ರೈತರನ್ನು ಭಯೋತ್ಪಾದಕರು ಎಂದ ಬಾಲಿವುಡ್ ನಟಿ ಕಂಗನಾ !
ಹೊಸದಿಲ್ಲಿ: ಕೇಂದ್ರ ಸರ್ಕಾರ ಇತ್ತೀಚೆಗೆ ಜಾರಿಗೊಳಿಸಿದ ಕೃಷಿ ಕಾಯ್ದೆಗಳ ವಿರುದ್ಧ ಪ್ರತಿಭಟನೆ ನಡೆಸುತ್ತಿರುವ ರೈತರನ್ನು ಭಯೋತ್ಪಾದಕರು ಎಂದು ಬಾಲಿವುಡ್ ನಟಿ ಕಂಗನಾ ರಾಣಾವತ್ ಕರೆದಿದ್ದಾರೆ. ರೈತರ ಪ್ರತಿಭಟನೆಯನ್ನು ಬೆಂಬಲಿಸಿದ ಅಂತರ್ ರಾಷ್ಟ್ರೀಯ ಪಾಪ್ ಗಾಯಕಿ ರಿಹಾನ್ನಾ ಅವರನ್ನು "ಮೂರ್ಖಿ" ಎಂದು ಜರೆದಿದ್ದಾರೆ.
ಟ್ವಿಟ್ಟರ್ನಲ್ಲಿ 30 ಲಕ್ಷ ಅನುಯಾಯಿಗಳು ಕಂಗನಾಗಿದ್ದರೆ, ರಿಹಾನ್ನಾ ಅವರಿಗೆ 10 ಕೋಟಿ ಅನುಯಾಯಿಗಳಿದ್ದಾರೆ.
"ಆ ಬಗ್ಗೆ ಯಾರೂ ಮಾತನಾಡುತ್ತಿಲ್ಲ; ಏಕೆಂದರೆ ಅವರು ರೈತರಲ್ಲ; ಭಾರತವನ್ನು ವಿಭಜಿಸಲು ಯತ್ನಿಸುತ್ತಿರುವ ಭಯೋತ್ಪಾದಕರು. ಈ ಮೂಲಕ ಚೀನಾ ನಮ್ಮ ವಿಭಜಿತ ಭಾರತದ ಮೇಲೆ ಸವಾರಿ ಮಾಡಲಿದೆ. ಬಹುತೇಕ ಅಮೆರಿಕದಂತೆ ಇದನ್ನೂ ಚೀನಿ ಕಾಲನಿಯಾಗಿ ಮಾರ್ಪಡಿಸಲಿದೆ. ತೆಪ್ಪಗೆ ಕುಳಿತುಕೋ ಮೂರ್ಖಿ. ನಾವು ನಮ್ಮ ದೇಶವನ್ನು ನಿಮ್ಮಂತೆ ಕೈಗೊಂಬೆಗಳ ರೀತಿ ಮಾರಾಟ ಮಾಡುತ್ತಿಲ್ಲ" ಎಂದು ಕಂಗನಾ ಟ್ವೀಟ್ ಮಾಡಿದ್ದಾರೆ.
ಬಿಜೆಪಿಯ ಅನುಯಾಯಿಯಾಗಿರುವ ಕಂಗನಾ, ರೈತರ ಪ್ರತಿಭಟನೆಯನ್ನು ಆರಂಭದಿಂದಲೂ ವಿರೋಧಿಸುತ್ತಾ ಬಂದರೂ ಇದುವರೆಗೆ ಏಕೆ ಪ್ರತಿಭಟನೆಯನ್ನು ವಿರೋಧಿಸಲಾಗುತ್ತಿದೆ ಎಂಬ ಬಗ್ಗೆ ಹೇಳಿಕೆ ನೀಡಿಲ್ಲ.
why aren’t we talking about this?! #FarmersProtest https://t.co/obmIlXhK9S
— Rihanna (@rihanna) February 2, 2021
No one is talking about it because they are not farmers they are terrorists who are trying to divide India, so that China can take over our vulnerable broken nation and make it a Chinese colony much like USA...
— Kangana Ranaut (@KanganaTeam) February 2, 2021
Sit down you fool, we are not selling our nation like you dummies. https://t.co/OIAD5Pa61a
