ಭಾರತೀಯ ಸ್ಟೇಟ್ ಬ್ಯಾಂಕ್ನಿಂದ ಗೃಹ, ವಾಹನ ಸಾಲಗಳ ಉತ್ಸವ
ಮಂಗಳೂರು, ಜ.20: ಎಸ್ಬಿಐ ಮಂಗಳೂರು ಕ್ಷೇತ್ರವು ಜ.24ರಂದು ಮಂಗಳೂರಿನ ಬೆಂದೂರ್ವೆಲ್ನಲ್ಲಿರುವ ಸೈಂಟ್ ಸೆಬಾಸ್ಟಿಯನ್ ಪ್ಲಾಟಿನಂ ಜೂಬಿಲಿ ಹಾಲ್ನಲ್ಲಿ ಗೃಹ ಹಾಗೂ ವಾಹನ ಸಾಲಗಳ ಉತ್ಸವವನ್ನು ಆಯೋಜಿಸುತ್ತಿದೆ.
ಭಾರತೀಯ ಸ್ಟೇಟ್ ಬ್ಯಾಂಕ್ ವಿಶ್ವದ ಫಾರ್ಚೂನ್ - 500ರ ಪಟ್ಟಿಯಲ್ಲಿರುವ ಭಾರತದ ಏಕ ಮಾತ್ರ ಬ್ಯಾಂಕ್. ದೇಶದ ಗೃಹ ಸಾಲಗಳ ಒಟ್ಟು ಮಾರುಕಟ್ಟೆ ಪಾಲಿನಲ್ಲಿ ಶೇ.31 ಪಾಲು ಹೊಂದಿದ್ದು, ಮನೆ ಸಾಲಕ್ಕೆ ಗ್ರಾಹಕರ ನೆಚ್ಚಿನ ಬ್ಯಾಂಕ್ ಆಗಿದೆ.
ಕೋವಿಡ್ ನಂತರ ಹೊಸ ವರ್ಷವನ್ನು ಸಂಭ್ರಮದಿಂದ ಸ್ವಾಗತಿಸಲು ಭಾರತೀಯ ಸ್ಟೇಟ್ ಬ್ಯಾಂಕ್ ಗೃಹ ಸಾಲಗಳಿಗೆ ಸಂಸ್ಕರಣ ಶುಲ್ಕದಲ್ಲಿ ಶೇ.100 ರಿಯಾಯತಿಯನ್ನು ನೀಡುತ್ತಿದೆ. ತ್ವರಿತ ಗತಿಯಲ್ಲಿ ಸಾಲ ವಿತರಣೆ, ಶೂನ್ಯ ಸಂಸ್ಕರಣಾ ಶುಲ್ಕ, ಆಕರ್ಷಕ ಬಡ್ಡಿ ದರ ಇವುಗಳು ಗೃಹ ಸಾಲದ ವೈಶಿಷ್ಟಗಳು. ಎಸ್ಬಿಐ ಗೃಹ ಸಾಲವನ್ನು ಮಾರುಕಟ್ಟೆಯಲ್ಲಿ ಅತ್ಯಂತ ಕಡಿಮೆ ದರವಾದ ಶೇ. 6.80ರಲ್ಲಿ ನೀಡುತ್ತಿದೆ ಮತ್ತು ಕಾರುಗಳ ಸಾಲಗಳನ್ನು ಕನಿಷ್ಠ ಶೇ.7.50 ದರದಲ್ಲಿ (ಫಿಕ್ಸೆಡ್ ದರ) ಸಾಲದ ಪೂರ್ಣ ಅವಧಿಯ ವರೆಗೆ ನೀಡುತ್ತಿದೆ.
ಈ ಗೃಹ ಹಾಗೂ ವಾಹನ ಸಾಲದ ಉತ್ಸವದಲ್ಲಿ ಎಸ್ಬಿಐ ಗೃಹ ಹಾಗೂ ವಾಹನ ಸಾಲಕ್ಕೆ ತಾತ್ಕಾಲಿಕವಾಗಿ ಮಂಜೂರಾತಿಯನ್ನೂ ಸಹ ನೀಡಲಾಗುತ್ತಿದೆ.
ಯೋನೋ ಡಿಜಿಟಲ್ ಆಪ್ ಮುಖಾಂತರ ಹೊಸ ವಾಹನ ಸಾಲಗಳಿಗೆ ಅರ್ಜಿ ಸಲ್ಲಿಸುವ ಎಲ್ಲ ಗ್ರಾಹಕರಿಗೆ ಸಂಸ್ಕರಣ ಶುಲ್ಕದಲ್ಲಿ ಶೇ.100 ರಿಯಾಯತಿಯನ್ನು ಕೂಡ ನೀಡುತ್ತಿದೆ.
ಉತ್ಸವವನ್ನು ಆಯೋಜಿಸುವುದರ ಮೂಲಕ ಎಸ್ಬಿಐ ಹೆಸರಾಂತ ಬಿಲ್ಡರ್ಗಳು ಮತ್ತು ಕಾರ್ ಡೀಲರ್ಗಳನ್ನು ಒಂದೇ ಸೂರಿನಡಿಯಲ್ಲಿ ಸೇರಿಸಿ ಸಾರ್ವಜನಿಕರಿಗೆ ಮನೆ ಹಾಗೂ ಕಾರು ಖರೀದಿಯ ಕನಸನ್ನು ನನಸಾಗಿಸುತ್ತಿದೆ. ಎಸ್ಬಿಐನ ಗೃಹ ಹಾಗೂ ವಾಹನ ಸಾಲದ ಸಂದರ್ಭದಲ್ಲಿ ಬಿಲ್ಡರ್ಗಳು ಮತ್ತು ಕಾರ್ ಡೀಲರ್ಗಳು ಗ್ರಾಹಕರಿಗೆ ಆಕರ್ಷಕ ಡಿಸ್ಕೌಂಟ್ ನೀಡಲಿದ್ದಾರೆ.
ಸಾರ್ವಜನಿಕರು ಗೃಹ ಹಾಗೂ ವಾಹನ ಸಾಲದ ಉತ್ಸವಕ್ಕೆ ಭೇಟಿ ನೀಡಿ ಈ ಅವಕಾಶವನ್ನು ಸದುಪಯೋಗಿಸಬಹುದು. ಕುಟುಂಬ ಸಮೇತ ಈ ಉತ್ಸವಕ್ಕೆ ಆಗಮಿಸಬಹುದಾಗಿದ್ದು, ಮಕ್ಕಳಿಗಾಗಿ ಆಟದ ಪ್ರದೇಶ ಹಾಗೂ ಫುಡ್ಕೋರ್ಟ್ ಗಳಿವೆ. ಹೊಸ ವರ್ಷವನ್ನು ಸಂತಸದಿಂದ ಆಚರಿಸಲು ಎಸ್.ಬಿ.ಐ. ಈ ಮೂಲಕ ಕೋರುತ್ತದೆ.
