ಜೂ.30: ಕೋವಿಡ್ ನಿರೋಧಕ ಲಸಿಕಾ ಕಾರ್ಯಕ್ರಮ
ಮಂಗಳೂರು, ಜೂ.29: ದ.ಕ. ಜಿಲ್ಲೆಯಲ್ಲಿ ಜೂ.30ರಂದು ವಿವಿಧ ಕಾಲೇಜುಗಳಲ್ಲಿ ನೋಂದಾಯಿಸಿದ ಪದವಿ ವಿದ್ಯಾರ್ಥಿಗಳು, ಬೋಧಕ ಮತ್ತು ಬೋಧಕೇತರ ಸಿಬ್ಬಂದಿ ವರ್ಗಕ್ಕೆ ಕೋವಿಡ್ ಪ್ರತಿರೋಧ ಲಸಿಕಾ ಶಿಬಿರವು ನಡೆಯಲಿದೆ.
ಫಲಾನುಭವಿಗಳು ಕಾಲೇಜಿನ ಗುರುತಿನ ಚೀಟಿ ಹಾಗೂ ಆಧಾರ್ ಕಾರ್ಡ್ ಅಥವಾ ಸರಕಾರ ನಿಗದಿಪಡಿಸಿದ ಇತರ ಗುರುತಿನ ಚೀಟಿಯೊಂದಿಗೆ ಹಾಜರಾಗಬೇಕು.
ಮಂಗಳೂರು ತಾಲೂಕು: ಕೆನರಾ ಕಾಲೇಜು ಮಂಗಳೂರು, ಕಾವೂರು ಪ್ರಥಮ ದರ್ಜೆ ಕಾಲೇಜು, ಪೊಂಪೈ ಕಾಲೇಜು ಮಂಗಳೂರು, ಪ್ರಥಮ ದರ್ಜೆ ಕಾಲೇಜು ಹಳೆಯಂಗಡಿ, ಬೆಸೆಂಟ್ ಪ್ರಥಮ ದರ್ಜೆ ಕಾಲೇಜು ಕಟೀಲು.
ಪುತ್ತೂರು ತಾಲೂಕು: ಸರಕಾರಿ ಪ್ರಥಮ ದರ್ಜೆ ಕಾಲೇಜು ಉಪ್ಪಿನಂಗಡಿ, ಸರಕಾರಿ ಪ್ರಥಮ ದರ್ಜೆ ಕಾಲೇಜು ಚಿಕ್ಕಮುಡ್ನೂರು, ವಿವೇಕಾನಂದ ಕಾಲೇಜು ಪುತ್ತೂರು, ಸರಕಾರಿ ಐಟಿಐ ಕಾಲೇಜು ನರಿಮೊಗರು ಪುತ್ತೂರು, ಬೆಥನಿ ಐಟಿಐ ಕಾಲೇಜು ನೆಲ್ಯಾಡಿ, ಮಾರ್ ಇವಾನಿಯೋಸ್ ಕಾಲೇಜು ಕುಂತೂರು.
ಸುಳ್ಯ ತಾಲೂಕು: ಕೆ.ವಿ.ಜಿ ಇಂಜಿನಿಯರಿಂಗ್ ಕಾಲೇಜು, ಕೆ.ವಿ.ಜಿ ಡಿಪ್ಲೊಮಾ ಕಾಲೇಜು, ಕೆ.ವಿ.ಜಿ ಐಟಿಐ ಕಾಲೇಜು, ಐಟಿಐ ನಿಂತಿಕಲ್ಲು
ಬೆಳ್ತಂಗಡಿ ತಾಲೂಕು: ಸೆಕ್ರೇಡ್ ಹಾರ್ಟ್ ಮಡಂತ್ಯಾರ್, ಉಜಿರೆ ಇಂಜಿನಿಯರಿಂಗ್ ಕಾಲೇಜು, ಉಜಿರೆ ಡಿಪ್ಲೊಮಾ ಕಾಲೇಜು, ಮೇಲಂತಬೆಟ್ಟು ಐಟಿಐ ಕಾಲೇಜು.
ಜಿಲ್ಲೆಯ ಇತರ ತಾಲೂಕುವಾರು ಆರೋಗ್ಯ ಕೇಂದ್ರಗಳಲ್ಲಿ ಎಲ್ಲಿಯೂ ಲಸಿಕಾ ಶಿಬಿರ ನಡೆಯುವುದಿಲ್ಲ. ಜಿಲ್ಲಾ ವೆನ್ಲಾಕ್ ಆಸ್ಪತ್ರೆಯಲ್ಲಿ ಕೋವಿಶೀಲ್ಡ್ 2ನೇ ಡೋಸ್ ಲಸಿಕಾ ಫಲಾನುಭವಿಗಳಿಗೆ ಹಾಗೂ ಎನ್ಆರ್ಐ ಫಲಾನುಭವಿಗಳಿಗೆ ಮಾತ್ರ ಲಸಿಕೆಯನ್ನು ನೀಡಲಾಗುವುದು.
ಕೋವ್ಯಾಕ್ಸಿನ್ ಲಸಿಕೆಯು ಪ್ರಥಮ ಡೋಸ್ ಮತ್ತು ಎರಡನೆಯ ಡೋಸ್ ಲಸಿಕೆ ಲಭ್ಯವಿದೆ ಎಂದು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಅಧಿಕಾರಿಗಳು ಪ್ರಕಟನೆಯಲ್ಲಿ ತಿಳಿಸಿದ್ದಾರೆ
ಮಂಗಳವಾರ ದ.ಕ.ಜಿಲ್ಲೆಯ 18 ಕಾಲೇಜುಗಳ ವಿದ್ಯಾರ್ಥಿಗಳು, ಬೋಧಕ ಮತ್ತು ಬೋಧಕೇತರ ಸಿಬ್ಬಂದಿ ವರ್ಗ ಸಹಿತ 7,094 ಮಂದಿ ಲಸಿಕೆ ಪಡೆದಿದ್ದಾರೆ.
ಬಂಟ್ವಾಳ ತಾಲೂಕಿನ 2 ಕಾಲೇಜಿನ 778 ವಿದ್ಯಾರ್ಥಿಗಳು, 15 ಬೋಧಕರು, 39 ಬೋಧಕೇತರರ ಸಹಿತ 832, ಬೆಳ್ತಂಗಡಿ ತಾಲೂಕಿನ 1 ಕಾಲೇಜಿನ 107 ವಿದ್ಯಾರ್ಥಿಗಳು, 9 ಬೋಧಕರು, 1 ಬೋಧಕೇತರರ ಸಹಿತ 117, ಮಂಗಳೂರು ತಾಲೂಕಿನ 8 ಕಾಲೇಜಿನ 3,490 ವಿದ್ಯಾರ್ಥಿಗಳು, 457 ಬೋಧಕರು, 701 ಬೋಧಕೇತರರ ಸಹಿತ 4648, ಪುತ್ತೂರು ತಾಲೂಕಿನ 3 ಕಾಲೇಜಿನ 573 ವಿದ್ಯಾರ್ಥಿಗಳು, 60 ಬೋಧಕರು, 37 ಬೋಧಕೇತರರ ಸಹಿತ 670, ಸುಳ್ಯ ತಾಲೂಕಿನ 4 ಕಾಲೇಜಿನ 770 ವಿದ್ಯಾರ್ಥಿಗಳು, 37 ಬೋಧಕರು, 20 ಬೋಧಕೇತರರ ಸಹಿತ 827ವಿದ್ಯಾರ್ಥಿಗಳು ಲಸಿಕೆ ಪಡೆದಿದ್ದಾರೆ.
ಒಟ್ಟಾರೆ ಮಂಗಳವಾರ 5,718 ವಿದ್ಯಾರ್ಥಿಗಳು, 578 ಬೋಧಕರು,798 ಬೋಧಕೇತರ ಸಿಬ್ಬಂದಿ ವರ್ಗ ಲಸಿಕೆ ಪಡೆದಿದ್ದಾರೆ.