ಐಟಿ ಕಾಯಿದೆ ತಿದ್ದುಪಡಿ ಮಸೂದೆ: ಬಿಜೆಪಿ-ಸ್ವದೇಶಿ ಜಾಗರಣ್ ಮಂಚ್ ನಾಯಕರ ನಡುವೆ ಟ್ವಿಟ್ಟರ್ ಸಮರ
Photo: Twitter
ಹೊಸದಿಲ್ಲಿ: ಆದಾಯ ತೆರಿಗೆ ಕಾಯಿದೆ 1961ಗೆ ತಿದ್ದುಪಡಿ ತರುವ ಉದ್ದೇಶದಿಂದ ಕೇಂದ್ರ ಮಂಡಿಸಿರುವ ಆದಾಯ ತೆರಿಗೆ ಕಾನೂನುಗಳ (ತಿದ್ದುಪಡಿ) ಮಸೂದೆ 2021 ಆರೆಸ್ಸೆಸ್ ಸಹ ಸಂಸ್ಥೆಯಾಗಿರುವ ಸ್ವದೇಶಿ ಜಾಗರಣ ಮಂಚ್ನ ರಾಷ್ಟ್ರೀಯ ಸಹ ಸಂಚಾಲಕ ಅಶ್ವನಿ ಮಹಾಜನ್ ಹಾಗೂ ಬಿಜೆಪಿಯ ವಿದೇಶ ವ್ಯವಹಾರ ವಿಭಾಗದ ಉಸ್ತುವಾರಿ ವಿಜಯ್ ಚೌಥೈವಾಲೆ ಅವರ ನಡುವೆ ಟ್ವಿಟ್ಟರ್ ಸಮರಕ್ಕೆ ಕಾರಣವಾಗಿದೆ.
ಅಶ್ವನಿ ಮಹಾಜನ್ ಟ್ವೀಟ್ ಮಾಡಿ "ಅಂತರಾಷ್ಟ್ರೀಯ ಮಟ್ಟದ ಒತ್ತಡದಿಂದ ಸರಕಾರಕ್ಕೆ ಬೇರೆ ಆಯ್ಕೆಯಿರಲಿಲ್ಲ ನಿಜ ಆದರೆ ಅದರ ಶೀರ್ಷಿಕೆ ಕಳ್ಳರಿಗೆ ಪರಿಹಾರ ಎಂದಾಗಬೇಕಿತ್ತು- ಸರಕಾರ ಮತ್ತು ಸಾರ್ವಜನಿಕರಿಗೆ ಸಾವಿರಾರು ಕೋಟಿ ರೂಪಾಯಿಗಳ ನಷ್ಟ. ವಿದೇಶಿ ಹೂಡಿಕೆಯ ಅನಾನುಕೂಲದ ಒಂದು ದೊಡ್ಡ ಉದಾಹರಣೆ" ಎಂದು ಬರೆದಿದ್ದಾರೆ.
ಇದಕ್ಕೆ ಪ್ರತಿಕ್ರಿಯಿಸಿದ ವಿಜಯ್ ಚೌಥೈವಾಲೆ, "ನೀವು ಎಫ್ಡಿಐಗೆ ಸಂಪೂರ್ಣ ನಿಷೇಧ ಆಗ್ರಹಿಸುತ್ತಿದ್ದೀರಾ?" ಎಂದು ಪ್ರಶ್ನಿಸಿದ್ದಾರೆ.
ಇದಕ್ಕೆ ಪ್ರತ್ಯುತ್ತರಿಸಿ ಟ್ವೀಟ್ ಮಾಡಿದ ಮಹಾಜನ್, "ಒಂದು ನೀತಿಯ ಲಾಭ, ನಷ್ಟಗಳ ಕುರಿತು ಮಾತನಾಡುವುದು ಅಪರಾಧವೇ?" ಎಂದು ಕೇಳಿದ್ದಾರೆ.
ಇದಕ್ಕೂ ಬಿಜೆಪಿ ನಾಯಕ ಉತ್ತರಿಸಿ "ಕ್ರಿಮಿನಲ್ ಅಲ್ಲದೇ ಇರುವ ಎಲ್ಲವೂ ರಾಷ್ಟ್ರೀಯ ಹಿತಾಸಕ್ತಿಯಲ್ಲಿಲ್ಲದೇ ಇರಬಹುದು, ಆದರೆ ಈ ಅಂಶವನ್ನು ಒಪ್ಪಿಕೊಳ್ಳಲು ನೀವು ಸಿದ್ಧರಿಲ್ಲ" ಎಂದರು.
ಇದಕ್ಕೆ ಪ್ರತಿಕ್ರಿಯೆ ರೂಪದಲ್ಲಿ ಮಹಾಜನ್ ಅವರು ಈ ಕುರಿತು ಚರ್ಚೆಗೆ ಬಿಜೆಪಿ ನಾಯಕನನ್ನು ಆಹ್ವಾನಿಸಿ "ನಿಮ್ಮ ಮಹಾನ್ ನಂಬಿಕೆಗಳ ಬಗ್ಗೆ ಚರ್ಚೆಯನ್ನೇಕೆ ನೀವು ನಡೆಸಬಾರದು" ಎಂದು ಕೇಳಿದ್ದಾರೆ. ಇದಕ್ಕೆ ವಿಜಯ್ ಇನ್ನಷ್ಟೇ ಉತ್ತರಿಸಬೇಕಿದೆ.
It is true that under pressure from international arbitration, government had no other option, but the title should be Relief to thieves – Thousands of Crores of Rupees Loss to Government and Public. A great example of disadvantages of foreign investment. pic.twitter.com/wzaKdiK33D
— ASHWANI MAHAJAN (@ashwani_mahajan) August 6, 2021
Dear Shri @ashwani_mahajan , so are you demanding total ban on FDI? https://t.co/Qln9SvOCLz
— Dr Vijay Chauthaiwale (@vijai63) August 6, 2021
Sir ji, read the tweet. Is it a crime to talk about advantages and disadvantages of a policy? https://t.co/UeibCj3xeP
— ASHWANI MAHAJAN (@ashwani_mahajan) August 6, 2021
Everything that is not criminal may not be in larger national interest, a point you repeatedly fail to acknowledge. https://t.co/aJuGzdaa4B
— Dr Vijay Chauthaiwale (@vijai63) August 6, 2021
Shri @vijai63 why don’t you come for a debate about your ‘great’ beliefs? https://t.co/Lup1gUIzKi
— ASHWANI MAHAJAN (@ashwani_mahajan) August 6, 2021
