ಪವನ್ ಕಲ್ಯಾಣ್ ಗೆ ಕೊರೋನ ಪಾಸಿಟಿವ್

ಹೈದರಾಬಾದ್: 'ವಕೀಲ್ ಸಾಬ್'‌ ಚಿತ್ರದಲ್ಲಿ ಕೊನೆಯ ಬಾರಿಗೆ ಕಾಣಿಸಿಕೊಂಡಿರುವ  ಪವನ್ ಕಲ್ಯಾಣ್ ಅವರಿಗೆ ಕೊರೋನವೈರಸ್ ಪಾಸಿಟಿವ್ ಇರುವುದು ದೃಢಪಟ್ಟಿದೆ.

ವರದಿಯ ಪ್ರಕಾರ, ಅವರು ಹೋಮ್ ಕ್ವಾರಂಟೈನ್ ನಲ್ಲಿದ್ದಾರೆ. ಕಳೆದ ರವಿವಾರ, ಅವರ ಹಲವಾರು ಆಪ್ತರು ಕೊರೋನ ವೈರಸ್ ಗೆ ತುತ್ತಾಗಿದ್ದರು. ಆದ್ದರಿಂದ, ನಟ ಮತ್ತು ಜನಸೇನಾ ಪಕ್ಷದ ಅಧ್ಯಕ್ಷ ಪವನ್ ಕಲ್ಯಾಣ್ ಮನೆಯಲ್ಲಿ ಸ್ವಯಂ ಪ್ರತ್ಯೇಕವಾಗಿದ್ದರು.

ಪವನ್ ಕಲ್ಯಾಣ್ ಅವರು ಖಾಸಗಿ ಆಸ್ಪತ್ರೆಯನ್ನು ಸಂಪರ್ಕಿಸಿದಾಗ, ಅವರಿಗೆ ಕೋವಿಡ್ -19 ಪಾಸಿಟಿವ್  ಇದೆ ಎಂದು ಕಂಡುಬಂದಿದೆ. ಮೂಲಗಳ ಪ್ರಕಾರ ಅವರ ಆರೋಗ್ಯ ಸ್ಥಿರವಾಗಿದೆ.