ಅರಬಿಕ್ ಆಸ್ಟ್ರೋಲಜಿ ಪದವಿ ಪ್ರದಾನ ಸಮಾರಂಭ: ಐಕ್ಯೂಎ ರಾಜ್ಯ ಘಟಕ ರಚನೆ

ಬಿ.ಸಿ.ರೋಡ್ :  ಪ್ರತಿಷ್ಠಿತ ಇಬ್ನುಸೀನಾ ಮೆಡಿಕೇಷನ್ ಇನ್ಸ್ಟಿಟ್ಯೂಟ್ ಪಾಲಕ್ಕಾಡ್ ಅವರಿಂದ ,ಅರಬಿಕ್ ಆಸ್ಟ್ರೋಲಜಿ(ಇಸ್ಲಾಮಿಕ್ ಸ್ಪ್ರಿಚ್ಯುವಲ್ ಹೀಲಿಂಗ್) ವಿಶಾರದರಿಗೆ ಪದವಿ ಪ್ರದಾನ ಸಮಾರಂಭ ಮತ್ತು ರಾಜ್ಯ ಸಮಾವೇಶವು  ಪಾಣೆಮಂಗಳೂರಿನ ಎಸ್.ಎಸ್. ಆಡಿಟೋರಿಯಮಿನಲ್ಲಿ ಇತ್ತಿಚೆಗೆ ನಡೆಯಿತು.

ಸಯ್ಯಿದ್ ಹಬೀಬುಲ್ಲಾಹಿ ಪೂಕೋಯ ತಂಙಳ್ ಪೆರುವಾಯಿ ಅಧ್ಯಕ್ಷತೆಯಲ್ಲಿ ನಡೆದ ಸಮಾರಂಭವನ್ನು ಸಂಸ್ಥೆಯ ನಿರ್ದೇಶಕರಾದ ಡಾ. ಜಮಾಲುದ್ದೀನ್ ಮುಸ್ಲಿಯಾರ್ ಆಲುವ ಉದ್ಘಾಟಿಸಿದರು.

ಸಮಾರಂಭದಲ್ಲಿ 50 ಮಂದಿ ವಿಶಾರದರಿಗೆ ಪದವಿ ಪ್ರದಾನ ಮಾಡಲಾಯಿತು. ಪ್ರಸ್ತುತ ಕಾರ್ಯಕ್ರಮದಲ್ಲಿ ಸಂಸ್ಥೆಯ ಪದವೀಧರರ ಸಂಘಟನೆಯಾದ ಇಲಾಜುಲ್ ಖುರಾನ್ ಆಸೋಸಿಯೇಷನ್ ಓಫ್ ಇಂಡಿಯಾ ಇದರ ಕರ್ನಾಟಕ ರಾಜ್ಯ ಘಟಕವನ್ನು ರಚಿಸಲಾಯಿತು.

ನೂತನ ಅಧ್ಯಕ್ಷರಾಗಿ ಸಯ್ಯಿದ್ ಹಬೀಬುಲ್ಲಾಹಿ ಪೂಕೋಯ ತಙಳ್ ಪೆರುವಾಯಿ ಮತ್ತು ಪ್ರಧಾನ ಕಾರ್ಯದರ್ಶಿಯಾಗಿ ಮುಹಮ್ಮದ್ ಯಾಸಿರ್ ಫಾಝಿಲ್ ಪುತ್ತೂರು, ಉಪಾಧ್ಯಕ್ಷರುಗಳಾಗಿ ಅಸ್ಸಯ್ಯಿದ್ ಫಝಲ್ ಜಮಲುಲ್ಲೈಲಿ, ಅಸ್ಸಯ್ಯಿದ್ ಸಿ.ಟಿ.ಎಂ.ಸಲೀಂ ಅಸ್ಸಖಾಫ್, ಉಸ್ಮಾನ್ ಮದನಿ ಕೊಳಕೇರಿ, ಕಾರ್ಯದರ್ಶಿಗಳಾಗಿ ಹುಸೈನ್ ಸಖಾಫಿ ಎರುಮಾಡ್, ಆಬ್ದುಲ್ ಮಜೀದ್ ಅಝ್'ಹರಿ ಮೂಡಿಗೆರೆ, ಇಸ್'ಹಾಖ್ ಸಖಾಫಿ ನಂದಾವರ ಹಾಗೂ ಕೋಶಾಧಿಕಾರಿಗಳಾಗಿ ಸಯ್ಯಿದ್ ಹಾಮೀಂ ತಙಳ್ ಚಿಕ್ಕಮಗಳೂರು ಅವರನ್ನು ಆರಿಸಲಾಯಿತು.

ಕಾರ್ಯಕ್ರಮದಲ್ಲಿ ಮುಖ್ಯ ಅಥಿತಿಗಳಾಗಿ  ಐ.ಕ್ಯೂ.ಎ ಕೇರಳ ಘಟಕ ಅಧ್ಯಕ್ಷ ಸಯ್ಯಿದ್ ಫತ್'ಹುದ್ದೀನ್ ತಙ್ಙಳ್ ಲಕ್ಷದ್ವೀಪ್ ಭಾಗವಹಿಸಿದ್ದರು.  ಯಾಸಿರ್ ಫಾಝಿಲ್ ಸ್ವಾಗತಿಸಿ, ಉಸ್ಮಾನ್ ಮದನಿ ಕೊಳಕೇರಿ ವಂದಿಸಿದರು.