ಶಾಲೆಗೆ ಹೋಗದೆ ಹತ್ತನೆ ತರಗತಿಯ ಪರೀಕ್ಷೆ ಬರೆಯುವ ಸಿದ್ಧತೆಯಲ್ಲಿ ಆದಿ ಸ್ವರೂಪ !

ಮಂಗಳೂರು, ಜು.17: ಆದಿ ಸ್ವರೂಪ ಶಾಲೆಗೆ ಹೋಗದ ವಿದ್ಯಾರ್ಥಿನಿಯಾಗಿದ್ದು, ಇದೀಗ ಜು.19ಕ್ಕೆ 16ನೇ ವಯಸ್ಸಿಗೆ 10ನೇ ತರಗತಿಯ ಪಬ್ಲಿಕ್ ಪರೀಕ್ಷೆಗೆ ಹಾಜರಾಗುತ್ತಾರೆ.

ಆದಿ ಸ್ವರೂಪ ಎರಡೂ ಕೈಗಳ ಮೂಲಕ ಬರೆದು (AMBIDEXTROUS ) ಉಭಯ ಹಸ್ತ ಬರವಣಿಗೆಯಲ್ಲಿ ವಿಶ್ವದಾಖಲೆ ಮಾಡಿದ್ದಾರೆ. ಅದೇ ರೀತಿ ಹತ್ತನೆ ತರಗತಿಯ 6 ವಿಷಯಗಳನ್ನು 93 ಸಾವಿರ ಚಿಕಿಣಿ ಚಿತ್ರಗಳ ಮೂಲಕ ದೃಶ್ಯ, ಸ್ಮರಣ ಚಿತ್ರ ನಿರ್ಮಿಸಿ ವಿಶ್ವದಾಖಲೆ ಬರೆದಿದ್ದಾರೆ ಮತ್ತು ಈ ಬಾರಿ 10ನೇ ತರಗತಿಯ ಪರೀಕ್ಷೆಯನ್ನು ಏಕಕಾಲಕ್ಕೆ 2 ಕೈಗಳ ಮೂಲಕ ಬರೆಯಲು ಸಿದ್ಧತೆ ನಡೆಸಿದ್ದು, ಎಸೆಸೆಲ್ಸಿ ಪರೀಕ್ಷೆ ಕೇವಲ ಬಹು ಆಯ್ಕೆಯ ಪ್ರಶ್ನೆ ಪತ್ರಿಕೆಯಾದ ಕಾರಣ ಅವಕಾಶ ಇಲ್ಲದಂತಾಗಿದೆ.

ಹತ್ತನೇ ತರಗತಿ ಪರೀಕ್ಷೆ ಬರೆಯಲು ವಿದ್ಯಾರ್ಥಿಗಳು ಪರೀಕ್ಷೆಯ ಹೋರಾಟ ಮಾಡಬೇಕಿಲ್ಲ. ಬದಲಾಗಿ ಸ್ವರೂಪರ 10 ನೆನಪಿನ ತಂತ್ರಗಳನ್ನು ಅಳವಡಿಸಿಕೊಂಡರೆ ಸಾಕು. ಇದಕ್ಕೆ ಆದಿ ಸ್ವರೂಪ ಸಾಕ್ಷಿ ಎಂದು ಸ್ವರೂಪ ಅಧ್ಯಯನ ಕೇಂದ್ರದ ನಿರ್ದೇಶಕ ಗೋಪಾಡ್ಕರ್ ಸುದ್ದಿಗೋಷ್ಠಿ ಯಲ್ಲಿಂದು ತಿಳಿಸಿದ್ದಾರೆ.

ಆದಿಯ ಆಸಕ್ತಿಯ ಕ್ಷೇತ್ರಗಳು ಹಲವು ಇದ್ದು, ಪಂಡಿತ್ ರವಿಕಿರಣ್ ಮಣಿಪಾಲರಿಂದ ಹಿಂದೂಸ್ಥಾನಿ ಶಾಸ್ತ್ರೀಯ ಸಂಗೀತ, ವಿದುಷಿ ಸುಮಂಗಲಾ ರತ್ನಾಕರ್‌ರಿಂದ ಯಕ್ಷಗಾನ ಅಭ್ಯಾಸ ಮಾಡಿದ್ದು, ಗಿಟಾರ್ ಕೀಬೋರ್ಡ್, ಮಿಮಿಕ್ರಿ ಬೀಟ್‌ಬಾಕ್ಸ್, ಚಿತ್ರಕಲೆ, ಸಾಹಿತ್ಯ ಆಸಕ್ತಿಯ ಇತರ ಕ್ಷೇತ್ರಗಳಾಗಿವೆ. ‘ಆದಿಯ ಕತೆ ಅಂತ್ಯ ನೀವೇ ಹೇಳಿ ಹೆಸರಿನ ಫ್ಯಾಂಟಿಸಿ ಕಥಾ ಪುಸ್ತಕ ಹತ್ತನೇ ವಯಸ್ಸಿಗೆ ಬಿಡುಗಡೆ ಸಂದರ್ಭ ಏಕವ್ಯಕ್ತಿ ಚಿತ್ರಕಲಾ ಪ್ರದರ್ಶನವನ್ನು ನಡೆಸಿದ್ದಾರೆ.

ಸ್ವರೂಪ ಅಧ್ಯಯನ ಕೇಂದ್ರದ ನಿರ್ದೇಶಕ ಗೋಪಾಡ್ಕರ್ ಮತ್ತು ಪ್ರಾಂಶುಪಾಲೆ ಸುಮಾಡರ್ ದಂಪತಿಯ ಏಕೈಕ ಪುತ್ರಿಯಾಗಿರುವ ಆದಿ ಸ್ವರೂಪ ಹತ್ತು ವರ್ಷಗಳ ಕಾಲ ದೇಶಾದ್ಯಂತ 1,600 ಕೇಂದ್ರಗಳಿಗೆ ಸಂಚರಿಸಿದ ಶಿಕ್ಷಣ ಜಾಗೃತಿ ಜಾಥಾದಲ್ಲಿ ಭಾಗವಹಿಸಿ ವಿಶೇಷ ಸ್ಮರಣ ಶಕ್ತಿ ಪ್ರತಿಭಾ ಪ್ರದರ್ಶನ ನೀಡಿದ್ದಾರೆ.

ಹತ್ತನೇ ತರಗತಿಯ 6 ಪಠ್ಯ ಪುಸ್ತಕಗಳ ವಿಷಯಗಳನ್ನು ಸ್ಮರಣ ಚಿತ್ರದ ಮೂಲಕ 20 ಗಂಟೆಗಳಲ್ಲಿ ಪೂರ್ಣ ಮಾಡಿ ಒಂದೇ ವಾರದಲ್ಲಿ ಚಿತ್ರ ನೋಟನ್ನು ಮಕ್ಕಳಿಂದ ಮಾಡಿಸುವ ಪ್ರದರ್ಶನಕ್ಕೆ ಆದಿ ಸಿದ್ಧರಾಗಿದ್ದಾರೆ.

ನೆನಪಿನ ದಾಖಲೆ

ಆದಿ ಸ್ವರೂಪ ಹತ್ತನೇ ತರಗತಿಯ ಸ್ಟೇಟ್ ಸಿಲೆಬಸ್‌ನ ಒಂದು ಪಾಠ ಪುಸ್ತಕಕ್ಕೆ ವಿಶುವಲ್ ಮೆಮೊರಿ ಆರ್ಟ್ ಮೂಲಕ ಒಂದೇ ಪಟದಲ್ಲಿ 5 ಚಿಕಿಣಿ ಚಿತ್ರ ರಚಿಸಿ ನೆನಪಿನ ದಾಖಲೆ ಮಾಡಿದ್ದಾರೆ.

(18 Trapped Education cond INCREDIBLE VISUAL MEMORY ARTIST DOD INDIA BOOK OF RECORDS 2022) ವಿಯಟ್ನಾಂನಲ್ಲಿರುವ ಏಶ್ಯ ಬುಕ್ ಆಫ್ ರೆಕಾರ್ಡ್ ಸಂಸ್ಥೆಯ ಅಡಿಯಲ್ಲಿ ಬರುವ ಇಂಡಿಯಾ ಬುಕ್ ಆಫ್ ರೆಕಾರ್ಡ್ ಸಂಸ್ಥೆ ಹರ್ಯಾಣದ ಫರಿದಾಬಾದ್‌ನಲ್ಲಿದೆ.