ಉತ್ತರಪ್ರದೇಶ ಚುನಾವಣೆ ಸಿದ್ದತೆಗಾಗಿ ಸರಣಿ ಸಭೆ ನಡೆಸಿದ ಬಿಜೆಪಿ ಮುಖಂಡರು

ಲಕ್ನೋ: ಮುಂದಿನ ವರ್ಷ ಉತ್ತರಪ್ರದೇಶದಲ್ಲಿ ಬಿಜೆಪಿ ನಿರ್ಣಾಯಕ ಚುನಾವಣೆಯನ್ನು ಎದುರಿಸುತ್ತಿರುವ ಹಿನ್ನೆಲೆಯಲ್ಲಿ  ಸರಣಿ ಸಭೆಗಳನ್ನು ನಡೆಸಲಾಗಿದೆ. ಮುಖ್ಯಮಂತ್ರಿ ಆದಿತ್ಯನಾಥ್ ಅವರು ಕೋವಿಡ್ ಬಿಕ್ಕಟ್ಟನ್ನು ನಿಭಾಯಿಸಿದ ಕುರಿತು  ಟೀಕೆಗಳ ವ್ಯಕ್ತವಾದ ಬಗ್ಗೆ ಪಕ್ಷದ ಕಳವಳವನ್ನು ಇದು ತೋರಿಸುತ್ತದೆ.

ದಿಲ್ಲಿಯ ಇಬ್ಬರು ಬಿಜೆಪಿ ಮುಖಂಡರಾದ ಬಿ.ಎಲ್.ಸಂತೋಷ್ ಹಾಗೂ  ಮಾಜಿ ಕೇಂದ್ರ ಸಚಿವ ರಾಧಾ ಮೋಹನ್ ಸಿಂಗ್ ಅವರು ಸೋಮವಾರ  ಲಕ್ನೋದಲ್ಲಿ ಉತ್ತರಪ್ರದೇಶದ  ಮಂತ್ರಿಗಳನ್ನು ಭೇಟಿಯಾಗಿ ಮಾತನಾಡಿದರು.

ಬಿಜೆಪಿಯ ರಾಷ್ಟ್ರೀಯ ಸಂಘಟನೆಯ ಪ್ರಧಾನ ಕಾರ್ಯದರ್ಶಿ ಸಂತೋಷ್ ಹಾಗೂ  ಸಿಂಗ್ ಅವರು ಆದಿತ್ಯನಾಥ್ ಅವರನ್ನು ಭೇಟಿ ಮಾಡಿದ್ದಾರೆ. ಇಬ್ಬರು ಉಪ ಮುಖ್ಯಮಂತ್ರಿಗಳೊಂದಿಗೆ ಮಾತನಾಡಿದ್ದಾರೆ. ಚುನಾವಣೆಗೆ  ಮುನ್ನ ಮೂವರನ್ನು ಬದಲಾಯಿಸಲಾಗುವುದು ಎಂಬ ಊಹಾಪೋಹಗಳನ್ನು  ಮೂಲಗಳು ತಳ್ಳಿಹಾಕಿವೆ.

ಕಳೆದ ಕೆಲವು ತಿಂಗಳುಗಳಲ್ಲಿ ಹಾಗೂ  ಅದಕ್ಕೂ ಮೊದಲು ರಾಜ್ಯದಾದ್ಯಂತ ಕೋವಿಡ್ ಪರಿಹಾರಕ್ಕಾಗಿ ಪಕ್ಷವು ಮಾಡಿದ ಕಾರ್ಯಗಳನ್ನು ನಾಯಕರು ಪರಿಶೀಲಿಸುತ್ತಿದ್ದಾರೆ ಎಂದು ಬಿಜೆಪಿ ಪತ್ರಿಕಾ ಪ್ರಕಟಣೆ ತಿಳಿಸಿದೆ.

ಇತ್ತೀಚಿನ ವಾರಗಳಲ್ಲಿ ಕೋವಿಡ್ ಉಲ್ಬಣಕ್ಕೆ ಆದಿತ್ಯನಾಥ್ ಸರಕಾರವೇ ಕಾರಣ  ಎಂದು ಸಾಮಾಜಿಕ ಮಾಧ್ಯಮಗಳಲ್ಲಿ  ತೀಕ್ಷ್ಣವಾದ ದಾಳಿ ನಡೆಸಲಾಗಿತ್ತು. ರಾಜ್ಯ ಸರಕಾರವು ಕೋವಿಡ್ ಅನ್ನು  ತಪ್ಪಾಗಿ ನಿರ್ವಹಿಸುವುದರಿಂದ ಎರಡನೆಯ ಅಲೆಯಲ್ಲಿ  ಹೆಚ್ಚಿನ ಸಂಖ್ಯೆಯ ಸಾವುಗಳು ಸಂಭವಿಸಿವೆ ಎಂದು ವಿರೋಧ ಪಕ್ಷಗಳ ನಾಯಕರು ಆರೋಪಿಸಿದ್ದಾರೆ. ಬಿಜೆಪಿಯ ಶಾಸಕರು ಹಾಗೂ ಸಂಸದರು ಮಾಧ್ಯಮಗಳ ಮುಂದೆ ತಮ್ಮ ಸರಕಾರದ ಕುರಿತು ಟೀಕೆ ಮಾಡುತ್ತಿದ್ದಾರೆ.