವ ಸಂಪುಟ ಸಭೆ ಈ ತೀರ್ಮಾನ ತೆಗೆದುಕೊಂಡಿದೆ. ಪರೀಕ್ಷೆಯ ಪೂರ್ವ ತಯಾರಿಯನ್ನು ಶಿಕ್ಷಣ ಇಲಾಖೆ ಈಗಾಗಾಲೇ ಆರಂಭಿಸಿದೆ . ಪರೀಕ್ಷೆಯಂಗವಾಗಿ ಪ್ರಾಕ್ಟಿಕಲ್ ತರಗತಿಗಳು  ಜನವರಿ ಒಂದರಿಂದ  ಆರಂಭಗೊಳ್ಳಲಿದೆ. ಜೂನ್  ತಿಂಗಳಿನಿಂದ ನಡೆಯುತ್ತಿರುವ ಆನ್ ಲೈನ್  ತರಗತಿ ಗಳ ಮರು ಮೌಲ್ಯಮಾಪನ ಹಾಗೂ ಸಂಶಯ  ದೂರೀಕರಿಸುವ ನಿಟ್ಟಿನಲ್ಲಿ  ಶಾಲಾ ಮಟ್ಟದಲ್ಲಿ ವ್ಯವಸ್ಥೆ ಮಾಡಲಾಗಿದ್ದು ,  ಮಾದರಿ ಪರೀಕ್ಷೆ ಹಾಗೂ ಕೌನ್ಸಿಲಿಂಗ್  ಶಾಲಾ ಮಟ್ಟದಲ್ಲಿ ನಡೆಯಲಿದೆ ಎಂದು ಪ್ರಕಟನೆ ತಿಳಿಸಿದೆ.