ದಿಲ್ಲಿ ಲಾಕ್‌ಡೌನ್ ಮತ್ತೊಂದು ವಾರ ವಿಸ್ತರಣೆ, ಮೆಟ್ರೊ ಸೇವೆ ಸ್ಥಗಿತ ಮುಂದುವರಿಕೆ

ಹೊಸದಿಲ್ಲಿ: ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಅವರು ದಿಲ್ಲಿಯಲ್ಲಿ ವಿಧಿಸಲಾಗಿರುವ ಲಾಕ್ ಡೌನ್ ಅನ್ನು  ಇನ್ನೊಂದು ವಾರ ವಿಸ್ತರಿಸಿದ್ದು, ನಿರ್ಬಂಧಗಳನ್ನು ಕಠಿಣಗೊಳಿಸಿದ್ದಾರೆ. ಮೆಟ್ರೊ ಸೇವೆಗಳನ್ನು ಈ ಬಾರಿಯೂ ಕೂಡ ಸ್ಥಗಿತಗೊಳಿಸಲಾಗಿದೆ. ಮೇ 17 ರಂದು ಬೆಳಿಗ್ಗೆ 5 ಗಂಟೆಯವರೆಗೆ ಲಾಕ್‌ಡೌನ್ ಇರುತ್ತದೆ.

"ನಗರದಲ್ಲಿ ಪಾಸಿಟಿವಿಟಿ  ಪ್ರಮಾಣವು ಕಡಿಮೆಯಾಗಿದೆ ಆದರೆ ಇನ್ನೂ ನಾವು ಮೃದುತ್ವವನ್ನು ತಳೆಯಲು ಸಾಧ್ಯವಿಲ್ಲ. ನಾವು ಲಾಕ್‌ಡೌನ್‌ ವಿಸ್ತರಿಸಬೇಕಾಗಿದೆ" ಎಂದು ಕೇಜ್ರಿವಾಲ್ ಹೇಳಿದರು.

ಪಾಸಿಟಿವಿಟಿ ಪ್ರಮಾಣವು ಶೇಕಡ 35 ರಿಂದ 23 ಕ್ಕೆ ಇಳಿದಿದೆ, ಆದರೆ ವೈದ್ಯರು ಕೂಡ ಇದು ತುಂಬಾ ಹೆಚ್ಚಾಗಿದೆ ಎಂದು ಹೇಳುತ್ತಾರೆ.

"ಲಾಕ್ ಡೌನ್ ಸಮಯವನ್ನು ನಾವು ನಮ್ಮ ಆರೋಗ್ಯ ಮೂಲಸೌಕರ್ಯವನ್ನು ಹೆಚ್ಚಿಸಲು ಬಳಸಿಕೊಂಡಿದ್ದೇವೆ. ದಿಲ್ಲಿಯ ಮುಖ್ಯ ವಿಷಯವೆಂದರೆ ಆಮ್ಲಜನಕದ ಕೊರತೆ. ಕೇಂದ್ರದ ಸಹಾಯದಿಂದ, ಈಗ ಸ್ಥಿತಿ ಉತ್ತಮವಾಗಿದೆ "ಎಂದು ಕೇಜ್ರಿವಾಲ್  ಹೇಳಿದರು.