ತಮಿಳುನಾಡು: ಶನಿವಾರದಿಂದ ಕಠಿಣ ಕೋವಿಡ್ ನಿರ್ಬಂಧಗಳು ಜಾರಿ
ಮದುವೆ, ಅಂತ್ಯಕ್ರಿಯೆಗಳಿಗೆ 100 ಜನರಿಗೆ ಮಾತ್ರ ಅವಕಾಶ
ಚೆನ್ನೈ: ಕೋವಿಡ್ ಪ್ರಕರಣಗಳು ಏರಿಕೆಯಾಗುತ್ತಿರುವ ಹಿನ್ನೆಲೆಯಲ್ಲಿ ತಮಿಳುನಾಡು ಸರಕಾರ ಎಪ್ರಿಲ್ 10ರಿಂದ ಜಾರಿಯಾಗಲಿರುವ ಕಠಿಣ ನಿರ್ಬಂಧಗಳನ್ನು ಇಂದು ಘೋಷಿಸಿದೆ.
ಸರಕಾರದ ಹೊಸ ಮಾರ್ಗಸೂಚಿಯಂತೆ ಶನಿವಾರದಿಂದ ರಾಜ್ಯದಲ್ಲಿ ಜಾರಿಯಾಗಲಿರುವ ನಿರ್ಬಂಧಗಳು ಹೀಗಿವೆ.
* ಎಲ್ಲಾ ಹಬ್ಬಗಳ ಸಾರ್ವಜನಿಕ ಆಚರಣೆ ಮತ್ತು ಧಾರ್ಮಿಕ ಸಭೆಗಳನ್ನು ನಿಷೇಧಿಸಲಾಗಿದೆ.
* ಕೊಯಂಬೀಡು ಮಾರ್ಕೆಟ್ ಕಾಂಪ್ಲೆಕ್ಸ್ನಲ್ಲಿ ರಿಟೇಲ್ ಹಣ್ಣು, ತರಕಾರಿ ಮಳಿಗೆಗಳು ಕಾರ್ಯಾಚರಿಸುವಂತಿಲ್ಲ.
* ಚೆನ್ನೈ ಎಂಟಿಸಿ ಬಸ್ಸುಗಳಲ್ಲಿ ಪ್ರಯಾಣಿಕರಿಗೆ ನಿಂತುಕೊಂಡು ಹೋಗಲು ಅನುಮತಿಯಿಲ್ಲ
* ಶಾಪಿಂಗ್ ಮಾಲ್ಗಳು, ಶೋರೂಂಗಳು, ಚಿನ್ನಾಭರಣ, ಜವಳಿ ಶೋರೂಂಗಳು, ರಿಕ್ರಿಯೇಷನ್ ಕ್ಲಬ್ಗಳು, ಮನರಂಜನಾ ಮತ್ತು ಅಮ್ಯೂಸ್ಮೆಂಟ್ ಪಾರ್ಕ್ಗಳು, ಸಿನೆಮಾ ಥಿಯೇಟರ್ಗಳು, ಮಲ್ಟಿಪ್ಲೆಕ್ಸ್ ಗಳು, ಹೋಟೆಲ್ಗಳು ತಮ್ಮ ಸಾಮರ್ಥ್ಯದ ಒಟ್ಟು ಶೇ50ರಷ್ಟು ಗ್ರಾಹಕರಿಗೆ ಮಾತ್ರ ಅವಕಾಶ ನೀಡಬಹುದು.
* ಮದುವೆ, ಅಂತ್ಯಕ್ರಿಯೆಗಳಿಗೆ 100 ಜನರಿಗೆ ಮಾತ್ರ ಅವಕಾಶ.
* ಪ್ರೇಕ್ಷಕರಿಲ್ಲದೆ ಕ್ರೀಡಾಂಗಣದಲ್ಲಿ ಪಂದ್ಯಾಟಗಳಿಗೆ ಅವಕಾಶ
*ಈಜುಕೊಳಗಳಲ್ಲಿ ಕೇವಲ ತರಬೇತಿಗೆ ಮಾತ್ರ ಅವಕಾಶ
* ಆರಾಧನಾಲಯಗಳು ಭಕ್ತರಿಗೆ ರಾತ್ರಿ 8 ಗಂಟೆ ತನಕ ತೆರೆದಿರಲಿದೆ ಆದರೆ ಯಾವುದೇ ಸಾರ್ವಜನಿಕ ಆಚರಣೆಗೆ ಅವಕಾಶವಿಲ್ಲ.
* ಟಿವಿ ಧಾರಾವಾಹಿಗಳು ಹಾಗೂ ಚಲನಚಿತ್ರ ಚಿತ್ರೀಕರಣಕ್ಕೆ ಅವಕಾಶ
* ಆಟೋರಿಕ್ಷಾಗಳಲ್ಲಿ ಇಬ್ಬರು ಪ್ರಯಾಣಿಕರು ಮಾತ್ರ ಪ್ರಯಾಣಿಸಬಹುದು
* ಇತರ ರಾಜ್ಯಗಳಿಂದ ಆಗಮಿಸುವವರಿಗೆ ಇ-ಪಾಸ್ ವ್ಯವಸ್ಥೆ ಮುಂದುವರಿಯಲಿದೆ.
ಬುಧವಾರ ರಾಜ್ಯದಲ್ಲಿ 3986 ಪ್ರಕರಣಗಳು ವರದಿಯಾಗಿದ್ದರೆ ಚೆನ್ನೈ ನಗರವೊಂದರಲ್ಲಿಯೇ 1459 ಪ್ರಕರಣಗಳು ವರದಿಯಾಗಿವೆ.