ರಾಜ್ಯದಲ್ಲಿ ನಿಲ್ಲದ ಕೋವಿಡ್ ಸಾವಿನ ಸರಣಿ: 81 ಮಂದಿ ಮೃತ್ಯು, 19 ಸಾವಿರಕ್ಕೂ ಅಧಿಕ ಪಾಸಿಟಿವ್

ಬೆಂಗಳೂರು, ಎ.18: ರಾಜ್ಯದಲ್ಲಿ ದಿನೇ ದಿನೇ ಕೋವಿಡ್ -19 ಸೋಂಕಿನಿಂದ ಸಾವಿನ ಪ್ರಕರಣಗಳು ಹೆಚ್ಚಾಗುತ್ತಿದ್ದು, ರವಿವಾರ ಒಂದೇ ದಿನ 81 ಮಂದಿ ಕೋವಿಡ್‍ಗೆ ಬಲಿಯಾಗಿದ್ದಾರೆ. ಕಳೆದ 24 ಗಂಟೆಯಲ್ಲಿ 19,067 ಹೊಸ ಸೋಂಕಿತ ಪ್ರಕರಣಗಳು ಪತ್ತೆಯಾಗಿವೆ.

ದಿನಕಳೆದಂತೆ ಬೆಂಗಳೂರು ನಗರದಲ್ಲಿ ಕೋವಿಡ್ ಸಾವಿನ ಪ್ರಕರಣಗಳು ಹೆಚ್ಚಾಗುತ್ತಲೇ ಹೋಗುತ್ತಿದ್ದು, ರವಿವಾರ ಒಂದೇ ದಿನದಲ್ಲಿ 60 ಮಂದಿ ಸಾವನ್ನಪ್ಪಿದ್ದಾರೆ. ಉಳಿದಂತೆ ಧಾರವಾಡ-3, ಮೈಸೂರು-3, ಉತ್ತರ ಕನ್ನಡ, ವಿಜುಯಪುರ, ಯಾದಗಿರಿ, ಕೊಪ್ಪಳ, ಬಳ್ಳಾರಿಯಲ್ಲಿ ತಲಾ ಎರಡು ಸಾವಿನ ಪ್ರಕರಣಗಳು ವರದಿಯಾಗಿದೆ.

ರಾಜ್ಯದಲ್ಲಿ ಇಲ್ಲಿಯವರೆಗೂ 11,61,065 ಸೋಂಕಿತ ಪ್ರಕರಣ ದೃಢಪಟ್ಟಿದ್ದು, ಒಟ್ಟು 13,351ಮಂದಿ ಮೃತಪಟ್ಟಿದ್ದಾರೆ. 1,33,543 ಸಕ್ರಿಯ ಪ್ರಕರಣಗಳಿದ್ದು, ಅವರೆಲ್ಲರೂ ಆಸ್ಪತ್ರೆ, ಕೇರ್ ಸೆಂಟರ್ ಹಾಗೂ ಮನೆಯಲ್ಲಿದ್ದು, ವೈದ್ಯರ ಸೂಚನೆಯಂತೆ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಇಂದಿನ ಸೋಂಕಿತರ ವಿವರ: ಬಾಗಲಕೋಟೆ-104, ಬಳ್ಳಾರಿ-238, ಬೆಳಗಾವಿ-129, ಬೆಂಗಳೂರು ಗ್ರಾಮಾಂತರ-245, ಬೆಂಗಳೂರು ನಗರ-12,793 ಬೀದರ್-469, ಚಾಮರಾಜನಗರ-102, ಚಿಕ್ಕಬಳ್ಳಾಪುರ-190, ಚಿಕ್ಕಮಗಳೂರು-81, ಚಿತ್ರದುರ್ಗ-102, ದಕ್ಷಿಣ ಕನ್ನಡ-272, ದಾವಣಗೆರೆ-133, ಧಾರವಾಡ-265, ಗದಗ-48, ಹಾಸನ-348, ಹಾವೇರಿ-43, ಕಲಬುರಗಿ-671, ಕೊಡಗು-44, ಕೋಲಾರ-175, ಕೊಪ್ಪಳ-65, ಮಂಡ್ಯ-338, ಮೈಸೂರು-777, ರಾಯಚೂರು-133, ರಾಮನಗರ-122, ಶಿವಮೊಗ್ಗ-156, ತುಮಕೂರು-494, ಉಡುಪಿ-152, ಉತ್ತರ ಕನ್ನಡ-104, ವಿಜಯಪುರ-200, ಯಾದಗಿರಿ-74 ಸೋಂಕಿತ ಪ್ರಕರಣ ಪತ್ತೆಯಾಗಿದೆ.

ಬೆಂಗಳೂರಿನಲ್ಲಿ 60 ಸಾವು: ಕೋವಿಡ್ ಸಾವಿನ ಪ್ರಕರಣಗಳಲ್ಲಿ ಶೇ.90ರಷ್ಟು ಸಾವಿನ ಪ್ರಕರಣಗಳು ಬೇಂಗಳೂರು ನಗರವೊಂದರಲ್ಲಿಯೇ ಸಂಭವಿಸುತ್ತಿವೆ. ಹಾಗೂ ಕೋವಿಡ್ ಸಕ್ರಿಯ ಪ್ರಕರಣಗಳು ಒಂದು ಲಕ್ಷಕ್ಕೆ ಸಮೀಪಿಸಿದ್ದು, ಆರೋಗ್ಯ ಇಲಾಖೆಗೆ ಸವಾಲಾಗಿ ಪರಿಣಮಿಸಿದೆ.

ರವಿವಾರ ಬೆಂಗಳೂರು ನಗರದಲ್ಲಿ 60 ಮಂದಿ ಸಾವನ್ನಪ್ಪಿದ್ದಾರೆ ಹಾಗೂ 12,793 ಹೊಸ ಪ್ರಕರಣಗಳು ಪತ್ತೆಯಾಗಿದೆ. ನಗರದಲ್ಲಿ ಒಟ್ಟು 97,897 ಸಕ್ರಿಯ ಪ್ರಕರಣಗಳಿದ್ದು, ಅವರೆಲ್ಲರೂ ಆಸ್ಪತ್ರೆ, ಕೇರ್ ಸೆಂಟರ್ ಹಾಗೂ ಮನೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.