​ಮಾಣಿ ಪ್ರೀಮಿಯರ್ ಲೀಗ್ 2021ಕ್ರಿಕೆಟ್ ಪಂದ್ಯಾಟ : ಸಕ್ಸಸ್ ಕುಕ್ಕರಬೆಟ್ಟು ಚಾಂಪಿಯನ್

ವಿಟ್ಲ :  ಸ್ಟಾರ್ ಫ್ರೆಂಡ್ಸ್ ಮಾಣಿ ಇದರ ಆಶ್ರಯದಲ್ಲಿ ಇಲ್ಲಿನ ಗಾಂಧಿ ಮೈದಾನದಲ್ಲಿ ನಡೆದ ಐದನೇ ವರ್ಷದ ಮಾಣಿ ಪ್ರೀಮಿಯರ್ ಲೀಗ್ ಕ್ರಿಕೆಟ್ ಪಂದ್ಯಾಟದಲ್ಲಿ ಸಕ್ಸಸ್ ಕುಕ್ಕರಬೆಟ್ಟು ತಂಡವು 2021 ರ ಎಂ.ಪಿ.ಎಲ್. ಚಾಂಪಿಯನ್ ಪಟ್ಟವನ್ನು ಪಡೆದುಕೊಂಡಿತು.

ಎರಡು ದಿನ ನಡೆದ ಈ ಲೀಗ್ ಪಂದ್ಯಾಟದಲ್ಲಿ ಬಿಲಾಲ್ ವಾರಿಯರ್ಸ್ ಗಡಿಯಾರ ತಂಡವು ದ್ವಿತೀಯ ಸ್ಥಾನವನ್ನು ಗಳಿಸಿಕೊಂಡಿತು. ಪಂದ್ಯಶ್ರೇಷ್ಟ ಪ್ರಶಸ್ತಿಯನ್ನು ಖಾದರ್ (ಪುತ್ತು) ಕುಕ್ಕರಬೆಟ್ಟು, ಸರಣಿ ಶ್ರೇಷ್ಟ ಪ್ರಶಸ್ತಿಯನ್ನು ಮಸೂದ್ ಕುಕ್ಕರಬೆಟ್ಟು, ಉತ್ತಮ ಎಸೆತಗಾರ ಪ್ರಶಸ್ತಿಯನ್ನು ಲತೀಷ್ ಶಂಬುಗ, ಉತ್ತಮ ದಾಂಡಿಗ ಪ್ರಶಸ್ತಿಯನ್ನು ಮೂಸಬ್ಬ ಗಡಿಯಾರ, ಉತ್ತಮ ಗೂಟ ರಕ್ಷಕ ಪ್ರಶಸ್ತಿಯನ್ನು ಸುಲೈಮಾನ್ ಗಡಿಯಾರ ಹಾಗೂ  ಉತ್ತಮ ಕ್ಷೇತ್ರ ರಕ್ಷಕ ಪ್ರಶಸ್ತಿಯನ್ನು ಅಜಿತ್ ಸೂರಿಕುಮೇರು ತಮ್ಮದಾಗಿಸಿಕೊಂಡರು.

ಕಾರ್ಯಕ್ರಮದ ಅದ್ಯಕ್ಷತೆಯನ್ನು ಮಾಜಿ ಸಚಿವ ಬಿ.ರಮಾನಾಥ ರೈ ವಹಿಸಿದ್ದು, ಮಾಣಿ ಗ್ರಾಮ ಪಂಚಾಯತು ಅದ್ಯಕ್ಷ ಬಾಲಕೃಷ್ಣ ಆಳ್ವ ಕೊಡಾಜೆ ಉದ್ಘಾಟಿಸಿದರು.

ಜಿಲ್ಲಾ ಪಂಚಾಯತ್ ಸದಸ್ಯ ಚಂದ್ರಪ್ರಕಾಶ್ ಶೆಟ್ಟಿ ತುಂಬೆ, ಪಾಣೆಮಂಗಳೂರು ಬ್ಲಾಕ್ ಕಾಂಗ್ರೆಸ್ ಅದ್ಯಕ್ಷ ಸುದೀಪ್ ಕುಮಾರ್ ಶೆಟ್ಟಿ, ಬಂಟ್ವಾಳ ಬ್ಲಾಕ್ ಕಾಂಗ್ರೆಸ್ ಅದ್ಯಕ್ಷ ಬೇಬಿ ಕುಂದರ್, ತಾ.ಪಂ.ಸದಸ್ಯೆ ಮಂಜುಳ ಕುಶಲ ಎಂ.ಪೆರಾಜೆ, ಜಗನ್ನಾಥ್ ಚೌಟ ಬದಿಗುಡ್ಡೆ, ಸಚಿನ್ ರೈ ಮಾಣಿಗುತ್ತು, ಪ್ರವೀಣ್ ರೆ ಕಲ್ಲಾಜೆ, ನಿರಂಜನ್ ರೈ ಕುರ್ಲೆತ್ತಿಮಾರು, ಮಾಣಿ ಗ್ರಾ. ಪಂ. ಉಪಾದ್ಯಕ್ಷೆ ಪ್ರೀತಿ ಡಿನ್ನಾ ಪಿರೇರಾ, ಸದಸ್ಯರಾದ  ಇಬ್ರಾಹಿಂ ಕೆ.ಮಾಣಿ,  ಮೆಲ್ವಿನ್ ಮಾರ್ಟಿನ್, ನಾರಾಯಣ ಶೆಟ್ಟಿ ತೋಟ, ನೆಟ್ಲಮುಡ್ನೂರು ಗ್ರಾ.ಪಂ.ಅದ್ಯಕ್ಷ ಸತೀಶ, ಸದಸ್ಯ  ಲತೀಫ್ ನೇರಳಕಟ್ಟೆ, ವೀರಕಂಭ ಗ್ರಾ.ಪಂ.ಸದಸ್ಯ ಜನಾರ್ದನ ಬಾಯಿಲ, ವಿಕೇಶ್ ಶೆಟ್ಟಿ ಮಾಣಿ, ಮಜೀದ್ ಮಾಣಿ, ಮೂಸಾ ಕರೀಂ ಮಾಣಿ, ಪಷ್ಪರಾಜ್ ಶೆಟ್ಟಿ ಸಾಗು, ಬೇಬಿ ಸುವರ್ಣ, ನಾಗರಾಜ್ ಪೂಜಾರಿ, ರಶೀದ್ ಕೋರ್ಯ, ಹರೀಶ್ ಶೆಟ್ಟಿ ಕ್ವಾಲಿಟಿ, ಹಮೀದ್ ಇನಾಮ್ ಮಾಣಿ ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದರು.

ಕಾಸಿಂ ಸೂರಿಕುಮೇರು, ಹಮೀದ್ ಸಕ್ಸಸ್ ಕುಕ್ಕರಬೆಟ್ಟು,  ಸಲೀಂ ಹಾಜಿ ಕುಕ್ಕರಬೆಟ್ಟು, ಸ್ಟಾರ್ ಫ್ರೆಂಡ್ಸ್ ಪ್ರಮುಖರಾದ ರಝಾಕ್ ಕೋರ್ಯ, ಇರ್ಶಾದ್ ಪಂತಡ್ಕ, ಅಶ್ರಫ್ ಮಾಣಿ, ಝಕರಿಯ ಮಾಣಿ, ಸಲೀಂ ಸ್ಟಾರ್ ಮಾಣಿ, ಆಸಿಫ್ (ಆಚಿ) ಸ್ಟಾರ್ ಮಾಣಿ ಮೊದಲಾದವರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ಇದೇ ವೇಳೆ ಗ್ರಾಮದ 10 ಬಡ ಕುಟುಂಬಗಳಿಗೆ ಆಹಾರ ಸಾಮಗ್ರಿಗಳ ಕಿಟ್ ವಿತರಿಸಲಾಯಿತು.

ಫ್ರೆಂಡ್ಸ್ ಅದ್ಯಕ್ಷ ಶಾಫಿ ಮಾಣಿ ಸ್ವಾಗತಿಸಿ, ವಂದಿಸಿದರು. ತಮೀಮ್ ಮೂಲರಪಟ್ನ ಮತ್ತು ರಝಾಕ್ ಸಾಲ್ಮರ ಕಾರ್ಯಕ್ರಮ ನಿರೂಪಿಸಿದರು.