ಹೊಸ ಖಾಸಗಿ ನೀತಿ ಒಪ್ಪಿಕೊಳ್ಳಲು ಒತ್ತಡ ಹೇರುವುದಿಲ್ಲ: ಹೈಕೋರ್ಟ್ ಗೆ ಟ್ವಿಟರ್ ಹೇಳಿಕೆ

ಹೊಸದಿಲ್ಲಿ, ಜು.9: ಸರಕಾರ ದತ್ತಾಂಶ ಸುರಕ್ಷತೆ ಕಾಯ್ದೆಯನ್ನು ಅಂಗೀಕರಿಸುವವರೆಗೆ, ತನ್ನ ಹೊಸ ಖಾಸಗಿ ನೀತಿಯನ್ನು ಒಪ್ಪಿಕೊಳ್ಳುವಂತೆ ಗ್ರಾಹಕರಿಗೆ ಒತ್ತಡ ಹೇರುವುದಿಲ್ಲ ಎಂದು ದಿಲ್ಲಿ ಹೈಕೋರ್ಟ್ ಗೆ ಟ್ವಿಟರ್ ಹೇಳಿದೆ.

ಹೊಸ ಖಾಸಗಿ ನೀತಿಯನ್ನು ತಡೆಹಿಡಿಯುವ ಸ್ವಯಂಪ್ರೇರಿತ ನಿರ್ಧಾರಕ್ಕೆ ಬಂದಿದ್ದೇವೆ. ಜನತೆ ಅದನ್ನು ಒಪ್ಪಿಕೊಳ್ಳುವಂತೆ ಒತ್ತಾಯಿಸುವುದಿಲ್ಲ ಎಂದು ಟ್ವಿಟರ್ ಪರ ವಾದಿಸಿದ ಹಿರಿಯ ನ್ಯಾಯವಾದಿ ಹರೀಶ್ ಸಾಳ್ವೆ ಹೇಳಿದರು. ಹೊಸ ನೀತಿಯನ್ನು ಆಯ್ಕೆ ಮಾಡದ ಗ್ರಾಹಕರ ಮೇಲೆ ಯಾವುದೇ ನಿಯಂತ್ರಣ ಹೇರದಿರಲೂ ನಿರ್ಧರಿಸಿದ್ದೇವೆ. ಬದಲಾಗಿ, ಪರಿಷ್ಕೃತ ನೀತಿಯ ಬಗ್ಗೆ ಕಾಲಕಾಲಕ್ಕೆ ಬಳಕೆದಾರರಿಗೆ ಮಾಹಿತಿ ರವಾನಿಸುತ್ತೇವೆ. ಸರಕಾರದ ದತ್ತಾಂಶ ಸುರಕ್ಷತಾ ಕಾಯ್ದೆ ಜಾರಿಯಾಗುವವರೆಗೆ ಇದನ್ನು ಪಾಲಿಸಲಿದ್ದೇವೆ ಎಂದು ಬಳಿಕ ಬಿಡುಗಡೆಗೊಳಿಸಿದ ಹೇಳಿಕೆಯಲ್ಲಿ ಟ್ವಿಟರ್ ಸ್ಪಷ್ಟಪಡಿಸಿದೆ.

 ಬಳಕೆದಾರರ ಖಾಸಗಿತನಕ್ಕೆ ನಾವು ಹೆಚ್ಚಿನ ಆದ್ಯತೆ ನೀಡುತ್ತೇವೆ. ಇತ್ತೀಚಿನ ಪರಿಷ್ಕರಣೆಗಳು ಬಳಕೆದಾರರ ವೈಯಕ್ತಿಕ ಸಂದೇಶದ ಗೋಪ್ಯತೆಯನ್ನು ಬದಲಾಯಿಸುವುದಿಲ್ಲ. ಜನತೆ ತಮ್ಮ ವ್ಯವಹಾರದಲ್ಲಿ ಹೇಗೆ ಸಂವಹನ ನಡೆಸುತ್ತಾರೆ ಎಂಬ ಬಗ್ಗೆ ಹೆಚ್ಚುವರಿ ಮಾಹಿತಿ ಒದಗಿಸುವ ಉದ್ದೇಶ ಹೊಸ ನೀತಿಯದ್ದಾಗಿದೆ ಎಂದು ಟ್ವಿಟರ್ ಹೇಳಿದೆ. ಭಾರತೀಯ ಸ್ಪರ್ಧಾ ಆಯೋಗ(ಸಿಸಿಐ) ನಡೆಸುತ್ತಿರುವ ವಿಚಾರಣೆಯನ್ನು ಪ್ರಶ್ನಿಸಿ ಟ್ವಿಟರ್ ಮತ್ತು ಅದರ ಮಾತೃಸಂಸ್ಥೆ ಫೇಸ್ಬುಕ್ ಹೈಕೋರ್ಟ್ ಗೆ ಮೇಲ್ಮನವಿ ಸಲ್ಲಿಸಿದೆ. ಹೊಸ ಖಾಸಗಿ ನೀತಿಯ ಬಗ್ಗೆ ಇನ್ನಷ್ಟು ಮಾಹಿತಿ ನೀಡುವಂತೆ ಸೂಚಿಸಿ ಕಳೆದ ತಿಂಗಳು ಸಿಸಿಐ ನೋಟಿಸ್ ಜಾರಿಗೊಳಿಸಿದೆ. 

ಸಿಸಿಐ ನೋಟಿಸ್ ಗೆ ತಡೆ ನೀಡಲು ಹೈಕೋರ್ಟ್ ನಿರಾಕರಿಸಿತ್ತು. ಶುಕ್ರವಾರ ನ್ಯಾಯಾಲಯದಲ್ಲಿ ಹೇಳಿಕೆ ನೀಡಿದ ಹರೀಶ್ ಸಾಳ್ವೆ, ವಾಟ್ಸ್ಯಾಪ್ ತಡೆ ನೀಡಿರುವ ಕಾರ್ಯನೀತಿಗೆ ಸಂಬಂಧಿಸಿ ಸಿಸಿಐ ನೋಟಿಸ್ ಜಾರಿಗೊಳಿಸಿದೆ. ದತ್ತಾಂಶ ಸುರಕ್ಷತೆ ಕಾಯ್ದೆಯಡಿ ಮಾಹಿತಿ ಹಂಚಿಕೊಳ್ಳಲು ಸಂಸತ್ತು ಅನುಮತಿ ನೀಡಿದರೆ ಆಗ ಸಿಸಿಐ ತನಿಖೆಗೆ ಅರ್ಥವಿಲ್ಲ. ಯಾಕೆಂದರೆ ನಾವು ನಮ್ಮ ಪರಿಷ್ಕೃತ ಕಾರ್ಯನೀತಿಯನ್ನು ಈಗಾಗಲೇ ತಡೆಹಿಡಿದಿದ್ದೇವೆ ಎಂದರು.

ಸಿಸಿಐ ನೋಟಿಸ್ಗೆ ಪ್ರತಿಕ್ರಿಯಿಸಲು ಸಾಳ್ವೆ ಸಮಯಾವಕಾಶ ಕೋರಿದ್ದರಿಂದ ವಿಚಾರಣೆಯನ್ನು ಮುಂದೂಡಲಾಯಿತು. ವಾಟ್ಸ್ಯಾಪ್ನ ಹೊಸ ಖಾಸಗಿ ನೀತಿ ಈ ವರ್ಷದ ಫೆಬ್ರವರಿಯಿಂದ ಜಾರಿಗೆ ಬರಬೇಕಿತ್ತು. ಆದರೆ ಹೊಸ ನೀತಿಯು ಖಾಸಗಿತನದ ಸುರಕ್ಷತೆಯನ್ನು ಉಲ್ಲಂಘಿಸುತ್ತದೆ ಎಂದು ಬಳಕೆದಾರರು ಆತಂಕ ವ್ಯಕ್ತಪಡಿಸಿದ್ದರಿಂದ ಅಂತಿಮ ಗಡುವನ್ನು ಮೇ 21 ರವರೆಗೆ ಮುಂದೂಡಲಾಗಿತ್ತು. ಹೊಸ ನೀತಿಯನ್ನು ಹಿಂಪಡೆಯುವಂತೆ ಕೇಂದ್ರ ಸರಕಾರ ವಾಟ್ಸ್ಯಾಪ್ಗೆ ಆದೇಶಿಸಿದೆ. ದತ್ತಾಂಶ ಸುರಕ್ಷತೆ ಮಸೂದೆಯು ಕಾಯ್ದೆಯಾಗಿ ಜಾರಿಗೆ ಬರುವ ಮುನ್ನ ತನ್ನ ಹೊಸ ನೀತಿಯನ್ನು ಒಪ್ಪಿಕೊಳ್ಳುವಂತೆ ಬಳಕೆದಾರರ ಮೇಲೆ ಒತ್ತಡ ಹೇರುತ್ತಿದೆ ಎಂದು ಕೇಂದ್ರ ಸರಕಾರ ದಿಲ್ಲಿ ಹೈಕೋರ್ಟ್ ಗೆ ತಿಳಿಸಿತ್ತು.