ಪ್ಯಾರಾಲಿಂಪಿಕ್ಸ್‌ನಲ್ಲಿ ಭಾರತಕ್ಕೆ ಮೂರನೇ ಪದಕ, ವಿನೋದ್ ಕುಮಾರ್‌ಗೆ ಕಂಚು

 ಟೋಕಿಯೊ: ಪ್ಯಾರಾಲಿಂಪಿಕ್ಸ್ ಕ್ರೀಡಾಕೂಟದಲ್ಲಿ ಭಾರತದ ಕ್ರೀಡಾಪಟುಗಳು ರವಿವಾರ ಒಂದೇ ದಿನ ಮೂರು ಪದಕಗಳನ್ನು ಜಯಿಸಿ ಗಮನಾರ್ಹ ಪ್ರದರ್ಶನ ನೀಡಿದ್ದಾರೆ.

ವಿನೋದ್ ಕುಮಾರ್ ಅವರು ಪುರುಷರ ಡಿಸ್ಕಸ್ ಥ್ರೋ(ಎಫ್52)ಸ್ಪರ್ಧೆಯಲ್ಲಿ ಕಂಚಿನ ಪದಕವನ್ನು ತನ್ನದಾಗಿಸಿಕೊಂಡರು.

ಪುರುಷರ ಡಿಸ್ಕಸ್ ಥ್ರೋ(ಎಫ್52) ಫೈನಲ್‌ನಲ್ಲಿ 19.91 ಮೀ.ದೂರಕ್ಕೆ ಡಿಸ್ಕಸ್ ಎಸೆದು ಕಂಚಿನ ಪದಕವನ್ನು ಗೆದ್ದುಕೊಂಡರು. ಈ ಸಾಧನೆಯ ಹಾದಿಯಲ್ಲಿ ಅವರು ಏಶ್ಯನ್ ದಾಖಲೆಯನ್ನು ಮುರಿದರು. ಇಂದು ಭವಿನಾ ಬೆನ್ ಪಟೇಲ್(ಟೇಬಲ್ ಟೆನಿಸ್)ಹಾಗೂ ನಿಶಾದ್ ಕುಮಾರ್(ಹೈಜಂಪ್)ಬೆಳ್ಳಿ ಪದಕವನ್ನು ಜಯಿಸಿ ಮಿಂಚಿದ್ದಾರೆ.