ಇನ್ ಸ್ಟಾಗ್ರಾಂ ಪೋಸ್ಟ್ ಗೆ ಹರ್ಭಜನ್ ಸಿಂಗ್ ಬೇಷರತ್ ಕ್ಷಮೆಯಾಚನೆ

ಹೊಸದಿಲ್ಲಿ: 1984 ರ 'ಆಪರೇಷನ್ ಬ್ಲೂಸ್ಟಾರ್'ನಲ್ಲಿ ಮೃತಪಟ್ಟವರಿಗೆ ಗೌರವ ಸಲ್ಲಿಸಲು ಸೋಷಿಯಲ್ ಮೀಡಿಯಾ ಪೋಸ್ಟ್ ನಲ್ಲಿ  ಖಲಿಸ್ತಾನಿ ಉಗ್ರ ಜರ್ನೈಲ್ ಸಿಂಗ್ ಭಿಂದ್ರಾನ್ವಾಲೆ ಅವರ ಚಿತ್ರವನ್ನು ಹಂಚಿಕೊಂಡಿರುವ ಭಾರತದ ಹಿರಿಯ ಆಫ್-ಸ್ಪಿನ್ನರ್ ಹರ್ಭಜನ್ ಸಿಂಗ್ ಸೋಮವಾರ ಬೇಷರತ್ತಾಗಿ ಕ್ಷಮೆಯಾಚಿಸಿದ್ದಾರೆ.

ಚಿತ್ರದಲ್ಲಿರುವ ವ್ಯಕ್ತಿ ಭಿಂದ್ರಾನ್ವಾಲೆ ಎಂದು ತಿಳಿಯದೆ ಬ್ಲೂ ಸ್ಟಾರ್ ಕಾರ್ಯಾಚರಣೆಯ 37 ನೇ ವಾರ್ಷಿಕೋತ್ಸವದಂದು ವಾಟ್ಸಾಪ್ ನಲ್ಲಿ ಬಂದ ಸಂದೇಶವನ್ನು ಪೋಸ್ಟ್ ಮಾಡಿದ್ದೇನೆ  ಎಂದು 40ರ ಹರೆಯದ ಆಫ್ ಸ್ಪಿನ್ನರ್ ಹೇಳಿದರು.

"ನಾನು ನಿನ್ನೆ ಹಾಕಿದ್ದ ಇನ್ ಸ್ಟಾಗ್ರಾಮ್ ಪೋಸ್ಟ್ ಗೆ ಸ್ಪಷ್ಟನೆ ಹಾಗೂ  ಕ್ಷಮೆಯಾಚಿಸಲು ಬಯಸುತ್ತೇನೆ. ಇದು ವಾಟ್ಸ್ ಆ್ಯಪ್ ಫಾರ್ವರ್ಡ್ ಆಗಿದ್ದು, ಬಳಸಿದ ವಿಷಯ , ಅದು ಏನು ಸೂಚಿಸುತ್ತದೆ ಎಂಬುದನ್ನು ಸಹ ಅರಿತುಕೊಳ್ಳದೆ ನಾನು ಆತುರದಿಂದ ಪೋಸ್ಟ್ ಮಾಡಿದ್ದೇನೆ’’ ಎಂದು ಅವರು ಟ್ವಿಟರ್ ನಲ್ಲಿ ಪೋಸ್ಟ್ ಮಾಡಿದ ಕ್ಷಮೆಯಾಚನೆ ಟಿಪ್ಪಣಿಯಲ್ಲಿ ಹರ್ಭಜನ್ ತಿಳಿಸಿದ್ದಾರೆ.

ಅದು ನನ್ನ ತಪ್ಪು, ಹಾಗೂ  ಯಾವುದೇ ಹಂತದಲ್ಲಿ ನಾನು ಆ ಪೋಸ್ಟ್‌ನಲ್ಲಿನ ವೀಕ್ಷಣೆಗಳಿಗೆ ಚಂದಾದಾರರಾಗುವುದಿಲ್ಲ ಅಥವಾ ಆ ಚಿತ್ರವನ್ನು ಹೊಂದಿರುವ ಜನರನ್ನು ಬೆಂಬಲಿಸುವುದಿಲ್ಲ. ನಾನು ಸಿಖ್ ಆಗಿದ್ದೇನೆ, ಸಿಖ್ಖರು ಭಾರತಕ್ಕಾಗಿ ಹೋರಾಡುತ್ತಾರೆಯೇ ಹೊರತು ಭಾರತದ ವಿರುದ್ಧ ಹೋರಾಡುವುದಿಲ್ಲ ಎಂದರು.

"ಇದು ನನ್ನ ರಾಷ್ಟ್ರದ ಭಾವನೆಗಳನ್ನು ನೋಯಿಸಿದ್ದಕ್ಕಾಗಿ ನಾನು ಬೇಷರತ್ತಾದ ಕ್ಷಮೆಯಾಚಿಸುವೆ. ವಾಸ್ತವವಾಗಿ ನನ್ನ ಜನರ ವಿರುದ್ಧ ಯಾವುದೇ ರಾಷ್ಟ್ರ ವಿರೋಧಿ ಗುಂಪನ್ನು ನಾನು ಬೆಂಬಲಿಸುವುದಿಲ್ಲ ಹಾಗೂ  ಎಂದಿಗೂ ಹಾಗೆ ಮಾಡುವುದಿಲ್ಲ" ಎಂದು ಅವರು ಹೇಳಿದರು.

ಆಪರೇಷನ್ ಬ್ಲೂಸ್ಟಾರ್ ಎಂಬುದು 1984 ರಲ್ಲಿ ಅಮೃತಸರದ ಗೋಲ್ಡನ್ ಟೆಂಪಲ್‌ನಿಂದ ಉಗ್ರರನ್ನು ಹೊರಹಾಕಲು ನಡೆಸಿದ ಸೈನ್ಯದ ಕಾರ್ಯಾಚರಣೆಯಾಗಿದೆ. ಭಿಂದ್ರಾನ್ವಾಲೆ ದಂಗೆಕೋರ ಚಳವಳಿಯ ನಾಯಕನಾಗಿದ್ದ ಹಾಗೂ  ಕಾರ್ಯಾಚರಣೆಯ ಸಮಯದಲ್ಲಿ ಹಲವಾರು ಜನರು ಸಾವನ್ನಪ್ಪಿದ್ದರು.

My heartfelt apology to my people.. pic.twitter.com/S44cszY7lh

— Harbhajan Turbanator (@harbhajan_singh) June 7, 2021