ತುಳು, ಕೊಂಕಣಿ ಪೋಷಕ ನಟಿ ವಿನ್ನಿ ಫೆರ್ನಾಂಡಿಸ್ ನಿಧನ

ಮಂಗಳೂರು, ಜು. 29: ತುಳು, ಕೊಂಕಣಿ, ಕನ್ನಡ ಭಾಷೆಯ ಚಲನಚಿತ್ರ, ಧಾರಾವಾಹಿಗಳಲ್ಲಿ ನಟಿಸಿದ್ದ ಹಿರಿಯ ಕಲಾವಿದೆ ವಿನ್ನಿ ಫೆರ್ನಾಂಡಿಸ್ (63) ಗುರುವಾರ ಬೆಳಗ್ಗೆ ಹೃದಯಾಘಾತಕ್ಕೆ ಒಳಗಾಗಿ ನಿಧನರಾದರು.

ಕನ್ನಡ, ತುಳು, ಕೊಂಕಣಿ ಚಿತ್ರಗಳಲ್ಲಿ ನಟಿಸಿದ್ದ ವಿನ್ನಿ ಫೆರ್ನಾಂಡಿಸ್ ಕರಾವಳಿಯ ಸಿನಿ ಕಲಾವಿದರಲ್ಲಿ ಚಿರಪರಿಚಿತರು. ಕನ್ನಡ, ಕೊಂಕಣಿ  ಧಾರಾವಾಹಿಗಳಲ್ಲೂ ವಿನ್ನಿ ನಟಿಸಿದ್ದರು.

ಕೊಂಕಣಿ ನಾಟಕಗಳಲ್ಲಿ ಅಭಿನಯ ಆರಂಭಿಸಿದ್ದ ಅವರು, ನಂತರ ತುಳು, ಕನ್ನಡ ನಾಟಕಗಳಲ್ಲೂ ಕಾಣಿಸಿಕೊಂಡಿದ್ದರು. ನಂತರ ಚಲನಚಿತ್ರಗಳು ಹೆಚ್ಚಿದಾಗ ಚಿತ್ರೋದ್ಯಮದಲ್ಲಿ ಛಾಪು ಒತ್ತಿದ್ದರು. ಚಲನಚಿತ್ರ ಮತ್ತು ನಾಟಕ ರಂಗದಲ್ಲಿ ನೀಡಿರುವ ಸೇವೆಗಾಗಿ ವಿನ್ನಿ ಅವರಿಗೆ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ನೀಡಲಾಗಿತ್ತು. ಅವರು ಪತಿ, ಪುತ್ರ, ಪುತ್ರಿ ಸಹಿತ ಅಪಾರ ಬಂಧು-ಬಳಗವನ್ನು ಅಗಲಿದ್ದಾರೆ.