ಪದವಿ ಪರೀಕ್ಷೆ : ಪಿಪಿಸಿಗೆ ಮೂರು ರ್ಯಾಂಕ್‌ಗಳು, ಪೂಜಾ ರವೀಂದ್ರ ಕಾಮತ್‌ಗೆ ಬಿಕಾಂ ಪ್ರಥಮ ರ್ಯಾಂಕ್

ಉಡುಪಿ, ಮಾ.24: ಮಂಗಳೂರು ವಿಶ್ವವಿದ್ಯಾನಿಲಯವು 2019-20ನೇ ಸಾಲಿನಲ್ಲಿ ನಡೆಸಿದ ಪದವಿ ಪರೀಕ್ಷೆ ಯಲ್ಲಿ ಉಡುಪಿಯ ಪೂರ್ಣಪ್ರಜ್ಞ ಕಾಲೇಜಿನ ವಿದ್ಯಾರ್ಥಿಗಳು ಬಿಕಾಂನಲ್ಲಿ ಪ್ರಥಮ ರ್ಯಾಂಕ್‌ನೊಂದಿಗೆ ಒಟ್ಟು ಮೂರು ರ್ಯಾಂಕುಗಳನ್ನು ಪಡೆದುಕೊಂಡಿದ್ದಾರೆ.

ಪೂಜಾ ರವೀಂದ್ರ ಕಾಮತ್ ವಾಣಿಜ್ಯ ಪದವಿಯಲ್ಲಿ ಪ್ರಥಮ ರ್ಯಾಂಕ್ ಪಡೆದಿದ್ದರೆ, ಎನ್.ಐಶ್ವರ್ಯ ನಾಯಕ್ ವಿಜ್ಞಾನ ಪದವಿಯಲ್ಲಿ ದ್ವಿತೀಯ ರ್ಯಾಂಕ್ ಹಾಗೂ ಕೊಲೀನ್ ಅಂತೋನಿತಾ ಲೋಬೋ ಕಲಾ ಪದವಿಯಲ್ಲಿ ಐದನೇ ರ್ಯಾಂಕ್ ಪಡೆದಿದ್ದಾರೆ ಎಂದು ಕಾಲೇಜಿನ ಪ್ರಾಂಶುಪಾಲರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.